Entertainment

୧୦ ବର୍ଷ ପରେ ପୁଣି ନଜର ଆସିବେ ଏହି ଯୋଡି

ଏକାଠି ହେବେ ସଲମାନ ଓ ପ୍ରିୟଙ୍କା

ସଲମାନ୍ ଖାନ୍ ଓ ପ୍ରିୟଙ୍କା ଚୋପ୍ରାଙ୍କୁ ନେଇ ଏବେ ବଲିଉଡରେ ପ୍ରସ୍ତୁତ ହେବାକୁ ଯାଉଛି ଚଳଚ୍ଚିତ୍ର ଭାରତ । ଦୀର୍ଘ ୧୦ ବର୍ଷ ପରେ ସଲମାନ ଓ ପ୍ରିୟଙ୍କା ପୁଣି ଏକାଠି ନଜର ଆସିବେ ।  ପୂର୍ବରୁ ସଲମାନ୍ ଓ ପ୍ରିୟଙ୍କାଙ୍କ ଯୋଡିରେ ଅନେକ ସିନେମା ପରଦାକୁ ଆସିଛି । ନିଜ ହଲିଉଡ୍ ପ୍ରୋଜେକ୍ଟକୁ ଶେଷ କରି ବଲିଉଡରେ ଅଭିନୟ କରିବା ପାଇଁ ନିଜକୁ ପ୍ରସ୍ତୁତ କରୁଛନ୍ତି ଦେଶୀ ଗର୍ଲ । ୨ ବର୍ଷ ପରେ ବ୍ୟବଧାନ ପରେ ବଲିଉଡକୁ ଫେରୁଛନ୍ତି ପ୍ରିୟଙ୍କା ।

ଅଭିନେତା ସଲମାନ୍ ଖାନଙ୍କ ବିପକ୍ଷରେ ନାୟିକା ହେବା ପାଇଁ ସାଇନ୍ କରିଛନ୍ତି ପ୍ରିୟଙ୍କା । ପୂର୍ବରୁ ମୁଝସେ ସାଦି କରୋଗି, ସଲାମେ ଇଷ୍କ ଏବଂ ଗଡ୍ ତୁସସି ଗ୍ରେଟ୍ ହୋ ଭଳି ସିନେମାରେ ପରଦାରେ ଏକାଠି ଅଭିନୟ କରିଥିବା ସଲମାନ୍ ଓ ପ୍ରିୟଙ୍କା ଯୋଡି ପୁଣିଥରେ ଫେରିବାକୁ ଯାଉଛି ।

କୁହାଯାଉଛି ଯେ ‘ଭାରତ’ ପ୍ରିୟାଙ୍କ ପାଇଁ ବଲିଉଡକୁ କମବ୍ୟାକ୍‌ କରିବା ପାଇଁ ପରଫେକ୍ଟ ଫିଲ୍ମ । କାରଣ ସଲମାନଙ୍କ ଫିଲ୍ମକୁ ଲୋକେ ଅପେକ୍ଷା କରି ବସିଥାନ୍ତି । ସେ ଏକମାତ୍ର ଅଭିନେତା ଯାହାଙ୍କର ସର୍ବାଧିକ ଫିଲ୍ମ ବ୍ଲକବଷ୍ଟର ହୋଇଛି । ଆଶା କରାଯାଉଛି ଯେ ‘ଭାରତ‌’ ମଧ୍ୟ ବକ୍ସ ଅଫିସ୍‌ରେ ସେହିଭଳି କମାଲ୍ କରିବ ।  ଏହା ବ୍ୟତୀତ ସଲମାନ୍ ଓ ପ୍ରିୟଙ୍କାଙ୍କ ଜବରଦସ୍ତ ଯୋଡ଼ିକୁ ଆଗରୁ ବି ଦର୍ଶକେ ଖୁବ୍‌ ପସନ୍ଦ କରିଛନ୍ତି ।

ତରନ ପ୍ରିୟଙ୍କାଙ୍କ ଏକ ଫଟ ସେୟାର୍ କରିବା ସହ କହିଛନ୍ତି ପ୍ରିୟଙ୍କା ହିଁ ହେବେ ସଲମାନଙ୍କ ନାୟିକା । ତେବେ ଗତ କିଛି ଦିନ ତଳେ ଶୁଣିବାକୁ ମିଳୁଥିଲା ଭାରତରୁ ପ୍ରିୟଙ୍କାଙ୍କୁ ଆଉଟ୍ କରି କ୍ୟାଟ୍ରିନାଙ୍କୁ ନେବା ପାଇଁ ସଲମାନ୍ ଯୋଜନା କରୁଛନ୍ତି । ହେଲେ ଏବେ ଘୋଷଣା ହୋଇଛି ଭାରତ ହେବ ପ୍ରିୟଙ୍କାଙ୍କ କମବ୍ୟାକ ସିନେମା ।

ଅଲ୍ଲି ଅବାସ୍ ଜଫର୍ ସଲମାନଙ୍କ ନୂଆ ଫେବରେଟ୍ ନିର୍ଦ୍ଦେଶକ ହୋଇଥିବାବେଳେ ପ୍ରିୟଙ୍କା ବି ଚଳଚ୍ଚିତ୍ର ଗୁଣ୍ଡେରେ ନିର୍ଦ୍ଦେଶକ ଅଲ୍ଲିଙ୍କ ସହ କାମ କରି ସାରିଛନ୍ତି । ତେବେ ନିକଟରେ ଭାରତର ସୁଟିଂ ବି ଆରମ୍ଭ ହୋଇ ଯାଇଛି । ପ୍ରଥମ ଦିନ ସୁଟିଂର ଏକ ଫଟୋ ନିର୍ଦ୍ଦେଶକ ଜାଫର୍ ନିଜ ସୋସିଆଲ୍ ମିଡିଆରେ ସେୟାର୍ କରିଛନ୍ତି । ଫଟୋରେ କ୍ଲାପ ବୋର୍ଡ ପଛରେ ସଲମାନଙ୍କୁ ଦେଖିବାକୁ ମିଳିଛି । ଆଉ ଖୁବଶୀଘ୍ର ପ୍ରୟଙ୍କା ବି ଭାରତର ସୁଟିଂ ଆରମ୍ଭ କରିବେ ।

ପଢନ୍ତୁ ;

‘ରାଇଜିଙ୍ଗ ଷ୍ଟାର-୨’ ସୋ’ର ବିଜେତା ହେଲେ ହେମନ୍ତ ବ୍ରିଜବାସୀ

Related posts

ଶନିବାରକୁ ଘୁଞ୍ଚିଲା ସଲମାନଙ୍କ ଜାମିନ ଶୁଣାଣି

ENO Beuro

୩୦ ବର୍ଷରେ ପଦାର୍ପଣ କଲେ ଅନୁଷ୍କା ଶର୍ମା

ENO Beuro

ଫିଲ୍ମ ଫ୍ରାଇଡେରେ ପରଦାକୁ ଆସିଲା ବହୁ ପ୍ରତୀକ୍ଷିତ ଫିଲ୍ମ ‘ପ୍ୟାଡ୍‌ମ୍ୟାନ୍‌’

ENO Beuro

4 comments

Leave a Comment