News

ସୁନନ୍ଦା ପୁଷ୍କର ମୃତ୍ୟୁ ଘଟଣା: ଶଶି ଥରୁର୍‌ଙ୍କୁ ସମନ୍‌

ହାଇପ୍ରୋଫାଇଲ୍ ସୁନନ୍ଦା ପୁଷ୍କର ମୃତ୍ୟୁ ମାମଲା

ସୁନନ୍ଦା ପୁଷ୍କର ମୃତ୍ୟୁ ମାମଲାରେ ବଢ଼ିଲା କଂଗ୍ରେସ ସାଂସଦ ଶଶି ଥରୁରଙ୍କ ଅଡୁଆ। ଦିଲ୍ଲୀର ଏକ କୋର୍ଟ ତାଙ୍କୁ ଅଭିଯୁକ୍ତ ଭାବେ ଦର୍ଶାଇ ଜୁଲାଇ ୭ ତାରିଖରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି। ଏହି ମାମଲାରେ ଚାର୍ଜସିଟରେ ପୋଲିସ ଶଶି ଥରୁରଙ୍କୁ ଅଭିଯୁକ୍ତ ବୋଲି ଦର୍ଶାଇ ଥିବାରୁ କୋର୍ଟ ତାଙ୍କୁ ଅଭିଯୁକ୍ତ ଭାବେ ନୋଟିସ୍ ଦେଇଛନ୍ତି।

ସୁନନ୍ଦା ପୁଷ୍କରଙ୍କ ମୃତ୍ୟୁ ପୂର୍ବରୁ ଇ-ମେଲ୍ ମାଧ୍ୟମରେ ସ୍ୱାମୀ ଶଶି ଥରୁରଙ୍କୁ ଏକ ବାର୍ତ୍ତା ଦେଇଥିଲେ। ଏଥିରେ ସୁନନ୍ଦା କହିଥିଲେ ‘ମୋର ଆଉ ବଞ୍ଚି ରହିବାକୁ ଇଚ୍ଛା ନାହିଁ, ମୁଁ ମରିବାକୁ ଚାହେଁ’। ଏହି ଇ-ମେଲ୍ ମୃତ୍ୟୁର ୯ ଦିନ ପୂର୍ବରୁ ସେ ତାଙ୍କ ପତି ଶଶିଙ୍କ ନିକଟକୁ ପଠାଇଥିଲେ। ପୋଲିସ ଏହି ଇ-ମେଲ୍ ବାର୍ତ୍ତାକୁ ସୁନନ୍ଦାଙ୍କ ମୃତ୍ୟୁକାଳୀନ ଜମାନବନ୍ଦି ଭାବେ ଗ୍ରହଣ କରିଛି।

ସୂଚନାଯୋଗ୍ୟ,୨୦୧୪ ଜାନୁୟାରୀ ୧୭ରେ ନୂଆଦିଲ୍ଲୀସ୍ଥିତ ଏକ ହୋଟେଲ କୋଠରିରୁ ସୁନନ୍ଦାଙ୍କ ମୃତଦେହ ଠାବ କରାଯାଇଥିଲା। ଶରୀରରେ ବିଷକ୍ରିୟା ଯୋଗୁଁ ମୃତ୍ୟୁ ଘଟିଥିବା କୋର୍ଟଙ୍କୁ କୁହାଯାଇଥିଲା । ହୋଟେଲ ରୁମରୁ ପୋଲିସ ୨୭ଟି ଆଲପ୍ରାକ୍ସ ବଟିକା ଯାଞ୍ଚ ବେଳେ ପାଇଥିଲା। ସୁନନ୍ଦାଙ୍କ ମୃତଦେହରେ ବହୁ କ୍ଷତ ଚିହ୍ନ ରହିଥିଲେ ମଧ୍ୟ ସେଗୁଡିକ ଗୁରୁତ୍ୱପୂର୍ଣ୍ଣ ନୁହେଁ ବୋଲି ଅଭିଯୋଗ ଫର୍ଦରେ ଉଲ୍ଲେଖ ରହିଛି।

ପଢନ୍ତୁ; କେଉଁ ସବୁ ବଦ ଅଭ୍ୟାସ ଥିଲେ ମୁହଁରେ ଅତ୍ୟଧିକ ବ୍ରଣ ହୋଇଥାଏ? ଜାଣନ୍ତୁ

Related posts

୧୨ ଦିନରେ ବଢିଲାଣି ପେଟ୍ରୋଲ ଦର ୩ ଟଙ୍କା ୨୨ ପଇସା!

ENO Beuro

ଢେଙ୍କାନାଳରେ ମର୍ମନ୍ତୁଦ ସଡ଼କ ଦୁର୍ଘଟଣା: କାର୍ ଉପରେ ମାଡ଼ି ଗଲା ଟ୍ରକ୍‌,ଗୋଟିଏ ପରିବାରର ୩ ମୃତ

ENO Beuro

ଲୋକୟୁକ୍ତ ନିଯୁକ୍ତି ମାମଲା:ଓଡ଼ିଶାକୁ ଜବାବ୍‌ ମାଗିଲେ ସୁପ୍ରିମ୍‌କୋର୍ଟ

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More