News

ଓଡିଶା ଛାଡିଲେ ପୂର୍ବତନ ରାଜ୍ୟପାଳ ଏସ.ସି ଜମିର! ବିମାନବନ୍ଦରରେ ପ୍ରଦାନ କରାଗଲା ଗାର୍ଡ ଅଫ୍ ଅନର

ଡ. ଏସସି ଜମିରଙ୍କୁ ବିଦାୟକାଳୀନ ସମ୍ବର୍ଦ୍ଧନା

ପାଞ୍ଚ ବର୍ଷର କାର୍ଯ୍ୟକାଳ ଶେଷ ହେବା ପରେ ଆଜି ବିଦାୟ ନେଇଛନ୍ତି ଓଡ଼ିଶାର ପୂର୍ବତନ ରାଜ୍ୟପାଳ ଡ. ଏସ୍‌.ସି. ଜମିର । ସକାଳ ୯ଟା ୫୦ ମିନିଟ୍‌ ସମୟରେ ବିଦାୟୀ ରାଜ୍ୟପାଳ ଡ. ଜମୀର ଭୁବନେଶ୍ୱର ବିଜୁ ପଟ୍ଟନାୟକ ବିମାନବନ୍ଦରଠାରେ ପହଞ୍ଚିଥିଲେ। ବିମାନ ବନ୍ଦରରେ ତାଙ୍କୁ ରାଜ୍ୟ ସରକାରଙ୍କ ପକ୍ଷରୁ ଗାର୍ଡ ଅଫ୍ ଅନର ପ୍ରଦାନ କରାଯାଇଛି । ଏହା ସହିତ ପ୍ରଶାସନିକ ଅଧିକାରୀଙ୍କ ପକ୍ଷରୁ ଭବ୍ୟ ବିଦାୟୀ ସମ୍ବର୍ଦ୍ଧନା ଦିଆଯାଇଛି।

ବିମାନ ବନ୍ଦରରେ ସରକାରଙ୍କ ପକ୍ଷରୁ ରାଜ୍ୟ ଅର୍ଥ ମନ୍ତ୍ରୀ ଶଶିଭୂଷଣ ବେହେରା ଓ ବିକ୍ରମ କେଶରୀ ଆରୁଖ, ପୋଲିସ କମିଶନର ୱାଇ ବି ଖୁରାନିଆ, ଭୁବନେଶ୍ୱର ମେୟର ଅନନ୍ତ ନାରାୟଣ ଜେନା ପ୍ରମୁଖ ଉପସ୍ଥିତ ଥିଲେ।

ଉଲ୍ଲେଖଯୋଗ୍ୟ, ୨୦୧୩ ମସିହା ମାର୍ଚ୍ଚ ୨୧ ତାରିଖରେ ଓଡ଼ିଶାର ରାଜ୍ୟପାଳ ଭାବେ ଡ. ଜମୀର ଦାୟିତ୍ୱ ନେଇଥିଲେ। ଗତ ୨୦ ତାରିଖରେ ତାଙ୍କର ୫ ବର୍ଷର କାର୍ୟ୍ୟକାଳ ଶେଷ ହୋଇଥିଲା। ସେହିଦିନ ବିହାରର ରାଜ୍ୟପାଳ ସତ୍ୟପାଲ ମଲ୍ଲିକଙ୍କୁ ଓଡ଼ିଶାର ଅତିରିକ୍ତ ରାଜ୍ୟପାଳ ଦାୟିତ୍ୱ ମିଳିଥିଲା । ଏନେଇ ରାଷ୍ଟ୍ରପତି ଭବନରୁ ସୂଚନା ପ୍ରକାଶ ପାଇଥିଲା। ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ରାଜଭବନକୁ ଯାଇ ଡ. ଜମୀରଙ୍କୁ ସାକ୍ଷାତ କରିଥିଲେ।

ପଢନ୍ତୁ; ଲୋକୟୁକ୍ତ ନିଯୁକ୍ତି ମାମଲା:ଓଡ଼ିଶାକୁ ଜବାବ୍‌ ମାଗିଲେ ସୁପ୍ରିମ୍‌କୋର୍ଟ

Related posts

ରାଜଧାନୀରେ ସରକାରୀ କ୍ଵାଟର୍ସରେ ଚାଲିଥିଲା ବନ୍ଧୁକ କାରଖାନା

Ratnamani Moharana

ଆଦିବାସୀ ମେଳା ପାଇଁ ୫୭ବର୍ଷର ପରମ୍ପରା ବଦଳିବ, ମେଳା ପାଇଁ ନୂତନ ସ୍ଥାନ ଚୟନ

ENO Beuro

ଜନଗଣନା-୨୦୨୧ର ପ୍ରସ୍ତୁତି ସମୀକ୍ଷା କଲେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ

ENO Beuro

Leave a Comment