27 C
Bhubaneswar
May 5, 2021
EnewsOdia.Com
ଖେଳ ଦେଶ ବିଦେଶ

ତେନ୍ଦୁଲକରଙ୍କୁ ମିଳିଲା ଲରିୟସ୍‌ ପୁରସ୍କାର

ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ଲରିୟସ୍‌ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି। ଗତ ୨୦ ବର୍ଷ ମଧ୍ୟରେ ସର୍ବଶ୍ରେଷ୍ଠ କ୍ରୀଡ଼ା ମୁହୂର୍ତ୍ତ ପୁରସ୍କାର ପାଇଁ ଲରିୟସ୍‌ ତରଫରୁ ବିଭିନ୍ନ ଘଟଣାକୁ ସଂକ୍ଷିପ୍ତ ତାଲିକାଭୁକ୍ତ କରାଯାଇଥିଲା। ସର୍ବଶ୍ରେଷ୍ଠ କ୍ରୀଡ଼ା ମୁହୂର୍ତ୍ତ ପୁରସ୍କାର ପାଇଁ ଭୋଟ୍‌ ଦେବାକୁ ଲରିୟସ୍‌ ପ୍ରଶଂସକଙ୍କୁ କୁହାଯାଇଥିଲା। ଭାରତୀୟ କ୍ରିକେଟ୍‌ ପ୍ରଶଂସକଙ୍କ ଭୋଟ ବଳରେ ତେନ୍ଦୁଲକରଙ୍କୁ ଲରିୟସ୍‌ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି।

୨୦୧୧ରେ ଭାରତୀୟ ଦଳ ଦିନିକିଆ ବିଶ୍ବକପ୍‌ ଚମ୍ପିଆନ୍‌ ହେବା ପରେ ତେନ୍ଦୁଲକରଙ୍କୁ ସାଥୀ ଖେଳାଳିମାନେ କାନ୍ଧରେ ବସାଇ ପଡ଼ିଆ ସାରା ବୁଲାଇଥିଲେ। ଏହାକୁ ଲରିୟସ୍‌ କ୍ରୀଡ଼ା ମୁହୂର୍ତ୍ତ ପୁରସ୍କାର ମିଳିଛି। ବର୍ଲିନ​‌ରେ ଆୟୋଜିତ ସ୍ବତନ୍ତ୍ର ଉତ୍ସବରେ ମହାନ୍‌ ଟେନିସ ଖେଳାଳି ବୋରିସ୍‌ ବେକର ବିଜେତା ଭାବେ ତେନ୍ଦୁଲକରଙ୍କ ନାମ ଘୋଷଣା କରିିଥିଲେ। ଅଷ୍ଟ୍ରେଲିଆ କ୍ରିକେଟ୍ ଦଳର ପୂର୍ବତନ ଅଧିନାୟକ ଷ୍ଟିଭ୍‌ ୱ ମାଷ୍ଟର ବ୍ଲାଷ୍ଟର ତେନ୍ଦୁଲକରଙ୍କୁ ପୁରସ୍କାର ପ୍ରଦାନ କରିଥିଲେ। ପୁରସ୍କାର ଜିତିବା ପରେ ନିଜ ପ୍ରତିକ୍ରିୟାରେ ତେନ୍ଦୁଲକର କହିଥିଲେ ଏହି ପୁରସ୍କାର ତାଙ୍କୁ ସ୍ବତନ୍ତ୍ର ଖୁସି ଦେଇଛି। ବିଶ୍ବବିଜୟୀ ଭାରତୀୟ ଦଳର ସଦସ୍ୟ ହେବା ଅନୁଭୂତିକୁ ସେ ବାକ୍ୟରେ ପ୍ରକାଶ କରିପାରିବେ ନାହିଁ। ପରବର୍ତ୍ତୀ ସମୟରେ ତେନ୍ଦୁଲକର ଟ୍ବିଟ୍ କରି ଏହି ପୁରସ୍କାର ସମଗ୍ର ଦେଶବାସୀ, ସାଥୀ ଖେଳାଳି ଓ କ୍ରିକେଟ୍‌ ପ୍ରଶଂସକଙ୍କ ନିମନ୍ତେ ଉତ୍ସର୍ଗ କରିଥିଲେ।

ପଢନ୍ତୁ: ଭୁବନେଶ୍ବରରେ ବୀରେନ୍ଦ୍ର ସେହବାଗ

Related posts

ଅହମ୍ମଦାବାଦ ବିମାନବନ୍ଦରରେ ଟ୍ରମ୍ପଙ୍କୁ ଆଲିଙ୍ଗନ କରି ସ୍ୱାଗତ ଜଣାଇଲେ ମୋଦି

Ratnamani Maharana

କରୋନା ପାଇଁ ବାତିଲ ହେଲା ମୋଦିଙ୍କ ବାଲାଂଦେଶ ଗସ୍ତ

Ratnamani Maharana

ରିଲାଏନ୍ସ କମ୍ପାନୀରୁ ଇସ୍ତଫା ଦେଲେ ଅନିଲ ଅମ୍ବାନିଙ୍କ ଦୁଇ ପୁଅ

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More