ସରକାରୀ ଗୃହକୁ ବେଆଇନ ଅକ୍ତିଆର କରିଥିବା ନେଇ ସମାଜସେବୀ ପ୍ରମିଳା ତ୍ରିପାଠୀଙ୍କ ନାମରେ ଏତଲା

ବ୍ରହ୍ମପୁର ଗୋଷାଣୀନୂଆଗାଁ ଥାନା ଅନ୍ତର୍ଗତ ନେହୁରୁ ନଗରରେ ରହିଥିବା ରାଜୀବ ଆବାସ ଯୋଜନାର ‘କେ’ ବ୍ଳକକୁ ନେଇ ପୁଣି ଉଠିଛି ବିବାଦ । କେ ବ୍ଳକକୁ ନିଜ ଅକ୍ତିଆରରେ ରଖିଥିବା ନେଇ ପ୍ରମିଳା ତ୍ରିପାଠୀଙ୍କ ନାମରେ ଗୋଷାଣୀନୂଆଗାଁ ଥାନାରେ ମାମଲା ହୋଇଛି । ଏଭଳି ଅଭିଯୋଗ କରିଛନ୍ତି ନିଜେ ବିଏମସି କମିଶନର। ବ୍ରହ୍ମପୁର ଗୋଷାଣୀନୂଆଗାଁ ଥାନାରେ ଏନେଇ ଲିଖିତ ଅଭିଯୋଗ ଦେବା ପରେ ଏହାର ତଦନ୍ତ ଆରମ୍ଭ କରିଛି ପୋଲିସ ।   

ତେବେ ଅଭିଯୁକ୍ତକୁ ଖଣ୍ଡନ କରିଛନ୍ତି ପ୍ରମିଳା ତ୍ରିପାଠୀ , ମତେ ବିଜୁ ବାବୁ ଜମି ଦେଇଥିଲେ ଗରୀବ ଅସହାୟ ମାନଙ୍କର ସେବା କରିବା ପାଇଁ । ବ୍ୟକ୍ତିଗତ ଜମିରେ ବିଏମସି ରାଜୀବ ଆବାସ  ଯୋଜନାରେ ଗୃହ କରିଲା । ଆଉ ଏଥିପାଇଁ ହାଇକୋର୍ଟର ଦ୍ବାରସ୍ଥ ହେବା ପରେ ୬ ମାସ ମଧ୍ୟରେ ସେଟେଲମେଣ୍ଟ ପାଇଁ ବ୍ରହ୍ମପୁର ତହସିଲଦାରଙ୍କୁ ନୋଟିସ ଆସିଛି । ଥାନାରେ ମାମଲା ଦେବା କେତେ ଦୂର ଠିକ ବୋଲି ପ୍ରଶ୍ନ କରିଛନ୍ତି ପ୍ରମିଳା  । ବର୍ତ୍ତମାନ ବିଏମସି ମିଛରେ ଘର ମାଡ଼ିବସିବା ନେଇ ମାମଲା ରୁଜୁ କଲେ ଡ଼ରିବାର ନାହିଁ ବୋଲି ରୋକଠୋକ କହିଛନ୍ତି ବ୍ରହ୍ମପୁର ସମାଜସେବୀ ପ୍ରମିଳା ତ୍ରିପାଠୀ ।