EnewsOdia.Com

ଏଥର ଦୀପାବଳିରେ ପ୍ରସ୍ତୁତ କରନ୍ତୁ ସ୍ବାଦିଷ୍ଟ ବାଲୁଶାହୀ

ବାଲୁଶାହୀ ହେଉଛି ଉତ୍ତର ଭାରତର ଏକ ପାରମ୍ପରିକ ମିଠା। ଏହାକୁ ସାଧାରଣତଃ ବିବାହ ଓ ପର୍ବ ପର୍ବାଣୀରେ ପ୍ରସ୍ତୁତ କରାଯାଏ। ମଇଦା, ଘିଅ, ଚିନି ଓ ଦହିରେ ଏହା ପ୍ରସ୍ତୁତ ହୁଏ। ବାଲୁଶାହୀରେ ଯଦିଓ କ୍ୟାଲୋରୀ ମାତ୍ରା ଅଧିକ ରହିଛି, ତେବେ ଏହା ପାଟିକୁ ବେଶ୍‌ ସୁଆଦିଆ। ଦୀପାବଳି ଅବସରରେ ଏହାକୁ ଘରେ ପ୍ରସ୍ତୁତ କରି ପ୍ରଶଂସା ସାଉଁଟନ୍ତୁ।

ଆବଶ୍ୟକୀୟ ସାମଗ୍ରୀ:-

ଦେଢ଼ କପ୍‌ ମଇଦା, ଅଳ୍ପ ଖାଇବା ସୋଡ଼ା, ୨ କପ୍‌ ଚିନି, ୨ କପ୍‌ ରିଫାଇନ୍‌ ତେଲ, ୬ ବଡ଼ ଚାମଚ ଦେଶୀ ଘିଅ, ୫ ବଡ଼ ଚାମଚ ଦହି ଏବଂ ଏକ କପ୍‌ ପାଣି, ସଜାଇବା ପାଇଁ ପିସ୍ତା ବାଦାମ।

ପ୍ରସ୍ତୁତି ପ୍ରଣାଳୀ:-

ମଇଦାରେ ଖାଇବା ସୋଡ଼ା ଏବଂ ଘିଅ ପକାଇ ଭଲ ଭାବେ ମିଶାନ୍ତୁ। ଏବେ ଦହି ପକାଇ ଭଲ ଭାବେ ନରମ କରି ଚକଟନ୍ତୁ। ଏହାକୁ ଓଦା କପଡ଼ାରେ ଗୁଡ଼ାଇ ଏକ ଘଣ୍ଟା ପର୍ଯ୍ୟନ୍ତ ଛାଡ଼ି ଦିଅନ୍ତୁ। ଏବେ ଏହି ମଇଦା ମିଶ୍ରଣକୁ ଗୋଲ ଗୋଲ କରନ୍ତୁ। ଏହାକୁ ହାଲୁକା ଭାବେ ଚେପଟା କରି ବରା ଭଳି ମଝି ଅଂଶକୁ ଆଙ୍ଗୁଠିରେ ଚାପି ଦିଅନ୍ତୁ। ଧିମା ଆଞ୍ଚରେ ତେଲ ଗରମ କରନ୍ତୁ। ଏଥିରେ ମଇଦାରେ ପ୍ରସ୍ତୁତ ବରାକୁ ଗୋଲ୍ଡେନ୍‌ ବ୍ରାଉନ୍‌ ହେବା ପର୍ଯ୍ୟନ୍ତ ଛାଣନ୍ତୁ। ଥଣ୍ଡା ହେବା ପାଇଁ କିଛି ସମୟ ଛାଡ଼ି ଦିଅନ୍ତୁ।

ଆଉ ଏକ ପାତ୍ରରେ ପାଣି ଓ ଚିନି ପକାଇ ଗରମ କରନ୍ତୁ। ଦୁଇ ତୃତୀୟାଂଶ ହେବା ପର୍ଯ୍ୟନ୍ତ ପାଣିକୁ ଫୁଟାଇ ଶିରା ପ୍ରସ୍ତୁତ କରନ୍ତୁ। ଏହି ଶିରାରେ ବାଲୁଶାହୀ ପକାନ୍ତୁ। ଏହାକୁ ୧୦ ମିନିଟ୍‌ ପର୍ଯ୍ୟନ୍ତ ଏପରି ରହିବାକୁ ଦିଅନ୍ତୁ। ୧୦ ମିନିଟ୍‌ ପରେ ଶିରାରୁ ବାହାର କରି ପିସ୍ତାରେ ସଜାନ୍ତୁ। ଏବେ ପ୍ରସ୍ତୁତ ହୋଇଗଲା ସ୍ବାଦିଷ୍ଟ ବାଲୁଶାହୀ।

ପଢନ୍ତୁ: ଘରେ ପ୍ରସ୍ତୁତ କରନ୍ତୁ ସୁଆଦିଆ କଡାଇ ମଟନ୍‌

ସମ୍ବନ୍ଧିତ ଖବର

ଜାଣନ୍ତୁ କିପରି ପ୍ରସ୍ତୁତ କରାଯାଏ “ଚେତ୍ତିନାଦ ଚିକେନ୍‌”

Ratnamani Maharana

ଘରେ ପ୍ରସ୍ତୁତ କରନ୍ତୁ ‘ସୋୟାବଡ଼ି ଚଟ୍‌ପଟି’

Ratnamani Maharana

ଘରେ ତିଆରି କରନ୍ତୁ ‘ଚିଜି କର୍ଲିଫ୍ଲାୱାର’

Ratnamani Maharana

ଅତିଥି ମାନଙ୍କ ପାଇଁ ପ୍ରସ୍ତୁତ କରନ୍ତୁ ଟେଷ୍ଟି ‘ଆଳୁ ପ୍ୟାନ କେକ’

Ratnamani Maharana

ଜାଣନ୍ତୁ କିପରି ପ୍ରସ୍ତୁତ କରାଯାଏ “ମାଟି ହାଣ୍ଡି ପୋଡ଼ା ମଟନ୍‌”

Ratnamani Maharana

ଘରେ ପ୍ରସ୍ତୁତ କରନ୍ତୁ ‘ଏଗ କୋରମା’

Ratnamani Maharana