27 C
Bhubaneswar
May 5, 2021
EnewsOdia.Com
ନ୍ୟୁଜ୍

ସରିଲା ମୋଦିଙ୍କୁ ମିଳିଥିବା ଉପହାରର ଇ-ନିଲାମୀ

ଦେଶ ବିଦେଶରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମିଳିଥିବା ଉପହାରର ପ୍ରଦର୍ଶନୀ ତଥା ଇ-ନିଲାମୀ ଶୁକ୍ରବାର ସମ୍ପନ୍ନ ହୋଇଛି। ଏହି ନିଲାମୀକୁ ଅଭୂତପୂର୍ଣ୍ଣ ଜନସମର୍ଥନ ମିଳିଥିଲା ଏବଂ ଦଶ ହଜାରରୁ ଊର୍ଦ୍ଦ୍ଵ ବିଡ ଦାଖଲ କରାଯାଇଥିଲା। ଏହି ଇ-ନିଲାମୀରୁ ମିଳିଥିବା ଅର୍ଥ ‘ନମାମି ଗଙ୍ଗେ’ ଅଭିଯାନ ପାଇଁ ଖର୍ଚ୍ଚ କରାଯିବ। ଏହି ସ୍ମାରକୀଗୁଡ଼ିକ ମଧ୍ୟରେ ଚିତ୍ର, ମୂର୍ତ୍ତି, ଚଦର, ଜ୍ୟାକେଟ ଓ ପାରମ୍ପରିକ ବାଦ୍ୟଯନ୍ତ୍ର ଆଦି ବିଭିନ୍ନ ସାମଗ୍ରୀ ରହିଥିଲା। ପୂର୍ବରୁ ଅକ୍ଟୋବର ୩ ତାରିଖରେ ଇ-ନିଲାମୀ ପାଇଁ ନିଷ୍ପତ୍ତି ନିଆଯାଇଥିଲା। ତେବେ ଏଥିପ୍ରତି ଅଭୂତପୂର୍ବ ଜନସମର୍ଥନ ତଥା ଅଧିକରୁ ଅଧିକ ଅଂଶଗ୍ରହଣ ପାଇଁ ଅନୁରୋଧକୁ ଦେଖି ନିଲାମୀ ପ୍ରକ୍ରିୟାକୁ ୩ ସପ୍ତାହ ପର୍ଯ୍ୟନ୍ତ ଘୁଂଚାଇ ଦିଆଯାଇଥିଲା ।ତେବେ ନିଲାମୀ ପାଇଁ ଥିବା ସମସ୍ତ ସାମଗ୍ରୀ ବିକ୍ରି ହୋଇସାରିଛି।

ପ୍ରଦର୍ଶିତ ହୋଇଥିବା ସ୍ମାରକୀଗୁଡ଼ିକ ମଧ୍ୟରେ ଭଗବାନ ଗଣେଶଙ୍କ ଏକ ଛୋଟ ମୂର୍ତ୍ତି ଏବଂ ପଦ୍ମ ଆକୃତିର ଏକ କାଠ ବାକ୍ସ ଭଳି ଛୋଟ ସାମଗ୍ରୀର ଆଧାର ମୂଲ୍ୟ ୫୦୦ ଟଙ୍କା ରଖାଯାଇଥିଲା। ତେବେ ପୃଷ୍ଠଭୂମିରେ ତ୍ରିରଙ୍ଗା ରହିଥିବା ମହାତ୍ମା ଗାନ୍ଧୀ ଓ ପ୍ରଧାନମନ୍ତ୍ରୀଙ୍କ ଏକ ତୈଳଚିତ୍ରର ଆଧାର ମୂଲ୍ୟ ଅଢେଇ ଲକ୍ଷ ଟଙ୍କା ରଖାଯାଇଥିଲା, ଯାହା ୨୫ ଲକ୍ଷ ଟଙ୍କାରେ ଚୂଡ଼ାନ୍ତ ନିଲାମ ହୋଇଥିଲା। ମା’ଙ୍କ ଠାରୁ ଆଶୀର୍ବାଦ ଗ୍ରହଣ କରୁଥିବା ସମୟରେ ପ୍ରଧାନମନ୍ତ୍ରୀଙ୍କ ଏକ ଫ୍ରେମ ହୋଇଥିବା ଫଟୋର ଆଧାର ମୂଲ୍ୟ ୧ ହଜାର ଟଙ୍କା ରଖାଯାଇଥିବା ବେଳେ ଏହାକୁ ୨୦ ଲକ୍ଷ ଟଙ୍କାରେ କ୍ରୟ ପାଇଁ ବିଡ ଦାଖଲ କରାଯାଇଛି। ଅନ୍ୟ ଲୋକପ୍ରିୟ ନିଲାମ ସାମଗ୍ରୀ ମଧ୍ୟରେ ମଣିପୁରୀ ଲୋକକଳାର ଏକ କଳାକୃତିର ମୂଲ୍ୟ ୫୦ ହଜାର ଟଙ୍କା ରହିଥିବା ବେଳେ ୧୦ ଲକ୍ଷ ଟଙ୍କାରେ ବିକ୍ରି ହୋଇଥିଲା ବେଳେ ବାଛୁରିକୁ ଖୁଆଉଥିବା ଏକ ଗାଈର ଧାତବ ମୂର୍ତ୍ତି ୧୦ ଲକ୍ଷ ଟଙ୍କାରେ ବିକ୍ରି ହୋଇଛି ଓ ୧୪ ସେଣ୍ଟିମିଟର ବିଶିଷ୍ଟ ସ୍ୱାମୀ ବିବେକାନନ୍ଦଙ୍କ ଏକ ଧାତବ ମୂର୍ତ୍ତି ୬ ଲକ୍ଷ ଟଙ୍କାରେ ବିକ୍ରି ପାଇଁ ବିଡ ଦାଖଲ ହୋଇଛି।

Related posts

ଭୟଙ୍କର ରୂପ ନେଉଛି ବାତ୍ୟା ‘ମହା’, ଜାରି ହେଲା ରେଡ ଆଲର୍ଟ

Ratnamani Maharana

ମାନିଲେନି ବିଡିଏର ପାର୍କିଂ ଫି’ ଆଦାୟ ବନ୍ଦ ନିର୍ଦ୍ଦେଶ, ନିର୍ଭୟରେ ଆଦାୟ କଲେ ଫି’

Ratnamani Maharana

Netflix ଦେଲା ଭାରତୀୟ ୟୁଜର୍ସଙ୍କୁ ଝଟକା

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More