Entertainment

ରେସ୍‌ ୩ ଶୁଟିଂ ପାଇଁ କଶ୍ମୀରରେ ସଲମାନ ଖାନ

କଶ୍ମୀରରେ ସଲମାନ

ବଲିଉଡ ଷ୍ଟାର ସଲମାନ ଖାନ୍‌ ତାଙ୍କ ଆଗାମୀ ଫିଲ୍ମ ଶୁଟିଂ ପାଇଁ ଏବେ ଜମ୍ମୁ-କଶ୍ମୀରରେ ଅଛନ୍ତି । ଫିଲ୍ମ ନିର୍ମାତା ରମେଶ ତୌରାନୀ ଏବଂ ତାଙ୍କ ଟିମ୍‌ ମଧ୍ୟ ସଲମାନଙ୍କ ସହ ଏବେ କଶ୍ମୀରରେ ଅଛନ୍ତି । ସୋମବାର ସେଠାରେ ପହଞ୍ଚିବା ପରେ ସେ ତାଙ୍କର ଆଗାମୀ ଫିଲ୍ମ ରେସ୍‌-୩ର ଶୁଟିଂ କାମ ଆରମ୍ଭ କରିଦେଇଛନ୍ତି ।

ଏଠାରେ ପହଞ୍ଚିବା ପରେ ସଲମାନ ଜମ୍ମୁ-କଶ୍ମୀର ମୁଖ୍ୟମନ୍ତ୍ରୀ ମେହବୁବା ମୁଫ୍‌ତିଙ୍କ ସହ ସାକ୍ଷାତ କରିଛନ୍ତି । ଜମ୍ମୁ କଶ୍ମୀରର ସୌନ୍ଦର୍ଯ୍ୟପୂର୍ଣ୍ଣ ହିଲ୍‌ ଷ୍ଟେସନ୍‌ ସୋନମାର୍ଗରେ ଶୁଟିଂ ପାଇଁ ପହଞ୍ଚିଛନ୍ତି ରେସ୍‌ ୩ ଟିମ୍‌ । ତାଙ୍କ ସହ ନାୟିକା ଜ୍ୟାକଲିନ୍‌ ମଧ୍ୟ ଏବେ କଶ୍ମୀରରେ ଅଛନ୍ତି । ଏହି ଶୁଟିଂ ସରିବା ପରେ ଲଦାଖରେ ଏକ ଗୀତ ଶୁଟିଂ ହେବାର କାର୍ଯ୍ୟକ୍ରମ ରହିଛି ।

ସଲମାନ ୩ ବର୍ଷ ପରେ କଶ୍ମୀର ଯାଇଛନ୍ତି। ଏହାପୂର୍ବରୁ ସେ ନିଜ ସିନେମା ‘ବଜରଙ୍ଗୀ ଭାଇଜାନ’ର କ୍ଲାଇମାକ୍ସ ସିନ୍‌ ଶୁଟିଂ କଶ୍ମୀରରେ କରିଥିଲେ । ତୌରାନୀ ନିଜ ଟ୍ବିଟର ଆକାଉଣ୍ଟାର ଏକ ଫଟୋ ଶେୟାର କରିଛନ୍ତି । ଏହି ଫଟୋରେ ମେହବୁବାଙ୍କ ସହ ସଲମାନ, ତୈରାନୀ ଏବଂ ସଲମାନଙ୍କ ବଡିଗାର୍ଡ ଶେରା ନଜର ଆସୁଛନ୍ତି । ସଲମାନଙ୍କ ସହ ରେସ୍‌ ୩ ଫାଇନାଲ ଲ୍ୟାପ୍‌ ପାଇଁ କଶ୍ମୀରରେ ସେମାନଙ୍କୁ ସ୍ବାଗତ କରିବା ଲାଗି ମୁଖ୍ୟମନ୍ତ୍ରୀ ମେହବୁବା ମୁଫ୍‌ତିଙ୍କୁ ଧନ୍ୟବାଦ ବୋଲି ତୌରାନୀ ଟ୍ବିଟ୍‌ କରି ଲେଖିଛନ୍ତି ।

ରେସ ୩ ସିନେମାରେ ସଲମାନଙ୍କ ବ୍ୟତୀତ ଅନୀଲ କପୁର, ବବି ଦେଓଲ, ଜ୍ୟାକଲିନ୍‌ ଫର୍ଣ୍ଣାଣ୍ଡେଜ୍‌, ଡେଜି ଶାହ ଏବଂ ସାକିବ ସଲିମ ମଧ୍ୟ ଅଭିନୟ କରୁଛନ୍ତି । ଚଳିତ ବର୍ଷ ଇଦ୍‌ରେ ଫିଲ୍ମ ରିଲିଜ୍‌ ହେବାକୁ ଥିବାରୁ ଏହାର ଶୁଟିଂ କାମ ଜୋରସୋରରେ ଚାଲିଥିବା ଏହାର ନିର୍ମାତା ପ୍ରକାଶ କରିଛନ୍ତି ।

ପଢନ୍ତୁ ;

ନୂଆ ରୂପରେ ଆସୁଛନ୍ତି ବର୍ଷା ପ୍ରିୟଦର୍ଶିନୀ

Related posts

ବିଗବସ ନାଁରେ ଆରୋପ ,ହାରିବା ପରେ ହୀନାଙ୍କୁ ଲାଗିଛି ଝଟକା

ENO Beuro

ଆଖିରେ ଦିଓ୍ଵାନା କରିଥିବା ପ୍ରିୟା ପ୍ରକାଶ ବିବାଦରେ ଫସିଲେ,ପ୍ରିୟାଙ୍କ ବିରୋଧରେ ଏଫଆଇଆର

ENO Beuro

ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବାୟୋପିକ୍‌ରେ ପରେଶ ରାଓ୍ବଲ !

ENO Beuro

2 comments

Leave a Comment