ୟାଙ୍ଗନଠାରେ ଭାରତୀୟ ଉଦ୍ୟୋଗ ପ୍ରଦର୍ଶନୀ ଉଦଘାଟନ କଲେ ରାଷ୍ଟ୍ରପତି

president

ବାହାଦୁର ଶାହ ଜାଫରଙ୍କ କବରଠାରେ ଶ୍ରଦ୍ଧାଞ୍ଜଳି ଜ୍ଞାପନ

ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦ ଡ଼ିସେମ୍ବର 13, 2018ରେ ୟାଙ୍ଗନଠାରେ ପଞ୍ଚମ ଭାରତୀୟ ଉଦ୍ୟୋଗ ପ୍ରଦର୍ଶନୀକୁ ଉଦଘାଟନ କରିଛନ୍ତି ।

ଏହି ଅବସରରେ ନିଜର ବକ୍ତବ୍ୟ ରଖି ରାଷ୍ଟ୍ରପତି କହିଲେ ଯେ ମିଆଁମାର ଓ ଭାରତ ପରସ୍ପର ସହ ବାଣିଜ୍ୟ ଓ ନିବେଶ ସହଭାଗୀତା ଦୃଷ୍ଟିରୁ ଦୀର୍ଘ ଦିନରୁ ପରସ୍ପରର ଘନିଷ୍ଠ ସହଯୋଗୀ ହୋଇ ରହି ଆସିଛନ୍ତି । ତେବେ, ଏହି ବାଣିଜ୍ୟ କାରବାରକୁ ଅଧିକ ସଂପ୍ରସାରିତ କରିବାର ଏବେ ପର୍ଯ୍ୟାପ୍ତ ସୁଯୋଗ ରହିଛି । ପରସ୍ପର ରାଷ୍ଟ୍ରରେ ପୁଞ୍ଜି ନିବେଶ କରିବାର ବ୍ୟାପକ କ୍ଷେତ୍ର ସୃଷ୍ଟି ହୋଇଛି ଯାହାକି ବିକାଶ ଓ ପ୍ରଗତିର ଧାରାକୁ ଆଗକୁ ଆଗେଇ ନେଇଯାଇ ପାରିବ । ୟାଙ୍ଗନଠାରେ ଉଦ୍ୟୋଗ ଭାରତ ପ୍ରଦର୍ଶନୀ ଭଳି କାର୍ଯ୍ୟକ୍ରମ ଆୟୋଜନ କରାଯିବାରେ ନିଜର ସନ୍ତୋଷ ବ୍ୟକ୍ତ କରି ରାଷ୍ଟ୍ରପତି କହିଲେ ଯେ ଏହା ମାଧ୍ୟମରେ ଭାରତର ଶ୍ରେଷ୍ଠ ଉତ୍ପାଦ, ସେବା, ଅଭିନବତ୍ୱ ଏବଂ ବିଜ୍ଞାନ ଓ ପ୍ରଯୁକ୍ତି ଜ୍ଞାନ କୌଶଳ ଏଠାକୁ ଅଣାଯାଇପାରିଛି । ଏହା ମାଧ୍ୟମରେ ମିଆଁମାରରେ ନୂଆ ନୂଆ ବ୍ୟବସାୟିକ ସହଯୋଗୀ, ଷ୍ଟାର୍ଟ ଅପ୍‌, ଇନକୁବେଟର ଏବଂ ଉପଭୋକ୍ତା ସୃଷ୍ଟି ହୋଇପାରିବେ । ଏଭଳି କାର୍ଯ୍ୟକ୍ରମ ଆୟୋଜନ କରିଥିବାରୁ ସେ ଭାରତୀୟ ଶିଳ୍ପ ମହାସଂଘ ଏବଂ ମିଆଁମାରର ବାଣିଜ୍ୟ ମହାସଂଘକୁ ସାଧୁବାଦ ଜଣାଇଥିଲେ ।

ଐତିହାସିକ ଶ୍ରୀ କାଳୀ ମନ୍ଦିର କଲେ ପ୍ରଦର୍ଶନ

ପୂର୍ବରୁ ରାଷ୍ଟ୍ରପତି ତାଙ୍କର ଗସ୍ତକ୍ରମ ଅବସରରେ ୟାଙ୍ଗନ ଠାରେ ଥିବା ପ୍ରସିଦ୍ଧ ଶ୍ରୀ କାଳୀ ମନ୍ଦିର ପରିଦର୍ଶନ କରିଥିଲେ । ଏହି ମନ୍ଦିର 150 ବର୍ଷର ପ୍ରାଚୀନ ଏବଂ ଭାରତ ଓ ମିଆଁମାର ଲୋକମାନଙ୍କ ମଧ୍ୟରେ ଏକତାର ଏହା ଏକ ଅଭିନବ ପ୍ରତୀକ । ପରେ ରାଷ୍ଟ୍ରପତି ମୋଗଲ ସମ୍ରାଟ ବାହାଦୂର ଶାହ ଜାଫରଙ୍କ ମଜାରାକୁ ଯାଇ ସେଠାରେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । 1857 ମସିହାର ବିଦ୍ରୋହ ବେଳେ ବାହାଦୂର ଶାହ ଜାଫର ଗୁରୁତ୍ୱପୂର୍ଣ୍ଣ ଭୂମିକା ନିଭାଇଥିଲେ । ମଜାରାଠାରେ ମହମବତୀ ଜଳାଇ ରାଷ୍ଟ୍ରପତି ଶ୍ରଦ୍ଧାସୁମନ ଜ୍ଞାପନ କରିଥିଲେ । ଏହି ମଜାରା ପରିଦର୍ଶନ କରିବାରେ ଶ୍ରୀ କୋବିନ୍ଦ ହେଉଛନ୍ତି ଭାରତର ଦ୍ୱିତୀୟ ରାଷ୍ଟ୍ରପତି । 2006 ମସିହାରେ ତତ୍କାଳୀନ ରାଷ୍ଟ୍ରପତି ଡ଼କ୍ଟର ଏ ପି ଜେ ଅବଦୁଲ କାଲାମ ଏହି ମଜାରା ପରିଦର୍ଶନ କରିଥିଲେ ।

president

ରାଷ୍ଟ୍ରପତି ତାଙ୍କର ମ୍ୟାଁମାର ଗସ୍ତ କାର୍ଯ୍ୟକ୍ରମ ଶେଷ କରି ୟାଙ୍ଗନସ୍ଥିତ ଧମ୍ମା ଜ୍ୟୋତି ବିପାସନା ଧ୍ୟାନ କେନ୍ଦ୍ର ପରିଦର୍ଶନ କରିଥିଲେ । ଏହା ଦୁଇ ଦେଶ ମଧ୍ୟରେ ଏକ ଆଧ୍ୟାତ୍ମିକ ସଂପର୍କ ସ୍ଥାପନ କରିଛି । ବିପାସନା ଯୋଗ ପ୍ରାଚୀନ ଭାରତର ଏକ ପାରମ୍ପରିକ ଯୋଗ ପଦ୍ଧତି । ମିଆଁମାରର ସାଧୁସନ୍ଥମାନେ ଏହାକୁ ଅଭ୍ୟାସ ବଳରେ ସୁରକ୍ଷିତ ରଖିବା ଦିଗରେ ବେଶ୍‌ ଶ୍ରମ ସ୍ୱୀକାର କରିଆସିଛନ୍ତି । ମିଆଁମାରରୁ ଏହା ପୁନର୍ବାର ଭାରତ ପ୍ରତ୍ୟାବର୍ତ୍ତନ କରିଥିବା ବିଶ୍ୱାସ କରାଯାଏ ।

ପଢନ୍ତୁ;  ଆଣ୍ଠୁଗଣ୍ଠି ଜନିତ ସମସ୍ୟା ଅଛି କି ? ତେବେ ଲେମ୍ବୁ ଚୋପାରୁ ତିଆରି ଖାସ୍ ତେଲ ବ୍ୟବହାର କରନ୍ତୁ

Related posts

This website uses cookies to improve your experience. We'll assume you're ok with this, but you can opt-out if you wish. Accept Read More