News

ବିଜେଡି କାର୍ଯ୍ୟାଳୟରେ ଦୁଷ୍କର୍ମ ମାମଲା, କେନ୍ଦୁଝରରୁ ଗିରଫ ହେଲା ମୁଖ୍ୟ ଅଭିଯୁକ୍ତ

ଦଶରଥପୁର; ବିଜେଡି କାର୍ଯ୍ୟାଳୟରେ ଦୁଷ୍କର୍ମ ଘଟଣାରେ କେନ୍ଦୁଝରରୁ ଅଭିଯୁକ୍ତ ଚନ୍ଦ୍ରକାନ୍ତ ମହାପାତ୍ରକୁ ଗିରଫ କରିଛି ପୋଲିସ । ଏନେଇ ଯାଜପୁର ଏସପି ଚରଣ ସିଂ ମୀନା ସୂଚନା ଦେଇଛନ୍ତି ।ଗତ ୧୧ ତାରିଖ ରାତିରେ ସରକାରୀ ଯୋଜନାରେ ଆସିଥିବା ବିଜୁ ପକ୍କାଘର ଓ ଭତ୍ତା ଟଙ୍କାର ଲୋଭ ଦେଖାଇ ଦଳୀୟ କାର୍ଯ୍ୟାଳୟକୁ ମହିଳାଙ୍କୁ ଡାକି ଦୁଷ୍କର୍ମ କରିଥିଲେ ବିଜେଡିର ଜଣେ ସ୍ଥାନୀୟ ନେତା ।ଦଶରଥପୁର ବିଜେଡି ଅଫିସରେ ମହିଳାଙ୍କୁ ଦୁଷ୍କର୍ମ ଘଟଣା ପରେ ରାଜନୈତିକ ପାଣିପାଗ ସରଗରମ ହୋଇ ଉଠିଛି ।

ମହିଳାଙ୍କ ପାଖକୁ ଫୋନ ଆସିଲା ବିଜେଡି ଅଫିସକୁ ଆସ, ତମର ବିଜୁ ପକ୍କାଘର ଆସି ଯାଇଛି । ସ୍ୱାମୀ ପରିତ୍ୟକ୍ତା ହୋଇଥିବାରୁ ୨ ଲକ୍ଷ ଟଙ୍କାର ଭତ୍ତା ବି ଆସିଛି ।  ଥାନାରେ ହୋଇଥିବା ଅଭିଯୋଗ ଅନୁସାରେ ରାତି ପ୍ରାୟ ୮ଟାରେ ଦଳୀୟ ଅଫିସକୁ ଡାକିଥିଲେ ଚନ୍ଦ୍ରକାନ୍ତ ମହାପାତ୍ର ନାମକ ଜଣେ ସ୍ଥାନୀୟ ବିଜେଡି ନେତା ।ପ୍ରଥମେ ମହିଳା ଜଣକ ମନା କରିଥିଲେ ଯିବା ପାଇଁ କିନ୍ତୁ ଆଭିଯୁକ୍ତ ଜଣକ କହିଲେ ଆଜି ନ ଆସିଲେ ତାଙ୍କ ନାମରେ ଆସିଥିବା ୨ଲକ୍ଷ ଟଙ୍କା ଓ ଘର ଫେରି ଯିବା । ସେଠାରେ ମହିଳା ଜଣକ ପହଂଚିବା ପରେ ଅଫିସର କବାଟ ବନ୍ଦ କରିଦେଲେ ଚନ୍ଦ୍ରକାନ୍ତ ।

ବାରମ୍ବାର ନେହୁରା ହୋଇଥିଲେ ହେଁ ଅଭିଯୁକ୍ତ ତାଙ୍କୁ ଛାଡ଼ି ନଥିଲେ । ଶେଷରେ ଅସହାୟ ମହିଳା ଜଣକ ରାକ୍ଷସର ଶିକାର ହୋଇଗଲେ । ସ୍ୱାମୀ ପରିତ୍ୟକ୍ତା ମହିଳାଙ୍କ ଅସହାୟତାର ସୁଯୋଗ ନେଇ ଏଭଳି ଅମାନବୀୟ କାଣ୍ଡ କରିଥିବା ଚନ୍ଦ୍ରକାନ୍ତଙ୍କ ବିରୋଧରେ ଦୃଢ କାର୍ୟ୍ୟାନୁଷ୍ଠାନ ନିଆ ଯାଉ ବୋଲି ଦାବି ଜୋର ଧରିଥିଲା ।

ପ୍ରଶାସନିକ ଅଧିକାରୀ ଘଟଣାସ୍ଥଳ ପରିଦର୍ଶନ କରିଥିଲେ । ତେବେ କୌଣସି କାର୍ୟ୍ୟାନୁଷ୍ଠାନ ହେବା ପୂର୍ବରୁ ବିଜେଡି ଅଫିସ ପାଲଟିଯାଇଥିଲା ଗୋଦାମ । ଦୁଇ ଦିନ ପୂର୍ବରୁ ଦଶପରଥପୁରର ଦୁଷ୍କର୍ମ ହୋଇଥିବା ଘର ବିଜେଡି ଅଫିସ ଥିଲା କିନ୍ତୁ ଏବେ ଏହି ଅଫିସ ଗୋଦାମ ପାଲଟିଛି । ଦଶରଥପୁର ବିଜେଡି ଅଫିସରେ ସ୍ଥାନୀୟ ଯୁବନେତା ଚନ୍ଦ୍ରକାନ୍ତ ମହାପାତ୍ର ବିଜୁ ପକ୍କା ଘର ଯୋଜନା ଓ ୨ ଲକ୍ଷ ଟଙ୍କା ସରକାରୀ ଅନୁଦାନ ଦେବାକୁ କହି ମହିଳାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଥିଲା । ଘଟଣାର ୪ ଦିନ ପରେ ସଂପୃକ୍ତ ମହିଳା ଥାନାରେ ଏତଲା ଦେଇଥିଲେ ।

ବିଜେଡି କାର୍ଯ୍ୟାଳୟରେ ଦୁଷ୍କର୍ମ ମାମଲା, କେନ୍ଦୁଝରରୁ ଗିରଫ ହେଲା ମୁଖ୍ୟ ଅଭିଯୁକ୍ତ bijepur rafe case

ପଢନ୍ତୁ ;

ସ୍ତ୍ରୀ ଓ ୪ ମାସର ଶିଶୁ କନ୍ୟାକୁ ଜିଅନ୍ତା ଜାଳିଦେଲେ ; ଥାନାରେ ସ୍ଵାମୀ ଅଟକ

Related posts

ମାଟ୍ରିକ ସପ୍ଲିମେଣ୍ଟାରୀ ପରୀକ୍ଷା ଫଳ:ପାସ୍ ହାର ୪୧.୧୫%

ENO Beuro

ବଙ୍ଗୋପସାଗରରେ ଘୂର୍ଣ୍ଣିବଳୟ:୫ରୁ ପ୍ରବଳ ବର୍ଷା

ENO Beuro

ଭଦ୍ରକ:ଶେଷ ହେଲା ଅନ୍ତିମ ସଂସ୍କାର, ଗ୍ରାମବାସୀଙ୍କ ଆଖିରୁ ଶୁଖି ନାହିଁ ଲୁହ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More