News

ଟ୍ୱିନସିଟିରେ ନୂଆ ପୁଲିସ କମିଶନର ଭାବେ ଦାୟିତ୍ୱ ନେଲେ ସତ୍ୟଜିତ୍ ମହାନ୍ତି

ଟ୍ୱିନସିଟି କଟକ ଭୁବନେଶ୍ୱରର ନୂତନ କମିଶନର ଭାବରେ ଆଜି ଦାୟିତ୍ୱ ଗ୍ରହଣ କରିଲେ ଆଇପିଏସ ସତ୍ୟଜିତ ମହାନ୍ତି। କମିଶନର ୱାଇ. ବି. ଖୁରାନିଆ ତାଙ୍କୁ ଦାୟିତ୍ୱ ହସ୍ତାନ୍ତର କରିଲେ । ସତ୍ୟଜିତ ମହାନ୍ତି ଟ୍ୱିନ୍‌ସିଟିର ଷଷ୍ଠ କମିଶନର ଭାବରେ ନିଯୁକ୍ତି ପାଇଛନ୍ତି।୧୯୮୮ ବ୍ୟାଚ୍‌ର ଆଇପିଏସ୍‌ ହେଉଛନ୍ତି ସତ୍ୟଜିତ୍। ପୂର୍ବରୁ ସେ କୋରାପୁଟ, ରାଉରକେଲା, କଟକ ଓ ବାଲେଶ୍ୱରରେ ଏସ୍‌ପି ଭାବେ କାର୍ଯ୍ୟ କରିଛନ୍ତି। ପୁରୀରେ ଆଡିସନାଲ୍ ଏସ୍‌ପି ଭାବେ ମଧ୍ୟ ଦାୟିତ୍ୱ ନିର୍ବାହ କରିଥିଲେ।

ପୂର୍ବରୁ ସେ ଆଇନଶୃଙ୍ଖଳା ଏଡିଜି ଦାୟିତ୍ୱ ତୁଲାଇଛନ୍ତି । ନୂଆ ପୋଲିସ କମିଶନରଙ୍କ ଆଗରେ ଏବେ ଅନେକ ଚ୍ୟାଲେଞ୍ଜ । ବିଶେଷକରି ଆଇନ ଶୃଙ୍ଖଳା, ସାଇବର କ୍ରାଇମ୍‌, ଲୁଟ୍‌, ଡକାୟତି, ମହିଳା, ବରିଷ୍ଠ ନାଗରିକ ଓ ଭିଭିଆଇପିଙ୍କ ସୁରକ୍ଷା ଆଦି ବଡ଼ ଚ୍ୟାଲେଞ୍ଜ ରହିବ । ସେହିପରି ପୋଲିସ-ପବ୍ଲିକ ସମ୍ପର୍କକୁ ସେ ଗୁରୁତ୍ୱ ଦେବେ ବୋଲି କୁହାଯାଉଛି।

ଉଲ୍ଲେଖଯୋଗ୍ୟ,୨୦୦୪ ମସିହାରେ ପୋଲିସ୍ ବିଭାଗକୁ ଉଲ୍ଲେଖନୀୟ ସେବା ପାଇଁ ତାଙ୍କୁ ପୁଲିସ୍ ପଦକ ଏବଂ ୨୦୧୨ରେ ‘ରାଷ୍ଟ୍ରପତି ପୁଲିସ୍‌ ପଦକ’ ମଧ୍ୟ ପ୍ରଦାନ କାରଯାଇଥିଲା। ଆଇପିଏସ୍ ସ୍ତରରେ ଅଦଳବଦଳ ପରେ ଓ୍ୱାଇ.ବି. ଖୁରାନିଆଙ୍କୁ ଏଡିଜି ପ୍ରୋଭିଜନିଂ ଦାୟିତ୍ୱ ଦିଆଯାଇଛି।

ପଢନ୍ତୁ; ରାଗିଂରେ ଓଡ଼ିଶା ୬ ନମ୍ବର ,୧ ନମ୍ବରରେ ୟୁପି

Related posts

ହାଇକୋର୍ଟରେ ପଦବୀଠାରୁ ଜଜ୍‌ଙ୍କ ସଂଖ୍ୟା କମ୍‌ : ଓକିଲମାନଙ୍କ କାର୍ଯ୍ୟବନ୍ଦ ଆନ୍ଦୋଳନ

ENO Beuro

ଭାରତରେ ଆଉ ଚାଲିବନି ‘ଟିକ୍‌ଟକ୍‌’

Ratnamani Moharana

ଜୁନ୍ ୩ୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ କଳା ଓ ବାଣିଜ୍ୟ ପରୀକ୍ଷା ଫଳ

Ratnamani Moharana

1 comment

Leave a Comment