News

ମହାରାଷ୍ଟ୍ରରେ ବିଶ୍ୱଶାନ୍ତି ଅହିଂସା ସମ୍ମେଳନକୁ ଉଦଘାଟନ କଲେ ରାଷ୍ଟ୍ରପତି

ରାଷ୍ଟ୍ରପତି ଶ୍ରୀ ରାମ ନାଥ କୋବିନ୍ଦ  ଅକ୍ଟୋବର 22, 2018 ମହାରାଷ୍ଟ୍ର ଗସ୍ତରେ ଯାଇ ନାସିକର ମାଙ୍ଗି ଟୁଙ୍ଗିଠାରେ ଆୟୋଜିତ ବିଶ୍ୱଶାନ୍ତି ଅହିଂସା ସମ୍ମେଳନକୁ ଉଦଘାଟନ କରିଛନ୍ତି । ଏହି ସମ୍ମେଳନ ଭଗବାନ ଶ୍ରୀ ଋଷଭନାଥ 108 ଫୁଟ ବିଶାଳକାୟ ଦିଗମ୍ବର ଜୈନ ମୂର୍ତ୍ତି ନିର୍ମାଣ କମିଟି ପକ୍ଷରୁ ଆୟୋଜନ କରାଯାଇଛି ।

ram

ଏହି ଅବସରରେ ଉଦ୍‌ବୋଧନ ଦେଇ ରାଷ୍ଟ୍ରପତି କହିଲେ ଯେ ଜୈନ ପରମ୍ପରାରେ “ଅହିଂସା ପରମୋଧର୍ମ” ନୀତିକୁ ସଦାସର୍ବଦା ପ୍ରାଧାନ୍ୟ ଦିଆଯାଇଛି । ଏହା ମାନବ କଲ୍ୟାଣ ତଥା ମାନବୀୟ ଅନୁକମ୍ପା ଉପରେ ଆଧାରିତ । ପୁଣି ଅନୁକମ୍ପା କହିଲେ କେବଳ ଶାରୀରିକ ହିଂସାକୁ ତ୍ୟାଗ କରିବାକୁ ବୁଝାଇ ନଥାଏ । ଭଗବାନ ମହାବୀର “ଅପରିଗ୍ରହ” ଉପରେ ବିଶେଷ ଗୁରୁତ୍ୱ ପ୍ରଦାନ କରିଥିଲେ । ଏହାର ଅର୍ଥ ବଞ୍ଚିବା ପାଇଁ ଯାହା ମୌଳିକ ଆବଶ୍ୟକତା ତାହା ଠାରୁ କିଛି ହେଲେ ଅଧିକ ଗ୍ରହଣ ନକରିବା । ବର୍ତ୍ତମାନ କାଳରେ ମାନବ ସମାଜ ପ୍ରକୃତିକୁ ଯେଉଁଭଳି ଅଯାଚିତ ଭାବେ ଲୁଣ୍ଠନ କରିଚାଲିଛି ତାହାର ଅବତାରଣା କରି ରାଷ୍ଟ୍ରପତି କହିଲେ ଯେ ଏହା ଦ୍ୱାରା ପ୍ରକୃ୍‌ତିର ସନ୍ତୁଳନ ବ୍ୟାହତ ହେଉଛି । କେବଳ ଲୁଣ୍ଠନ ନୁହେଁ ମଣିଷ ତା’ର ସ୍ୱାର୍ଥ ସାଧନ ଲାଗି ଏଭଳି ସଂପଦର ଉପଭୋଗ କରିବା ସହ ସେସବୁକୁ ନିଜ ପାଖରେ ଗଚ୍ଛିତ ରଖୁଛି । ଏହା ପ୍ରକୃତିର ନିୟମର ବିରୁଦ୍ଧାଚରଣ ବୋଲି ଅବତାରଣା କରି ରାଷ୍ଟ୍ରପତି କହିଲେ ଯେ ଏହା ଦ୍ୱାରା ଜଳବାୟୁ ପରିବର୍ତ୍ତନ ଠାରୁ ଆରମ୍ଭ କରି ମାନବ ସମାଜକୁ ନାନା ପ୍ରକାର ବିପଦର ସମ୍ମୁଖୀନ ହେବାକୁ ପଡ଼ୁଛି । ତେଣୁ ଜୈନ ପରମ୍ପରା ଏବଂ ଜୀବନ ବଞ୍ଚିବା ପାଇଁ ମହାବୀର ଜୀନ ପ୍ରଦର୍ଶନ କରିଥିବା ମାର୍ଗ ହିଁ ଶ୍ରେଷ୍ଠ ମାର୍ଗ ବୋଲି ରାଷ୍ଟ୍ରପତି ମତ ପୋଷଣ କରିଥିଲେ ।

ପଢନ୍ତୁ; ଯୌତୁକ ମାଗିବାରୁ ବରକୁ ଲଣ୍ଡା କଲେ କନ୍ୟା ପରିବାର

Related posts

ସହିଦ ଅର୍ଦ୍ଧସାମରିକ ବଳ ଯବାନଙ୍କ ପିଲାମାନଙ୍କୁ ସ୍କଲାରସିପ ବଣ୍ଟନ କଲେ ରାଜନାଥ ସିଂହ

ENO Beuro

ମାଡ଼ି ଆସୁଛି ସମସ୍ୟା ; ଭାରତକୁ ଚାରିପଟୁ ଘେରିବାକୁ ଉଦ୍ୟମ ଚଳାଇଛି “ଚୀନ୍‌”

ENO Beuro

ମୋବାଇଲ ଫୋନ୍ ଫାଟି ଯୁବତୀ ମୃତ ,ଚାର୍ଜରେ ବସାଇ କଥା ହେଉଥିବା ବେଳେ ବିସ୍ଫୋରଣ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More