Loading...

ରାଜ୍ୟର ଉପାନ୍ତରୁ ଉପକୂଳ ଯାଏଁ ରହି ରହି କାଚୁଛି ବର୍ଷା

ରାଜ୍ୟର ଉପାନ୍ତରୁ ଉପକୂଳ ଯାଏଁ ରହି ରହି କାଚୁଛି ବର୍ଷା

ରାଜ୍ୟର ଉପାନ୍ତରୁ ଉପକୂଳ ଯାଏଁ ରହି ରହି ବର୍ଷା କାଚୁଛି । କେଉଁଠି ଅସରାଏ ତ ଆଉ କେଉଁଠି ନିର୍ଧୂମ ଛେଚୁଛି । ବିଭିନ୍ନ ସ୍ଥାନରେ ଗରିବ ଗୁରୁବାଙ୍କ ଘର ଭୁଶୁଡ଼ିଛି । ଗଛପଡ଼ି ରାସ୍ତା ବି ଅବରୋଧ ହୋଇଛି ।

ବଙ୍ଗୋପସାଗରରେ ଲଘୁଚାପ ଦୁର୍ବଳ ହୋଇଛି ସତ, ହେଲେ ଘୁର୍ଣ୍ଣିବଳୟ କିନ୍ତୁ ଘାଣ୍ଟି ପକାଉଛି । ରାଜ୍ୟର ଉପାନ୍ତରୁ ଉପକୂଳ ଯାଏଁ ରହି ରହି ବର୍ଷା କାଚୁଛି । କେଉଁଠି ଅସରାଏ ତ ଆଉ କେଉଁଠି ନିର୍ଧୂମ ଛେଚୁଛି । ବିଭିନ୍ନ ସ୍ଥାନରେ ଗରିବ ଗୁରୁବାଙ୍କ ଘର ଭୁଶୁଡ଼ିଛି । ଗଛପଡ଼ି ରାସ୍ତା ବି ଅବରୋଧ ହୋଇଛି । କୋରାପୁଟ୍‌ରୁ କେଉଁଝର, ଗଜପତିରୁ ବାଲେଶ୍ୱର । ଆଜି ଦିନ ତମାମ ଟୁଇନ୍‌ସିଟି ସମେତ ପ୍ରାୟ ୧୦ଟି ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ନାକେଦମ୍ କରିଛି ଲୋକଙ୍କୁ । ଏଭଳି ବର୍ଷା ଆଉ ୩ ଦିନ ଲାଗି ରହିବ ବୋଲି ପୂର୍ବାନୁମାନ କରିଛି ପାଣିପାଗ ବିଭାଗ ।ଉପାନ୍ତରୁ ଉପକୂଳ ଯାଏଁ ପ୍ରାୟ ୧୦ଟି ଜିଲ୍ଲାରେ ଆଜି ବର୍ଷା ହୋଇଛି । ଟୁଇନ୍‌ସିଟିରେ ଆଜି ଘଣ୍ଟା ପ୍ରତି ୨ରୁ ୩ ସେଣ୍ଟିମିଟର ତୀବ୍ରତାରେ ବର୍ଷିଛି ଘୁର୍ଣ୍ଣବଳୟ ଜନିତ ବର୍ଷା । ଫଳରେ ବାଦାମବାଡ଼ି ଅଞ୍ଚଳର ରାସ୍ତାଘାଟରେ ସୁଅ ଛୁଟୁଥିଲା ବର୍ଷା ପାଣି । ସେହିଭଳି ଭୁବନେଶ୍ୱରରେ ମଧ୍ୟ ପ୍ରଭାବିତ ହୋଇଥିଲା ଜନଜୀବନ । ପାଣିପାଗ ବିଭାଗର ସୂଚନା ଅନୁଯାୟୀ, ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ କ୍ରମେ ଦୁର୍ବଳ ହୋଇଯାଇଛି । କିନ୍ତୁ ଆନ୍ଧ୍ର ଉପକୂଳ ଏବଂ ପାର୍ଶ୍ୱବର୍ତ୍ତୀ ଅଞ୍ଚଳରେ ସକ୍ରିୟ ରହିଛି ଘୁର୍ଣ୍ଣିବଳୟ । ଏହାର ପ୍ରଭାବରେ ଗତ ୨୪ ଘଣ୍ଟା ମଧ୍ୟରେ କୋରାପୁଟ ଏବଂ ଗଞ୍ଜାମ ଜିଲ୍ଲାରେ ସର୍ବାଧିକ ବର୍ଷା ରେକର୍ଡ କରାଯାଇଥିବା ବେଳେ ଆଜି ବି ଦକ୍ଷିଣ ଏବଂ ଉପକୂଳବର୍ତ୍ତୀ ଓଡ଼ିଶାରେ ବର୍ଷାର ତୀବ୍ରତା ଲାଗିରହିବ । ଏଭଳି ବର୍ଷା ଆସନ୍ତା ପ୍ରାୟ ୩ ଦିନ ଯାଏଁ ହେବ । ସମ୍ଭାବ୍ୟ ବର୍ଷାକୁ ଦେଖି ଆସନ୍ତାକାଲି ସକାଳ ଯାଏଁ ପୁରୀ, ଖୋର୍ଦ୍ଧା, କଟକ, ନୟାଗଡ଼, ଅନୁଗୁଳ, ଗଞ୍ଜାମ, ଗଜପତି, ରାୟଗଡ଼ା, କୋରାପୁଟ ଏବଂ ମାଲକାନଗିରି ଏବଂ ଆସନ୍ତାକାଲି ସକାଳଠୁ ୧୦ ତାରିଖ ସକାଳ ଯାଏଁ ୫ଟି ଜିଲ୍ଲା ଯଥା ପୁରୀ, ଗଞ୍ଜାମ, ଗଜପତି, ରାୟଗଡ଼ା ଏବଂ କୋରାପୁଟ ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ ।

Ratnamani Maharana

Shakespeare, in the beautiful garden, among the party. Some of the hall: in fact she was ever to.