News

ବାରାଣସୀରେ ପ୍ରମୁଖ ବିକାଶୋନ୍ମୁଖୀ ପ୍ରକଳ୍ପଗୁଡିକକୁ ଉଦଘାଟନ କଲେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ  ଗତକାଲି  ବାରାଣସୀସ୍ଥିତ ବନାରସ ହିନ୍ଦୁ ବିଶ୍ୱବିଦ୍ୟାଳୟଠାରେ ଏକ ଜନସମାବେଶରେ କେତେକ ପ୍ରମୁଖ ବିକାଶ ପ୍ରକଳ୍ପର ଉଦଘାଟନ ଏବଂ ଆଧାରଶିଳା ରଖିଥିଲେ।ଉଦଘାଟିତ ହୋଇଥିବା ପ୍ରକଳ୍ପଗୁଡିକ ମଧ୍ୟରେ ପୁରୁଣା କାଶୀ ପାଇଁ ସମନ୍ୱିତ ଶକ୍ତି ବିକାଶ ଯୋଜନା ଏବଂ ବନାରସ ହିନ୍ଦୁ ବିଶ୍ୱବିଦ୍ୟାଳୟର ଅଟଳ ନବୋନ୍ୱେଷ କେନ୍ଦ୍ର ରହିଛି । ଆଧାରଶିଳା ସ୍ଥାପନ କରାଯାଇଥିବା ପ୍ରକଳ୍ପଗୁଡିକ ମଧ୍ୟରେ ହିନ୍ଦୁ ବିଶ୍ୱବିଦ୍ୟାଳୟରେ ଆଂଚଳିକ ଚକ୍ଷୁ ଚିକିତ୍ସା କେନ୍ଦ୍ର ରହିଛି ।

ଆଜି ଉଦଘାଟନ ଏବଂ ଆଧାରଶିଳା ସ୍ଥାପନ କରାଯାଇଥିବା ମୋଟ ପ୍ରକଳ୍ପର ମୂଲ୍ୟ 550 କୋଟି ଟଙ୍କା । ଏହି ଅବସରରେ ସମ୍ବୋଧନ କରି ପ୍ରଧାନମନ୍ତ୍ରୀ କହିଥିଲେ ଯେ ବାରାଣସୀରେ ପରିବର୍ତ୍ତନ ଅଣାଯିବା ତଥା ସହରର ସମୃଦ୍ଧ ଐତିହ୍ୟକୁ ସଂରକ୍ଷିତ କରିବାର ପ୍ରଚେଷ୍ଟା କରାଯାଉଛି  । ସେ କହିଥିଲେ ଯେ ସହରର ପ୍ରାଚୀନ ପରିଚୟକୁ ସୁରକ୍ଷିତ ରଖି ସହରର ବିକାଶ କରାଯାଉଛି  । ସେ କହିଥିଲେ ଯେ କାଶୀର ଜନସାଧାରଣଙ୍କ 4 ବର୍ଷର ସଂକଳ୍ପ ଦ୍ୱାରା ଯେଉଁ ପରିବର୍ତ୍ତନ ଅଣାଯାଇଛି ତାହା ଏବେ ପରିଲକ୍ଷିତ ହେଉଛି ।

ଶ୍ରୀ ନରେନ୍ଦ୍ର ମୋଦୀ ବିଦ୍ୟୁତ, ସଡକ ତଥା ଅନ୍ୟ ଭିତ୍ତିଭୂମି କ୍ଷେତ୍ରରେ ଜାରି ରହିଥିବା ବିଭିନ୍ନ ପ୍ରକଳ୍ପଗୁଡିକର ଉଦାହରଣ ଦେଇ କହିଥିଲେ ଯେ ଏହି ପ୍ରକଳ୍ପଗୁଡିକରେ ଦୃତ  ପ୍ରଗତି ପରିଲକ୍ଷିତ ହେଉଛି ଏବଂ ଏହାଦ୍ୱାରା ବାରାଣସୀ ତଥା ଆଖପାଖ ଅଂଚଳର ଲୋକମାନଙ୍କ ଜୀବନ ଶୈଳୀରେ ପରିବର୍ତ୍ତନ ହୋଇପାରିଛି ।ଯେତେବେଳେ ଲୋକମାନେ ବାରାଣସୀ କ୍ୟାଣ୍ଟ ଷ୍ଟେସନର ଛବି ଅନଲାଇନ ପୋଷ୍ଟ କରିବାର ଦେଖିଥାନ୍ତି ସେତେବେଳେ ସେ ଅତ୍ୟନ୍ତ ଆନନ୍ଦ ଅନୁଭବ କରନ୍ତି । ପ୍ରଧାନମନ୍ତ୍ରୀ ପରିବହନ ସଂରଚନାର ଆଧୂନିକିକରଣ ଦିଗରେ କରାଯାଉଥିବା କାର୍ଯ୍ୟ ବିଷୟରେ ମଧ୍ୟ ଆଲୋକପାତ କରିଥିଲେ । ସେ ସ୍ୱଚ୍ଛତା ଦିଗରେ ଏବଂ ସହରର ସୌନ୍ଦର୍ଯ୍ୟକରଣ କ୍ଷେତ୍ରରେ କରାଯାଉଥିବା କାର୍ଯ୍ୟର ମଧ୍ୟ ଆଲୋଚନା କରିଥିଲେ  । ସେ କହିଥିଲେ ଯେ ପର୍ଯ୍ୟଟନ କ୍ଷେତ୍ରରେ ପରିବର୍ତ୍ତନ ଆଣିବାର ପ୍ରଚେଷ୍ଟା ଏକ ନିରନ୍ତର ପ୍ରୟାସ  । ଏହି ପରିପ୍ରେକ୍ଷୀରେ ସାରନାଥଠାରେ କରାଯାଉଥିବା କାର୍ଯ୍ୟ ବିଷୟରେ ମଧ୍ୟ ଆଲୋକପାତ କରିଥିଲେ ।

pm

ପ୍ରଧାନମନ୍ତ୍ରୀ କହିଥିଲେ ଯେ ସଡକ, ବିଜୁଳି ଏବଂ ପାନୀୟ ଜଳ ଭଳି ଅତ୍ୟାବଶ୍ୟକ ସୁବିଧାଗୁଡିକ ମଧ୍ୟ ବାରାଣସୀର ଆଖପାଖ ଗ୍ରାମୀଣ ଅଂଚଳ ପର୍ଯ୍ୟନ୍ତ ଉପଲବ୍ଧ  । ସେ କହିଥିଲେ ଯେ କାଶୀ ଏବେ ସ୍ୱାସ୍ଥ୍ୟ କେନ୍ଦ୍ରର ପେଣ୍ଠସ୍ଥଳୀ ଭାବେ ପରିଚିତ । ଆଜି ଉଦଘାଟିତ ଅଟଳ ନବୋନ୍ୱେଷ କେନ୍ଦ୍ରର ଉଲ୍ଲେଖ କରି ସେ କହିଥିଲେ ଯେ ଷ୍ଟାର୍ଟ ଅପ ଏବେ ଏହାସହିତ ସଂଯୋଗ ହୋଇପାରିଛି । ସେ କହିଥିଲେ ଯେ ଦେଶର ବଚ୍ଛା ବଚ୍ଛା ସହର ମଧ୍ୟରେ ଏବେ ବାରାଣସୀ ଅନ୍ୟତମ ଯେଉଁଠାରେ ପାଇପ ମାଧ୍ୟମରେ ରୋଷେଇ ଗ୍ୟାସ ଉପଲବ୍ଧ କରାଯାଉଛି  । ସଂକଳ୍ପବଦ୍ଧ ହୋଇ ସହରର ଉନ୍ନତିକରଣରେ ସ୍ୱତଃପ୍ରବୃତ ଭାବେ ଯୋଗଦାନ କରିବାକୁ ପ୍ରଧାନମନ୍ତ୍ରୀ ବାରାଣସୀର ଜନସାଧାରଣଙ୍କୁ ନିବେଦନ କରିଥିଲେ ।

ପଢନ୍ତୁ; ଏହି ସବୁ ଲକ୍ଷଣରୁ ଜାଣନ୍ତୁ ଘରେ ବାସ୍ତୁଦୋଷ ଅଛି 

Related posts

ଉତ୍କଳ ଗୌରବ ମଧୁସୂଦନଙ୍କ ଆଜି ଜୟନ୍ତୀ

ENO Beuro

ପ୍ରଧାନମନ୍ତ୍ରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେଲା କେନ୍ଦ୍ରୀୟ ହିନ୍ଦୀ କମିଟିର ୩୧ତମ ବୈଠକ

ENO Beuro

ବିଚାରପତି ଲୋୟା ମାମଲା:ଏସଆଇଟି ତଦନ୍ତ ପାଇଁ ମନା କଲେ ସୁପ୍ରିମକୋର୍ଟ !

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More