News

ଅକ୍ଷୟଙ୍କ ସହ ଜୀବନର ସୁଖଦୁଃଖ ବାଣ୍ଟିଲେ ମୋଦି

ଅକ୍ଷୟ କୁମାରଙ୍କ ସହ ମନ ଖୋଲା କଥା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି

ବଲିଉଡ ଆକ୍ଟର ଅକ୍ଷୟ କୁମାରଙ୍କ  ସହିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସାକ୍ଷାତକାର ଏବେ ମିଡିଆରେ ଚର୍ଚ୍ଚାର ପ୍ରସଙ୍ଗ ପାଲଟିଛି । ଅଣସାମ୍ବାଦିକ ଭାବେ ଅକ୍ଷୟ କୁମାର ପ୍ରଧାନମନ୍ତ୍ରୀ ମୋଦିଙ୍କ ବ୍ୟକ୍ତିତ୍ବର ସେହି ଦିଗ ଉଦଘାଟନ କରିବାକୁ ଚେଷ୍ଟା କରିଛନ୍ତି ଯାହା ଆଜି ଯାଏଁ ଅନାଲୋଚିତ ହୋଇ ରହିଆସିଛି ।ଅକ୍ଷୟ କୁମାରଙ୍କ କହିବାନୁସାରେ, ଏହି ସାକ୍ଷାତକାର ସମ୍ପୂର୍ଣ୍ଣ ଭାବେ ନନ-ପଲିଟିକାଲ । ଏହି ସାକ୍ଷାତକାରରେ ସେ ତାଙ୍କୁ ପର୍ସନାଲ ଲାଇଫ୍ ସମ୍ପର୍କରେ ପଚାରିଛନ୍ତି । ଏଥିରେ ମୋଦିଙ୍କ ଜୀବନର ଅନେକ ଦିଗ ଉପରେ ସେ ପ୍ରଶ୍ନ ପଚାରିଛନ୍ତି ।

ସାକ୍ଷାତକାର ସମୟରେ ମୋଦି କହିଛନ୍ତି ଯେ, ସେ କେବେ ସ୍ବପ୍ନରେ ସୁଦ୍ଧା ଭାବିନଥିଲେ ଯେ ଦିନେ ସେ ଦେଶର ପ୍ରଧାନମନ୍ତ୍ରୀ ହେବେ । ମୋଦି ଆହୁରି କହିଛନ୍ତି ଯେ, ଯୁବା ଅବସ୍ଥାରେ ସେ ଦେଶ ମାତୃକାର ସେବା  ପାଇଁ ସେନାରେ ଯୋଗ ଦେବାକୁ ଚାହୁଁଥିଲେ । ସୈନିକଙ୍କ ଦେଶଭକ୍ତି ତାଙ୍କୁ ବହୁତ ପ୍ରଭାବିତ କରିଥିଲା । ଏଥିପାଇଁ ସେ ପରବର୍ତ୍ତୀ ସମୟରେ ରାମକ୍ରିଷ୍ଣ ମିଶନ  ସହିତ ଯୋଡି ହୋଇଥିଲେ ।

ଅକ୍ଷୟ: ପ୍ରଧାନମନ୍ତ୍ରୀ ମୋଦି ନିଜ ମାଆଙ୍କ ସହ କାହିଁକି ରୁହନ୍ତିନି ?

ମୋଦି: ମୁଁ ବହୁତ କମ୍ ବୟସରେ ଘର ଛାଡିଥିଲି । ତେଣୁ ମୁଁ ପରିବାର ସହ ଏତେ ଜଡିତ ନୁହଁ । ମନ ତ ହୁଏ । କିଛି ଦିନ ପାଇଁ ମାଆଙ୍କୁ ପାଖକୁ ନେଇଆସିଥିଲି । ମାଆଙ୍କ ସହ ସମୟ କାଟିଲି । ମାଆ କହିଲେ କାହିଁକି ମୋ ପଛରେ ଅଯଥା ସମୟ ନଷ୍ଟ କରୁଛୁ, ମୁଁ ଗାଁରେ ରହିବି, ସେଠାରେ ଲୋକଙ୍କ ସହ କଥାବାର୍ତ୍ତା କରିବି । ମାଆ ମଧ୍ୟ ଜାଣିପାରନ୍ତି ମୁଁ କେତେ ବ୍ୟସ୍ତ ରୁହେ ।

ଅକ୍ଷୟ: ଆପଣ ଆମ୍ବ ଖାଆନ୍ତି ?

ମୋଦି: ହଁ, ମୁଁ ଆମ୍ବ ଖାଏ । ଗଛରେ ପାଚିଥିବା ଆମ୍ବ ଖାଏ । ଯାହାକୁ ପ୍ରକୃତି ପଚାଇଥାଏ ।

ଅକ୍ଷୟଙ୍କ ଗୁଜରାଟୀ ଚୁଟକୁଲା ଶୁଣି ଠୋ ଠୋ ହୋଇ ହସି ଉଠିଲେ ମୋଦି। ଏହାପରେ ମୋଦି ଅକ୍ଷୟଙ୍କୁ ଚୁଟକୁଲା ଶୁଣାଇଥିଲେ। ଏହାପରେ ଦୁହେଁ ଜୋରଜୋରରେ ହସି ଉଠିଲେ।

Related posts

ମୋଦିଙ୍କ ଦ୍ଵିତୀୟ ଇନିଙ୍ଗ୍ସ ଆରମ୍ଭ: ମୋଦିଙ୍କ ସମେତ ଶପଥ ନେଲେ ୫୭ ମନ୍ତ୍ରୀ

Ratnamani Moharana

୫୨ଜଣ ଅମରନାଥ ଯାତ୍ରୀଙ୍କୁ ଆତଙ୍କବାଦୀଙ୍କ କବଳରୁ ରକ୍ଷା କରିଥିବା ଡ୍ରାଇଭରଙ୍କୁ ସାହସିକତା ପୁରସ୍କାର

ENO Beuro

ଛୋଟିଆ ଗାଁରୁ “ପରିବର୍ତ୍ତନ” କାର୍ଯ୍ୟକ୍ରମର ଶୁଭାରମ୍ଭ କଲା ଏଚ୍‌ଡିଏଫ୍‌‌ସି ବ୍ୟାଙ୍କ

ENO Beuro

Leave a Comment