ଆଜି ହିଁ ଟ୍ରାଏ କରନ୍ତୁ ‘ସିଝା ମାଛ ମସଲା’

ଆବଶ୍ୟକୀୟ ସାମଗ୍ରୀ

ମାଛ, ଲୁଣ, ହଳଦୀ ଗୁଣ୍ଡ, ଲଙ୍କା ଗୁଣ୍ଡ, କଞ୍ଚାଲଙ୍କା, ଦହି, ପିଆଜ, ଗରମ ମସଲା ଗୁଣ୍ଡ, ପିଆଜ, ସୋରିଷ ବଟା, ଅଦା-ରସୁଣ ବଟା ଓ ତେଲ।

ପ୍ରସ୍ତୁତି ପ୍ରଣାଳୀ

ପ୍ରଥମେ ମାଛକୁ ଭଲ ଭାବରେ ଧୋଇ ରଖନ୍ତୁ। ଏହାପରେ ସେଥିରେ ହଳଦୀ ଗୁଣ୍ଡ, ଲଙ୍କା ଗୁଣ୍ଡ, ଗରମ ମସଲା, ଅଦା-ରସୁଣ ବଟା, କଟା ପିଆଜ, ଧଳା ସୋରିଷ ବଟା, ବସା ଦହି, କଞ୍ଚା ଲଙ୍କା ଓ ସ୍ୱାଦ ଅନୁସାରେ ଲୁଣ ପକାଇ ଭଲ ଭାବରେ ମ୍ୟାରିନେଟ୍‌ କରନ୍ତୁ।ଗ୍ୟାସ୍‌ ଲଗାଇ କଡ଼େଇରେ ପାଣି ଫୁଟାନ୍ତୁ ଏବଂ ସେଥିରେ କିଛି ତେଲ ପକାନ୍ତୁ। ଏହାପରେ ସେହି ପାଣିରେ ପୂର୍ବରୁ ମ୍ୟାରିନେଟ୍‌ ହୋଇ ରହିଥିବା ମାଛକୁ ପକାଇ ଦିଅନ୍ତୁ। ପରେ ସେଥିରେ ଅଦା-ରସୁଣ ବଟା, ଗରମ ମସଲା ଗୁଣ୍ଡ, କଟା ପିଆଜ, ଗୋଟା କଞ୍ଚାଲଙ୍କା ଓ ଅଳ୍ପ ଲୁଣ ପକାଇ ଘୋଡ଼ଣୀ ଘୋଡ଼େଇ ଦିଅନ୍ତୁ। ୫ରୁ ୭ ମିନିଟ୍‌ ପରେ ଘୋଡ଼ଣୀ ବାହାର କରି ମାଛଗୁଡ଼ିକୁ ଲେଉଟାଇ ଦିଅନ୍ତୁ। ଏହାକୁ ଗାର୍ନିସ୍‌ କରିବା ପାଇଁ ଏଥିରେ ଧଣିଆ ପତ୍ର ମଧ୍ୟ ପକାଇ ପାରିବେ। ବର୍ତ୍ତମାନ ପ୍ରସ୍ତୁତ ହୋଇଗଲା ଆପଣଙ୍କର ସିଝା ମାଛ ମସଲା। ଏହାକୁ ଗରମ ଗରମ ପରିବେଷଣ କରନ୍ତୁ।