ଭିଜିବ ଦୀପାବଳି, ୨୪ରୁ ୨୬ ଯାଏ ଉପକୂଳ ଓଡ଼ିଶାରେ ପ୍ରବଳ ବର୍ଷା!

କ୍ଷିଣ ଆଣ୍ଡାମାନ ସାଗର ଓ ସଂଲଗ୍ନ ଅଞ୍ଚଳରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି। ଏହା ଧୀରେ ଧୀରେ ଅଧିକ ଘନୀଭୂତ ହେବ ଓ ୨୦ ତାରିଖ ଆଡ଼କୁ ଏକ ଲଘୁଚାପର ରୂପ ନେବ। ପରବର୍ତୀ ସମୟରେ ଏହା ଅଧିକ ଘନୀଭୂତ ହୋଇ ବାତ୍ୟା ସୃଷ୍ଟି ହେବାର ସମ୍ଭାବନା ରହିଛି ବୋଲି ପାଣିପାଗ ବିଜ୍ଞାନୀମାନେ ସ୍ପଷ୍ଟ ସୂଚନା ଦେଲେଣି। ତେବେ ବାତ୍ୟାର ପ୍ରଭାବ କେତେ ରହିବ ଓ ଏହା କେତେ ଶକ୍ତିଶାଳୀ ହେବ ସେ ନେଇ ସଠିକ୍‌ ଆକଳନ ହୋଇନଥିଲେ ମଧ୍ୟ ଚଳିତ ବର୍ଷ ଦୀପାବଳି ବର୍ଷାରେ ଭିଜିବ ବୋଲି ଏକ ପ୍ରକ‌ା‌ର ସ୍ପଷ୍ଟ ହୋଇଯାଇଛି। ଆସନ୍ତା ୨୪ରୁ ୨୬ ତାରିଖ ଯାଏ ରାଜ୍ୟରେ ସମ୍ଭାବ୍ୟ ବାତ୍ୟା ପ୍ରଭାବରେ ପ୍ରବଳ ବର୍ଷା ହେବ। 

ଆକଳନ କହୁଛି ୨୦ କିମ୍ବା ୨୧ ତାରିଖ ସୁଦ୍ଧା ରାଜ୍ୟରୁ ମୌସୁମୀ ଫେରିଯିବ। ଯଦିଓ ନ ଫେରେ ବାୟୁମଣ୍ଡଳର ସ୍ଥିତି ମୌସୁମୀ ଫେରିଯିବା ଭଳି ହିଁ ରହିବ। ଏଣୁ ଏଭଳି ପରିସ୍ଥିତିରେ ବାତ୍ୟା ଆଶଙ୍କା ଓଡ଼ିଶା ଉପରେ ରହୁଛି। ଉପର ବାୟୁମଣ୍ଡଳରେ ବାୟୁର ଅପସାରଣ ଓ ମଧ୍ୟ ବାୟୁମଣ୍ଡଳରେ ବାୟୁ ଆର୍ଦ୍ରତା ଆଦି କାରଣ ବାତ୍ୟା ଆଶଙ୍କାକୁ ଦୃଢ଼ୀଭୂତ କରୁଛି। ଯଦି ବାୟୁମଣ୍ଡଳର ସ୍ଥିତି ବାତ୍ୟା ସୃଷ୍ଟି ପାଇଁ ଅଧିକ ଅନୁକୂଳ ରହିବ ତେବେ ଏହା ଉତ୍ତର ଦିଗରେ ଗତି କରି ପଶ୍ଚିମବଙ୍ଗ ଓ ବାଂଲାଦେଶ ଆଡ଼କୁ ଗତି କରିବ। ଏହା ଗୋଟିଏ ଦିନ ବିଳମ୍ବରେ ୨୬ ତାରିଖରେ ସ୍ଥଳ ଭାଗ ଛୁଇଁବ। ସବୁଠାରୁ କମ୍‌ ଅନୁକୂଳ ରହିବେ ଏହା ଉତ୍ତର ଆନ୍ଧ୍ରପ୍ରଦେଶ ଆଡ଼କୁ ଗତି କରିବ ଓ ଏହା ୨୪ କିମ୍ବା ୨୫ରେ ସ୍ଥଳ ଭାଗ ଛୁଇଁବ। ଯଦି ମଝି ମଝିଆ ସ୍ଥିତିରେ ରୁହେ ତେବେ ଏହି ବାତ୍ୟା ୨୫‌ ତାରିଖରେ ଓଡ଼ିଶାରେ ସ୍ଥଳ ଭାଗ ଛୁଇଁବ। କିନ୍ତୁ ଯେକୌଣସି ସ୍ଥିତିରେ ସମ୍ଭାବ୍ୟ ବାତ୍ୟାର ପ୍ରଭାବ ଓଡ଼ିଶା ଉପରେ ରହିବ ବୋଲି ସେ କହିଛନ୍ତି।