Entertainment

‘ଯୋଉଠି ଥିଲେ ବି ତୁ ମୋର’ ସିନେମାରେ ନଜର ଆସିବେ ଏହି ରୋମାଂଟିକ୍ ଯୋଡି

ସମ୍ବିତ୍ ଓ ରିୟାଙ୍କୁ ଦେଖିବାକୁ ପାଇବେ ଏହି ରୋମାଂଟିକ୍ ସିନେମାରେ

ପ୍ରଥମ ଥର ପାଇଁ ସମ୍ବିତ୍ ଓ ରିୟାଙ୍କୁ ଦେଖିବାକୁ ପାଇବେ ଦର୍ଶକ ଏକ ରୋମାଂଟିକ୍ ସିନେମାରେ ।ପ୍ରସ୍ତୁତ ହେଉଛି ରୋମାଂଟିକ ଚଳଚ୍ଚିତ୍ର ଯୋଉଠି ଥିଲେ ବି ତୁ ମୋର । ଏହି ସିନେମାରେ ମୁଖ୍ୟ ଭୂମିକାରେ ନଜର ଆସିବେ ଅଭିନେତା ସମ୍ବିତ ଓ ଅଭିନେତ୍ରୀ ରିୟା । ପ୍ରଥମ ଥର ପାଇଁ ଏହି ଯୋଡି ପରଦାରେ ଦେଖାଇବାକୁ ଯାଉଛନ୍ତି କମାଲ୍ ।

ସିନେମାର ସୁଟିଂ ଏବେ ଜୋର୍ ସୋର୍ରେ ଆଗେଇ ଚାଲିଛି । ଓଡିଶା ବାହାରେ ହିଲ୍ ଷ୍ଟେସନରେ ଚାଲିଛି ଫିଲ୍ମର ସୁଟିଂ । ସିନେମାର ସୁଟିଂ ସେଟର କିଛି ଫଟୋ ଏବେ ଲିକ୍ ହୋଇଛି । ଏବେ ଏହି ସବୁ ଫଟୋ ସୋସିଆଲ୍ ସାଇଟରେ ଭାଇରାଲ ହୋଇଛି । ଯେଉଁଥିରେ ସମ୍ବିତ୍ ଓ ରିୟାଙ୍କୁ ବେଶ ରୋମାଂଟିକ୍ ମୁଡରେ ନଜର ଆସିଛନ୍ତି ।

ସିନେମାର ଗୀତ ସୁଟିଂ ସମୟରେ ଏହି ସବୁ ଫଟୋ ନିଆ ଯାଇଛି । ଏହା ପୂର୍ବରୁ ଅଭିନେତା ସମ୍ବିତ୍ ନିଜ ସୋସିଆଲ୍ ସାଇଟରେ ରିୟାଙ୍କ ସହ ଆଉ ଏକ ଫଟୋ ସେୟାର୍ କରିଥିଲେ । ଫଟୋରେ ରିୟାଙ୍କୁ ସାଇକେଲରେ ବସାଇ ନେବାର ନଜର ଆସିଥିଲା । ଫଟୋରେ ରିୟାଙ୍କ ମଥାରେ ସିନ୍ଦୁର ଏବଂ ହାତରେ ଶଂଖା ଓ ଚୁଡି ମଧ୍ୟ ନଜର ଆସିଛି । ଯାହାକୁ ଦେଖି ଅନୁମାନ କରାଯାଇ ପାରେ ଫିଲ୍ମରେ ସମ୍ବିତଙ୍କ ପତ୍ନୀ ଭୂମିକାରେ ଅଭିନେତ୍ରୀ ରିୟା ନଜର ଆସିବେ ।

ଗତ ଜାନୁୟାରୀ ମାସରେ ଫିଲ୍ମର ଘୋଷଣା ହୋଇଥିଲା । ଯେଉଁଠି ଏହି ଦୁଇ ଲିଡ୍ ଷ୍ଟାର୍ ସିନେମାରେ ନିଜ ଭୂମିକା ବିଷୟରେ ଜଣାଇଥିଲେ । ରୋମାଂଟିକ୍ ଏବଂ ଥ୍ରୀଲର୍ ଷ୍ଟୋରି ଲାଇନକୁ ଏହି ନେଇ ସିନେମା ପ୍ରସ୍ତୁତ କରୁଛନ୍ତି ନିର୍ଦ୍ଦେଶକ ଶ୍ରିକାନ୍ତ ଗୌତମ । ସିନେମାରେ ସଙ୍ଗୀତର ଭାର ତୁଲାଇଛନ୍ତି ପ୍ରେମ ଆନନ୍ଦ । ରଜ ଅବସରରେ ପରଦାକୁ ଆସିବ ସିନେମା ଯୋଉଠି ଥିଲେ ବି ତୁ ମୋର ।

ପଢନ୍ତୁ ;

ବିଜେଡ଼ିର ୩ ରାଜ୍ୟସଭା ପ୍ରାର୍ଥୀ : ସୋମ୍ୟରଞ୍ଜନ, ପ୍ରଶାନ୍ତ , ଅଚ୍ୟୁତଙ୍କ ନାମ ଘୋଷଣା କରିଛନ୍ତି ନବୀନ

Related posts

କେବେ ଶ୍ୟାମଳ ରଙ୍ଗ ପାଇଁ ଏହି ଅଭିନେତାଙ୍କୁ ମିଳି ନଥିଲା ଫିଲ୍ମ!

ENO Beuro

ଏଫଟିଆଇଆଇର ଅଧ୍ୟକ୍ଷ ପଦରୁ ଇସ୍ତଫା ଦେଲେ ଅନୁପମ ଖେର୍

ENO Beuro

ପୁଣି ହସାଇବେ ପପୁ ପମ ପମ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More