• Home
  • News
  • ଆଜିଠୁଁ ପର୍ଯ୍ୟଟକଙ୍କୁ ସ୍ଵାଗତ ଜଣାଉଛି ଶିମିଳିପାଳ ବ୍ୟାଘ୍ର ସଂରକ୍ଷଣ ଓ ଅଭୟାରଣ୍ୟ
News

ଆଜିଠୁଁ ପର୍ଯ୍ୟଟକଙ୍କୁ ସ୍ଵାଗତ ଜଣାଉଛି ଶିମିଳିପାଳ ବ୍ୟାଘ୍ର ସଂରକ୍ଷଣ ଓ ଅଭୟାରଣ୍ୟ

ପର୍ଯ୍ୟଟନପ୍ରେମୀ ମାନଙ୍କ ପାଇଁ ସୁସମ୍ବାଦ । ଆଜିଠାରୁ ଶିମିଳିପାଳ ବ୍ୟାଘ୍ର ସଂରକ୍ଷଣ ଓ ଅଭୟାରଣ୍ୟ ପର୍ଯ୍ୟଟକମାନଙ୍କୁ ସ୍ଵାଗତ ଜଣାଉଛି । ଦୀର୍ଘଦିନ ଧରି ପ୍ରବଳ ବର୍ଷା ଯୋଗୁଁ ଶିମିଳିପାଳକୁ ରାସ୍ତା ବିଚ୍ଛିନ୍ନ ହେବାଫଳରେ ପର୍ଯ୍ୟଟକଙ୍କ ଅସୁବିଧାକୁ ଆଖି ଆଗରେ ରଖି ଅଭୟାରଣ୍ୟ ବନ୍ଦ ଥିଲା । ପର୍ଯ୍ୟଟକମାନେ ଅଭୟାରଣ୍ୟର କୁମାରୀ ,ଗୁଡୁଗୁଡିଆ ,ରାମତୀର୍ଥ ଓ ଜାମୁଆଣି ସ୍ଥିତ ଅତିଥିଷାଳାରେ ରାତ୍ରିଯାପନ କରିପାରିବେ ।

ପର୍ଯ୍ୟଟକମାନେ ସକାଳ ୬ ଟାରୁ ୯ ଟା ମଧ୍ୟରେ ଯଶିପୁର କାଳିଆଣି ତନଖି ଫାଟକ ଦେଇ ଶିମିଳିପାଳ ଭିତରକୁ ପ୍ରବେଶ କରିବେ । ଅପରାହ୍ନ ୩ ଟା ପୂର୍ବରୁ ଯୋରନ୍ଦା, ବରେହୀପାଣି ଓ ୪ ଟା ପୂର୍ବରୁ ଚହଲା ଜଳପ୍ରପାତ ଛାଡିବାକୁ ପରାମର୍ଶ ଦିଆଯାଇଛି । ଯଶିପୁର ପଟେ ସର୍ବାଧିକ ୩୫ଟି ଓ ଲୁଲଂ ପଟେ ସର୍ବାଧିକ ୨୫ଟି ଚାରି ଚକିଆ ଯାନ ପ୍ରବେଶ ନିମନ୍ତେ ଅନୁମତି ପ୍ରଦାନ କରାଯାଇଛି । ଯଶିପୁର କାଳିଆଣି ତନଖି ଫାଟକ ଓ ଲୁଲୁଙ୍ଗ ସ୍ଥିତ ପିଛାବଟା ଫାଟକରେ ପ୍ରଥମ ପର୍ଯ୍ୟଟକଙ୍କୁ ସ୍ୱାଗତ କରାଯିବ ।

ପ୍ରଥମ ଦିନରେ ଶିମିଳିପାଳ କର୍ତ୍ତୃପକ୍ଷ ପର୍ଯ୍ୟଟକ ମାନଙ୍କୁ ଫୁଲ ଦେଇ ସ୍ୱାଗତ କରିଛନ୍ତି। ଆସାମ ଓ ପଶ୍ଚିମବଙ୍ଗ ଆଦି ରାଜ୍ୟରୁ କିଛି ପର୍ଯ୍ୟଟକ ଆଜି ଆସିଥିବା ବେଳେ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର କିଛି ଛାତ୍ରଛାତ୍ରୀ ଯେଉଁମାନେ ବନ୍ୟଜନ୍ତୁ ଉପରେ ଗବେଷଣା କରୁଛନ୍ତି । ଶିମିଳିପାଳର ପ୍ରାକୃତିକ ପରିବେଶ ସହ ସୁଉଚ୍ଚ ଝରଣା ଏବଂ ତା ସାଙ୍ଗକୁ ବନ୍ୟଜନ୍ତୁଙ୍କୁ ଦେଖି ମଜା ନେଉଛନ୍ତି ପର୍ଯ୍ୟଟକ।

ପର୍ଯ୍ୟଟକମାନଙ୍କ ଭ୍ରମଣ ସୁଖପ୍ରଦ ହେଉ ବୋଲି ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପ ଓ ବନବିଭାଗ ପକ୍ଷରୁ ଶୁଭେଚ୍ଛା ଦିଆଯିବାର ଆୟୋଜନ ହୋଇଛି । ପର୍ଯ୍ୟଟକମାନେ ରାତ୍ରିଯାପନ ପାଇଁ www.ecotourodisha.com ରେ ଆଗୁଆ ସଂରକ୍ଷଣ କରିପାରିବା ନେଇ ସୂଚନା ଦିଆଯାଇଛି ।

ଆଜିଠୁଁ ପର୍ଯ୍ୟଟକଙ୍କୁ ସ୍ଵାଗତ ଜଣାଉଛି ଶିମିଳିପାଳ ବ୍ୟାଘ୍ର ସଂରକ୍ଷଣ ଓ ଅଭୟାରଣ୍ୟ  ଆଜିଠୁଁ ପର୍ଯ୍ୟଟକଙ୍କୁ ସ୍ଵାଗତ ଜଣାଉଛି ଶିମିଳିପାଳ ବ୍ୟାଘ୍ର ସଂରକ୍ଷଣ ଓ ଅଭୟାରଣ୍ୟ

ପଢନ୍ତୁ, ଟାଙ୍ଗୀରେ ମର୍ମନ୍ତୁଦ ଦୁର୍ଘଟଣା,ପରିବା ବୋଝେଇ ପିକଅପ୍ ଭ୍ୟାନକୁ ପିଟିଲା ତୀର୍ଥଯାତ୍ରୀ ବସ୍ 

Related posts

କୋଫି ଆନନ୍‌ଙ୍କ ପରଲୋକ

Krishna Kumar Manoj

Central Research Institute Of Yoga & Naturopathy (CRIYN) at Bhubaneswar

Krishna Kumar Manoj

ବ୍ରିଟେନର ପ୍ରସିଦ୍ଧ ବୈଜ୍ଞାନିକ ଷ୍ଟିଫେନ ହକିଙ୍ଗଙ୍କ ଦେହାନ୍ତ

Krishna Kumar Manoj

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More