ଦୁଆର ବନ୍ଧରେ ସିନ୍ଦୁର ଓ ଚନ୍ଦନ ଲଗାଇବା ପଛରେ ଥିବା ରହସ୍ୟ ସମ୍ପର୍କରେ ଆସନ୍ତୁ ଜାଣିବା!

ଘରେ ଯେକୌଣସି ପୂଜା କିମ୍ବା ଓଷାବତ୍ର ହେଲେ ପ୍ରଥମତଃ ଘର ଦୁଆର ବନ୍ଧରେ ସିନ୍ଦୁର ଏବଂ ଚନ୍ଦନ ଲଗାଯାଇଥାଏ। ଶାସ୍ତ୍ରରେ ସିନ୍ଦୁର ଲଗାଇବା ପଛରେ ଅନେକ ମାନ୍ୟତା ରହିଛି।

ଶାସ୍ତ୍ରରେ ବର୍ଣ୍ଣନା କରାଯାଇଛି ଯେ ଦୁଆର ବନ୍ଧରେ ସିନ୍ଦୁର ଓ ଚନ୍ଦନ ଲଗାଇବା ଫଳରେ ଘରେ ଭଗବାନଙ୍କ ଅର୍ଶୀବାଦ ସବୁବେଳେ ରହିଥାଏ। ଏହା ସହିତ ନକରାତ୍ମକ ଶକ୍ତିର ପ୍ରବେଶ ହୋଇନଥାଏ।
ଧାର୍ମିକ ଶାସ୍ତ୍ର ଅନୁସାରେ ଘରେ ଧନ-ସମ୍ପତି ବଢିବା ପାଇଁ ଘର ସାମ୍ନାରେ ସିନ୍ଦୁର ଓ ଚନ୍ଦନ ଦେଇ ଭଗବାନଙ୍କୁ ଆହ୍ୱାନ କରାଯାଏ। ଯାହା ଦ୍ୱାରା ମା’ଲକ୍ଷ୍ମୀଙ୍କ କୃପା ଦୃଷ୍ଟି ଘର ଉପରେ ପଡିଥାଏ।
ସାଧାରଣତଃ ଯେଉଁ ଘରେ ବାସ୍ତୁଦୋଷ ଥାଏ ସେ ଘରେ ଗୁରୁବାର, ସଂକ୍ରାନ୍ତି ଦିନ ପୂଜା କରି ଘରର ଦୁଆର ବନ୍ଧରେ ସିନ୍ଦୁର ଓ ଚନ୍ଦନ ଲଗାଇଲେ ବାସ୍ତୁଦୋଷ ଦୁର ହୋଇଥାଏ। ଏମିତି କରିବା ଦ୍ଵାରା ଗୃହରେ ନକରାତ୍ମକ ଶକ୍ତି ଦୂର ହୋଇଥାଏ।