News

ହୁ ହୁ ହୋଇ ବଢି ଚାଲିଛି ପେଟ୍ରୋଲ ଓ ଡିଜେଲ ଦର : ନିର୍ବାଚନରେ ମୋଦୀଙ୍କ ପାଇଁ ହୋଇପାରେ ସମସ୍ୟା

ପେଟ୍ରୋଲ ଓ ଡିଜେଲ ଦରରେ ଲାଗିଲା ନିଆଁ । ନୂଆବର୍ଷ ଆରମ୍ଭରୁ ହିଁ ଦେଶରେ ହୁ ହୁ ହୋଇ ବଢି ଚାଲିଛି ପେଟ୍ରୋଲ ଓ ଡିଜେଲ ଦର । ଏପରିକି ଗୋଟିଏ ଗୋଟିଏ ସ୍ଥାନରେ ପେଟ୍ରୋଲ ଦର ୮୦ ଟଙ୍କା ଛୁଇଁଥିବା ବେଳେ ଡିଜେଲ ଦର ଲିଟର ପିଛା ୭୦ ଧରିଲାଣି । ଏହାପଛର ମୁଖ୍ୟ କାରଣ ହେଉଛି ଅର୍ନ୍ତଜାତୀୟ ବଜାରରେ ଅଶୋଧିତ ତୈଳର ମୂଲ୍ୟ ବୃଦ୍ଧି । ଏବେ ଗ୍ଳୋବାଲ ମାର୍କେଟରେ ଅଶୋଧିତ ତୈଳର ମୂଲ୍ୟ ବ୍ୟାରେଲ ପିଛା ୭୦ ଡଲାରରେ ପହଞ୍ଚିଲାଣି । ଯଦି ଏହିଭଳି ଭାବେ ଆଶୋଧିତ ତୈଳର ମୂଲ୍ୟବୃଦ୍ଧି ହୁଏ ତେବେ ଖୁବଶୀଘ୍ର ଏହା ବ୍ୟାରେଲ ପିଛା ୧୦୦ ଡଲାରରେ ପହଞ୍ଚିବ । ଯାହାର ପ୍ରଭାବ ସିଧାସଳଖ ଭାରତ ଉପରେ ମଧ୍ୟ ପଡିବ । ଏହାଦ୍ୱାରା ଡିଜେଲ ଓ ପେଟ୍ରୋଲର ମୂଲ୍ୟ ଲିଟର ପ୍ରତି ୧୦୦ ଟଙ୍କା ପାର କରିବ ।

ଭାରତୀୟ ରାଜନୀତିରେ ଅଶୋଧିତ ତୈଳ ଏକ ଗେମଚେଞ୍ଜର ଭୂମିକା ନିର୍ବାହ କରିଛି । ଏପରିକି ଅଶୋଧିତ ତୈଳର ମୂଲ୍ୟବୃଦ୍ଧି ଯୋଗୁଁ କଂଗ୍ରେସକୁ ଶାସନଗାଦି ମଧ୍ୟ ହରାଇବାକୁ ପଡିଛି । କାରଣ ୨୦୧୪ ସାଧାରଣ ନିର୍ବାଚନ ପୂର୍ବରୁ ଅର୍ନ୍ତଜାତୀୟ ସ୍ତରରେ ଅଶୋଧିତ ତୈଳର ମୂଲ୍ୟ ବୃଦ୍ଧି ଯୋଗୁଁ ପେଟ୍ରୋଲ ଓ ଡିଜେଲର ଦର ଦେଶର ଅଧିକାଂଶ ସ୍ଥାନରେ ୭୫ ପାର କରିଯାଇଥିଲା ।

ପେଟ୍ରୋଲ ଡିଜେଲ ଦରରେ ଏଭଳି ବୃଦ୍ଧି ଫଳରେ ସାଧାରଣ ଲୋକଙ୍କ ପକେଟ ଉପରେ ଏହାର ପ୍ରଭାବ ପଡୁଥିଲା । ଅଶୋଧିତ ତୈଳର ମୂଲ୍ୟ ବୃଦ୍ଧି ନିର୍ବାଚନରେ କଂଗ୍ରେସର ବିଜୟ ରଥକୁ ଅଟକାଇବାରେ ସକ୍ଷମ ହୋଇଥିଲା । କିନ୍ତୁ ଏହାର ଭରପୂର ଫାଇଦା ଉଠାଇଥିଲା ବିଜେପି । କଂଗ୍ରେସ ସରକାର ସମୟରେ ଅତ୍ୟାବଶ୍ୟକ ସାମଗ୍ରୀର ମୂଲ୍ୟବୃଦ୍ଧି ବିଜେପି ପାଇଁ ବରଦାନ ସାବ୍ୟସ୍ତ ହୋଇଥିଲା । ଏହାକୁ ମୁଦ୍ଦା କରି ବିଜେପି ସାଧାରଣ ଲୋକଙ୍କ ଭୋଟ ହାତେଇବା ସହ ଏକାକୀ ସଂଖ୍ୟା ଗରିଷ୍ଠ ଦଳ ଭାବେ ସାଧାରଣ ନିର୍ବାଚନରେ ବିଜୟୀ ହୋଇଥିଲା ।

ବିଶ୍ୱ ବାଣିଜ୍ୟ ସ୍ତରରେ ୨୦୧୨ରୁ ୨୦୧୭ ପର୍ୟ୍ୟନ୍ତ ଅଶୋଧିତ ତୈଳର ଯାତ୍ରା ଦେଶର ରାଜାନୀତିରେ ଏକ ନାଟକୀୟ ମୋଡ଼ ଆଣିଥିଲା । କେବେଳ ପେଟ୍ରୋଲ ଦରଦାମ ବଢ଼ିବା ସମସ୍ୟାକୁ ନେଇ କଂଗ୍ରସ ସରକାରକୁ ୨୦୧୪ ନିର୍ବାଚନରେ ପରାଜୟର ସ୍ୱାଦ ଚାଖିବାକୁ ପଡ଼ିଥିଲା ।

ସେହପରି ୨୦୧୪ ପରେ ପେଟ୍ରୋଲ ଓ ଡିଜେଲ ଦରଦାମ କମିବା ମୋଦ ସରକାରଙ୍କ ପାଇଁ ବରଦାନ ପାଲଟିଥିଲା । କିନ୍ତୁ ଏବେ ପୁଣି ହୁ ହୁ ହୋଇ ବଢ଼ୁଥିବା ଅଶୋଧିତ ତୈଳର ଦର ଦାମ ୨୦୧୯ରେ ମୋଦୀଙ୍କ ପାଇଁ ଏକ ବଡ଼ ସମସ୍ୟା ଭାବେ ମୁଣ୍ଡ ଟେକିପାରେ ବୋଳି ଆକଳନ କରାଯାଉଛି ।
ହୁ ହୁ ହୋଇ ବଢି ଚାଲିଛି ପେଟ୍ରୋଲ ଓ ଡିଜେଲ ଦର : ନିର୍ବାଚନରେ ମୋଦୀଙ୍କ ପାଇଁ ହୋଇପାରେ ସମସ୍ୟା crude oil

Related posts

ବିମାନ କର୍ମଚାରୀଙ୍କ ଏହି ନିନ୍ଦନୀୟ କାର୍ଯ୍ୟଯୋଗୁଁ ଯାତ୍ରୀମାନଙ୍କ ସୁରକ୍ଷାକୁ ନେଇ ପ୍ରଶ୍ନ ଉଠୁଛି

Krishna Kumar Manoj

ଡିସେମ୍ବର ୨୭ ତାରିଖଠାରୁ ଆଇଡିବିଆଇ ବ୍ୟାଙ୍କ କର୍ମଚାରୀମାନଙ୍କ ଧର୍ମଘଟ

Krishna Kumar Manoj

ବଙ୍ଗାଳୀ ଅଭିନେତ୍ରୀ ପାୟଲ ଚକ୍ରବର୍ତ୍ତୀଙ୍କ ସନ୍ଦେହଜନକ ମୃତ୍ୟୁ

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More