News

୧୬ ଦିନ ପରେ ତୈଳ ଦର କମିଲା ମାତ୍ର ୧ ପଇସା !

୬୦ ପଇସା କମିବା ନେଇ ଭୁଲରେ ଘୋଷଣା କରିଥିଲା ଆଇଓସିଏଲ

କର୍ଣ୍ଣାଟକ ବିଧାନସଭା ନିର୍ବାଚନର ୧୬ ଦିନ ପରେ ଆଜି ଉଭୟ ପେଟ୍ରୋଲ ଓ ଡିଜେଲ୍ ଦର ପ୍ରଥମ ଥର ପାଇଁ ହ୍ରାସ ପାଇଛି ।  ୧୬ ଦିନ ପରେ ପେଟ୍ରୋଲ ଓ ଡିଜେଲର ଦାମ କମାଇବା ନାଁରେ ତୈଳ କମ୍ପାନୀଗୁଡିକ ଲିଟର ପିଛା ମାତ୍ର ଏକପଇସା କମାଇଛନ୍ତି । ଆଜି ସକାଳୁ ସକାଳୁ ପେଟ୍ରୋଲ ଓ ଡିଜେଲ ଦର ୬୦ ପଇସା କମିଲା ବୋଲି ଘୋଷଣା କରିଥିଲା ଆଇଓସିଏଲ ।

କିନ୍ତୁ ଏହି ତଥ୍ୟ ଦେବାର ପ୍ରାୟ ଏକ ଘଣ୍ଟା ପରେ କୁହାଗଲା ଯେ ପେଟ୍ରୋଲ ଓ ଡିଜେଲ୍ ଲିଟର ପିଛା ୧ ପଇସା ହ୍ରାସ ପାଇଛି । ବୈଷୟିକ ତ୍ରୁଟି ଯୋଗୁଁ ସକାଳେ ଭୁଲ୍ ତଥ୍ୟ ଚାଲିଯାଇଥିଲା । ପରେ ଏହାକୁ ସଂଶୋଧନ କରିନିଆଯାଇଛି । ଚଳିତମାସ ୧୪ ତାରିଖ ଠାରୁ ତେଲ ଦର ନିୟମିତ ଭାବେ ବୃଦ୍ଧି ପାଉଥିଲା ।

୧୨ ତାରିଖ କର୍ଣ୍ଣାଟକ ନିର୍ବାଚନ ପରେ ପେଟ୍ରୋଲ ଓ ଡିଜେଲ ଦର ଲଗାତାର ବଢିଥିଲା । ରାଜ୍ୟରେ ପେଟ୍ରୋଲ ଦର ୭୭ ଟଙ୍କା ପାର କରିଥିବାବେଳେ ଡିଜେଲ ୭୦ ଟଙ୍କା ଟପିଥିଲା । ମୁମ୍ବାଇରେ ପେଟ୍ରୋଲ ଦର ୮୫ ଟଙ୍କା ପଂହଚିଥିଲା । ସରକାର ପେଟ୍ରୋଲ ଓ ଡିଜେଲ ଦର କମିବ ବୋଲି ଆଶ୍ୱାସନା ଦେଇଥିଲେ ବି ଏ ନେଇ ବର୍ତମାନ ଯାଏଁ କୌଣସି ଘୋଷଣା ହୋଇନାହିଁ ।

ପଢନ୍ତୁ ; ୧୦୦ କୋଟି କ୍ଲବ୍‌ରେ ସାମିଲ ହେଲା ‘ରାଜି’ !

Related posts

ଆଜି ୧୨ ଘଣ୍ଟିଆ ଭୁବନ ବନ୍ଦ

ENO Beuro

ଇସ୍ରୋ ଜାରି କଲା ‘ଚନ୍ଦ୍ରାୟନ-ଟୁ’ର ଫଟୋ

Ratnamani Moharana

ପ୍ରଥମ ୩ ମାସରେ ଜିଓର ନିଟ୍‌ ଲାଭ ୮୯୧ କୋଟି

Ratnamani Moharana

Leave a Comment