26 C
Bhubaneswar
October 1, 2020
EnewsOdia.Com
ଦେଶ ବିଦେଶ ମନୋରଞ୍ଜନ

ଆଇସିୟୁରେ ବଲିଉଡ୍ ଅଭିନେତ୍ରୀ ତଥା ପୂର୍ବତନ ରାଜ୍ୟସଭା ସାଂସଦ ଶବାନା ଆଜମୀ

ଗତ ଶନିବାର ମୁମ୍ବାଇ-ପୁନେ ଏକ୍ସପ୍ରେସ୍‌ୱେର ଖାଲାପୁର ଟୋଲ୍‌ ପ୍ଲାଜା ନିକଟରେ ଅପରାହ୍ନ ପ୍ରାୟ ୪ଟା ବେଳେଦୁର୍ଘଟଣାର ଶିକାର ହୋଇଥିବା ବଲିଉଡ୍ ଅଭିନେତ୍ରୀ ତଥା ପୂର୍ବତନ ରାଜ୍ୟସଭା ସାଂସଦ ଶବାନା ଆଜମୀ ଏବେ ମୁମ୍ବାଇର କୋକିଲାବେନ୍‌ ଧୀରୁଭାଇ ଅମ୍ବାନୀ ହସ୍ପିଟାଲ୍‌ରେ ଅଛନ୍ତି। ଦୁର୍ଘଟଣାରେ ଶବାନାଙ୍କ ସହିତ ତାଙ୍କ ଡ୍ରାଇଭର ଗୁରୁତର ଆହତ ହୋଇଛନ୍ତି।   ତାଙ୍କୁ ଦେଖିବାକୁ ସେଠାକୁ ବଲିଉଡ୍‌ ଇଣ୍ଡଷ୍ଟ୍ରୀର ବହୁ ସେଲେବ୍ରିଟି ଯାଉଛନ୍ତି।

ଗତକାଲି ଅଭିନେତା ତଥା ଫିଲ୍ମ ନିର୍ମାତା ସତୀଶ କୌଶିକ ତାଙ୍କୁ ଦେଖିବାକୁ ଯାଇଥିଲେ।ହସ୍‌ପିଟାଲ୍‌ରେ ଶବାନାଙ୍କୁ ଦେଖି ଫେରିବା ପରେ ସତୀଶ କହିଛନ୍ତି, “ଶବାନା ଏବେ ଆଇସିୟୁରେ ଅଛନ୍ତି। ମୁଁ ତାଙ୍କୁ ଗତକାଲି ରାତି ୧୦ଟା ବେଳେ ଦେଖିବାକୁ ଯାଇଥିଲି। ହେଲେ ତାଙ୍କ ସହ କଥା ହୋଇପାରିଲି ନାହିଁ। ତାଙ୍କୁ ଆଖି ପାଖରେ ଆଘାତ ଲାଗିଛି। ଆସନ୍ତା ୪୮ ଘଣ୍ଟା ପର୍ଯ୍ୟନ୍ତ ତାଙ୍କୁ ଡାକ୍ତରଙ୍କ କଡ଼ା ନିରୀକ୍ଷଣରେ ରଖାଯିବ। ସେ ଶୀଘ୍ର ଠିକ୍‌ ହୋଇଯିବେ।’ ସୂଚନା ଅନୁଯାୟୀ, ଶବାନାଙ୍କ ବେକରେ ବି ଜୋରରେ ଆଘାତ ଲାଗିଛି। ସତୀଶଙ୍କ ବ୍ୟତୀତ ଶିବାନୀ ଡାଣ୍ଡେକର୍, ତବୁ ଓ ଅନୀଲ କପୁର୍‌ଙ୍କ ଭଳି ଆହୁରି କିଛି ସେଲେବ୍ରିଟି  ତାଙ୍କୁ ଦେଖିବାପାଇଁ ହସ୍ପିଟାଲ୍‌ ଯାଇଥିଲେ। ବର୍ତ୍ତମାନ ହସ୍ପିଟାଲ୍‌ରେ ଶବାନାଙ୍କ ସହିତ ତାଙ୍କ ସ୍ୱାମୀ ତଥା ପ୍ରଖ୍ୟାତ ଗୀତିକାର ଓ କବି ଜାଭେଦ ଅଖତର ଅଛନ୍ତି। ଜାଭେଦଙ୍କ ପୁଅ ଫରହାନ୍‌ ବି ଡାକ୍ତରଖାନାରେ ଅଛନ୍ତି।

ପଢନ୍ତୁ: ଫେବୃଆରୀରେ ୧୨ ଦିନ ବନ୍ଦ ରହିବ ବ୍ୟାଙ୍କ

Related posts

ଅବସର ନେଲେ ‘କାରଗିଲ’ ଯୁଦ୍ଧର ହିରୋ

Ratnamani Maharana

ପୁଣି ଟଳିବ ଫାଶୀ! କ୍ୟୁରେଟିଭ୍‌ ପିଟିସନ ଦାଖଲ କଲା ଦୋଷୀ ପବନ

Ratnamani Maharana

ପ୍ଲାଷ୍ଟିକର ବିକଳ୍ପ ଭାବେ ତିଆରି ହେଉଛି ଘାସରେ ତିଆରି ଷ୍ଟ୍ର’

Ratnamani Maharana

2 comments

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More