News

ସହିଦ ଅର୍ଦ୍ଧସାମରିକ ବଳ ଯବାନଙ୍କ ପିଲାମାନଙ୍କୁ ସ୍କଲାରସିପ ବଣ୍ଟନ କଲେ ରାଜନାଥ ସିଂହ

ପିଲାମାନଙ୍କ ପାଠ ପଢ଼ିବା ସକାଶେ ଏହି ସ୍କଲାରସିପ ଉଦ୍ଦିଷ୍ଟ

କେନ୍ଦ୍ରୀୟ ଅର୍ଦ୍ଧ ସାମରିକ ବଳ (ସିଏପିଏଫ୍) ଓ ଆସାମ ରାଇଫଲ୍ସ (ଏଆର୍)ର ସହିଦ୍ ଯବାନମାନଙ୍କ ୧୯ଜଣ ପିଲାଙ୍କୁ ଆଜି ଏକ କାର୍ଯ୍ୟକ୍ରମରେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ରାଜନାଥ ସିଂହ ସ୍କଲାରସିପ୍ ଚେକ୍ ବଣ୍ଟନ କରିଛନ୍ତି । ଚଳିତ ବର୍ଷ ସ୍କଲାରସିପ୍ ଅର୍ଥ ପ୍ରାୟୋଜିତ ସଂସ୍ଥା ସରୋଜିନୀ ଦାମୋଦରନ୍ ଫାଉଣ୍ଡେସନ (ଏସଡିଏଫ୍) ଦ୍ୱାରା  ୨୬୫ ଜଣ ପିଲାଙ୍କ ଆକାଉଣ୍ଟକୁ ଡିଜିଟାଲ ପ୍ରକ୍ରିୟାରେ ଟ୍ରାନ୍ସଫର କରାଯାଇଛି । ଏସଡିଏଫର ଏହି ଉଦ୍ୟମ ସହିଦ୍ ଯବାନଙ୍କୁ ସମ୍ମାନିତ କରିବା ଏବଂ ସେମାନଙ୍କ ସନ୍ତାନମାନଙ୍କ ଭବିଷ୍ୟତକୁ ଗଢ଼ିବା । ଏସଡିଏଫ୍ ଏହି ପିଲାମାନଙ୍କୁ କେବଳ ସ୍କଲାରସିପ୍ ଦେଉନି ବରଂ ସେମାନଙ୍କୁ ଦିଗଦର୍ଶନ ଦେବା ସହ ସେମାନଙ୍କୁ ପ୍ରାୟୋଜନ କରୁଛି।

ସହିଦ୍ ଯବାନମାନଙ୍କ ପିଲାଙ୍କୁ ସ୍କଲାରସିପ୍ ଦେବା କାର୍ଯ୍ୟ  ୨୦୧୬ରେ ଏସଡିଏଫ୍ ଆରମ୍ଭ କରିଥିଲା । ପ୍ରଥମ ଶ୍ରେଣୀରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପଢ଼ୁଥିବା ପିଲାଙ୍କୁ ବାର୍ଷିକ ୬ହଜାର ଟଙ୍କା ସ୍କଲାରସିପ୍ ଦିଆଯାଉଥିବା ବେଳେ ପଞ୍ଚମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ 9 ହଜାର ଟଙ୍କା ଏବଂ ଅଷ୍ଟମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ପିଲାଙ୍କୁ ବାର୍ଷିକ ୯ ହଜାର ଟଙ୍କା ସ୍କଲାରସିପ୍ ଦିଆଯାଉଛି।

rajnath [object object] ସହିଦ ଅର୍ଦ୍ଧସାମରିକ ବଳ ଯବାନଙ୍କ ପିଲାମାନଙ୍କୁ ସ୍କଲାରସିପ ବଣ୍ଟନ କଲେ ରାଜନାଥ ସିଂହ rajnath

ବିଦ୍ୟା ରକ୍ଷକ ଓ ବିଦ୍ୟା ଧନ ନାମରେ ଦୁଇଟି ଯୋଜନା ଫାଉଣ୍ଡେସନ ଦ୍ୱାରା ଚାଲୁ ରହିଛି । ବିଦ୍ୟା ରକ୍ଷକ ଯୋଜନାରେ ପିଲାମାନଙ୍କୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ସହାୟତା ମିଳିପାରୁଛି । ବିଦ୍ୟା ଧନ ଯୋଜନାରେ ପିଲାମାନଙ୍କୁ ଉଚ୍ଚ ଶିକ୍ଷା ପାଇଁ ସହାୟତା ଦିଆଯାଉଛି । ଆଜି ପର୍ଯ୍ୟନ୍ତ ମୋଟ ୧୫୦୦ ପିଲାଙ୍କୁ ଫାଉଣ୍ଡେସନ ପକ୍ଷରୁ ସହାୟତା ଦିଆଗଲାଣି।

ଉଦବୋଧନରେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଏଭଳି ଗୁରୁଦାୟିତ୍ୱ ସମ୍ପନ୍ନ କରୁଥିବାରୁ ଏସଡିଏଫର ମ୍ୟାନେଜିଂ ଟ୍ରଷ୍ଟି ଏସ.ଡି. ଶିବୁଲାଲଙ୍କୁ ଧନ୍ୟବାଦ ଦେଇଥିଲେ । ସେ କହିଲେ ଯେ, ଅର୍ଦ୍ଧ ସାମରିକ ବଳର ସହିଦ୍ ଯବାନଙ୍କ ପିଲାମାନଙ୍କ ଭବିଷ୍ୟତ ପାଇଁ ସଂସ୍ଥା ଏହି ମହତ କାର୍ଯ୍ୟ କରୁଛି । ଏହାଦ୍ୱାରା ସଂସ୍ଥା ତାର ସାମାଜିକ ଦାୟିତ୍ୱବଦ୍ଧତାର ପରିଚୟ ଦେଉଛି । ପିଲାମାନଙ୍କୁ ଏହି ଅବସରରେ ସ୍ୱରାଷ୍ଟ୍ର ମନ୍ତ୍ରୀ ଉତ୍ତମ ଭବିଷ୍ୟତ କାମନା କରି ଶୁଭେଚ୍ଛା ଜଣାଇଥିଲେ । ଦେଶର ନିରାପତ୍ତା ଓ ଗୌରବ ପାଇଁ ବଳିଦାନ ଦେଉଥିବା ଯବାନମାନଙ୍କ ପରିବାର ସକାଶେ ଏହା ଏକ ସମ୍ମାନ ବୋଲି ସେ କହିଥିଲେ।

ଏହି ଅବସରରେ ସ୍ୱରାଷ୍ଟ୍ର ମନ୍ତ୍ରଣାଳୟ ଓ ସିଏପିଏଫର ବରିଷ୍ଠ ଅଧିକାରୀମାନଙ୍କ ସହ ଶ୍ରୀମତୀ କୁମାରୀ ଶିବୁଲାଲ ଏବଂ ଯବାନମାନଙ୍କ ପରିବାରମାନେ ଉପସ୍ଥିତ ଥିଲେ।

ପଢନ୍ତୁ; ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ହେଉଛନ୍ତି ଦେଶର ସର୍ବଶ୍ରେଷ୍ଠ ପ୍ରଧାନମନ୍ତ୍ରୀ

Related posts

ଜିଏସଟି (ଦ୍ରବ୍ୟ ଓ ସେବା କର ) ପରିସରରେ ମିଶିବ ପେଟ୍ରୋଲିୟମ ଉତ୍ପାଦ

ENO Beuro

‘ଏକତା ଦୌଡ଼’ର ଶୁଭାରମ୍ଭ କଲେ କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ

ENO Beuro

ପରଲୋକରେ ବିଶିଷ୍ଟ ଚଳଚ୍ଚିତ୍ର ନିର୍ମାତା ଓ ନିର୍ଦ୍ଦେଶକ ଅମୀୟ ପଟ୍ଟନାୟକ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More