SPORTS

ଆଇପିଏଲରୁ ବିଦା ହେଲେ ଷ୍ଟିଭ ସ୍ମିଥ : ଷ୍ଟିଭ ସ୍ମିଥଙ୍କ ସ୍ଥାନ ନେଲେ ଆଜିଙ୍କ୍ୟ ରାହାଣେ

ଷ୍ଟିଭ ସ୍ମିଥଙ୍କୁ ଆଉ ଏକ ଝଟକା

ବଲ ଟାମ୍ପରିଂ ମାମଲାରେ ଦୋଷୀ ସାବସ୍ତ୍ୟ ହୋଇ ଅଷ୍ଟ୍ରେଲିଆ ଦଳର ନେତୃତ୍ଵ ହରାଇଥିବା ଷ୍ଟିଭ ସ୍ମିଥଙ୍କୁ ଲାଗିଛି ଆଉ ଏକ ଝଟକା । ରାଜସ୍ଥାନ ରୟାଲ୍ସ ଅଧିନାୟକ ପଦରୁ ବାଦ ପଡିଲେ ଷ୍ଟିଭ ସ୍ମିଥ ।ବଲ ଟାମ୍ପରିଂ ଅଭିଯୋଗ ନେଇ କାର୍ଯ୍ୟାନୁଷ୍ଠାନ ପରେ ତାଙ୍କୁ ହଟାଇ ଦେଇଛି ରାଜସ୍ଥାନ । ତାଙ୍କ ସ୍ଥାନରେ ଆଇପିଏଲ ଇଲେଭନରେ ରାଜସ୍ଥାନର ନେତୃତ୍ୱ ନେବେ ଦେଶୀ ପ୍ଲେୟାର ଆଜିଙ୍କ୍ୟ ରାହାଣେ ।

ବଲ ଟାମ୍ପରିଂ ଅଭିଯୋଗରେ ପ୍ରଥମେ କ୍ରିକେଟ ଅଷ୍ଟ୍ରେଲିଆର କାର୍ଯ୍ୟାନୁଷ୍ଠାନ ଓ ଆଇସିସିର ଫାଇନ ପରେ ବ୍ୟୟବହୁଳ କ୍ରିକେଟ ଆଇପିଏଲରୁ ବାଦ୍ ପଡିଛନ୍ତି ଷ୍ଟିଭ ସ୍ମିଥ୍ । ରାଜସ୍ଥାନ ରୟାଲ୍ସର ଅଧିନାୟକ ପଦରୁ ତାଙ୍କୁ ହଟାଇ ଦିଆଯାଇଛି । ଏନେଇ ରାଜସ୍ଥାନ ରୟାଲ୍ସ ପକ୍ଷରୁ ବିଧିବଦ୍ଧ ଘୋଷଣା କରାଯାଇଛି ।

ଆଗାମୀ ଏପ୍ରିଲ ୭ରୁ ଖେଳାଯିବାକୁ ଥିବା ଫଟାଫଟ କ୍ରିକେଟର ମହାସମର ଆଇପିଏଲ-୧୧ରେ ଆଜିଙ୍କ୍ୟ ରାହାଣେଙ୍କ ଅଧିନାୟକତ୍ୱରେ ପଡିଆକୁ ଓହ୍ଲାଇବ ରାଜସ୍ଥାନ ରୟାଲ୍ସ । ୨୦୦୮ରେ ମୁମ୍ବାଇ ଇଣ୍ଡିଆନ୍ସରୁ ଆଇପିଏଲ ଖେଳିଥିବା ଏହି ୨୯ ବର୍ଷୀୟ ଖେଳାଳି ୨୭ଟି ଇନିଂସ ଖେଳି ୨୩ଶହ ୩୩ ରନ ସ୍କୋର କରିଛନ୍ତି ।  ୨୦୧୧ରୁ ୧୫ ମଧ୍ୟରେ ଅନେକ ମ୍ୟାଚ ୱିନିଂ ଗେମ ଖେଳିଛନ୍ତି ରାହାଣେ ।

ବେଟିଂ ବିବାଦରେ ଫସି ରାଜସ୍ଥାନ ୨୦୧୫ରୁ ଆଇପିଏଲ ଠାରୁ ଦୂରେଇ ରହିଥିବାବେଳେ ଏବେ ପୁଣି ଅଡୁଆ କରିଛି ସ୍ମିଥଙ୍କ ବଲ ଟାମ୍ପରିଂ । ଭଦ୍ର ଲୋକଙ୍କ ଖେଳ କ୍ରିକେଟରେ ବେଟିଂ ଭଳି ସାଂଘାତିକ ଅଭିଯୋଗରେ ୨୦୧୫ରେ ବ୍ୟାନ ହୋଇଥିଲା ରାଜସ୍ଥାନ ରୟାଲ୍ସ ।

୨ବର୍ଷ ଧରି ଆଇପିଏଲରୁ ଦୂରେଇ ରହିବା ପରେ ପୁଣି ଚଳିତବର୍ଷ କମବ୍ୟାକ ପାଇଁ ଯୋଜନା ଭିତରେ ଫସିଗଲା ଫ୍ରାଞ୍ଚାଇଜ । କାରଣ ଅଧିନାୟକ ଷ୍ଟିଭ ସ୍ମିଥଙ୍କୁ ରିଟେନ କରି ଅକ୍ସନ ପାଇଁ ଛାଡିନଥିଲା ରାଜସ୍ଥାନ ରୟାଲ୍ସ । ହେଲେ ବଲ ଟାମ୍ପରିଂ ବିବାଦ ସ୍ମିଥଙ୍କ ହାତ ଛାଡିବା ପାଇଁ ରାଜସ୍ଥାନକୁ ବାଧ୍ୟ କରିଛି ।

ପଢନ୍ତୁ ;

“ସିମ୍ବା” ସିନେମାରୁ ଆଉଟ ମାଧବନ

Related posts

ଭାରତୀୟ କ୍ରିକେଟର ରୋହିତ ଶର୍ମାଙ୍କ ନୂଆ ରେକର୍ଡ 

ENO Beuro

ହକି ବିଶ୍ୱ କପ୍‌ : ଆର୍ଜେଣ୍ଟିନା ୩-୦ ରେ ଜିତିଲା

ENO Beuro

ଏସିଆ କପ:ଫାଇନାଲରେ ଭାରତ-ବାଂଲାଦେଶ ମୁକାବିଲା

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More