• Home
  • News
  • ସୁରଟ ନାବାଳିକା ବଳାତ୍କାର ଓ ହତ୍ୟା ଘଟଣା : ତିନି ଅଭିଯୁକ୍ତ ଗିରଫ
News

ସୁରଟ ନାବାଳିକା ବଳାତ୍କାର ଓ ହତ୍ୟା ଘଟଣା : ତିନି ଅଭିଯୁକ୍ତ ଗିରଫ

ତିନି ଅଭିଯୁକ୍ତ ଗିରଫ

ଗୁଜୁରାଟ ସୁରାଟରେ ଘଟିଥିବା ଜଣେ ୧୧ ବର୍ଷୀୟ ନାବାଳିକା ବଳାତ୍କାର ଓ ହତ୍ୟା ଘଟଣାରେ ଅହମ୍ମଦାବାଦ କ୍ରାମିମବ୍ରାଞ୍ଚ ଟିମକୁ ବଡ ସଫଳତା ମିଳିଛି । ଏହି ଘଟଣାରେ ସମ୍ପୃକ୍ତ ତିନି ଅଭିଯୁକ୍ତଙ୍କୁ  ଗିରଫ କରାଯିବା ସହ ମୃତ ଦେହ ଫିଙ୍ଗିବାରେ ବ୍ୟବହୃତ କାରକୁ ଜବତ କରାଯାଇଛି । ଗୁଜରାଟ ପୋଲିସ ଓ ଅହମ୍ମଦାବାଦ କ୍ରାଇମବ୍ରାଂଚର ପ୍ରାୟ ୪ଶହ ପୋଲିସ କର୍ମଚାରୀଙ୍କୁ ଏହି ମାମଲାର ଅଧିକ ଛାନଭିନ ପାଇଁ ନିୟୋଜିତ କରାଯାଇଛି ।

ଘଟଣାସ୍ଥଳଠାରୁ ୩ କିଲୋମିଟର ପରିଧି ଭିତରେ ସିସିଟିଭି ଫୁଟେଜ ଓ ମୋବାଇଲ କଲ ଡାଟାକୁ ଯାଂଚ କରାଯାଉଛି । ଏପ୍ରିଲ ୬ ତାରିଖରେ ସୁରତର ପାଣ୍ଡେସରାରେ ଏକ ବୁଦା ଭିତରୁ ୯ରୁ ୧୩ବର୍ଷର ଜଣେ ନାବାଳିକାଙ୍କ ମୃତଦେହ ଉଦ୍ଧାର ହୋଇଥିଲା । ଝିଅଟି ଦେହରେ ୮୬ଟି କ୍ଷତଚିହ୍ନ ରହିଥିବାବେଳେ ଶବ ବ୍ୟବଚ୍ଛେଦ ରିପୋର୍ଟରୁ ଅତି ବିଭତ୍ସ ଭାବରେ ଧର୍ଷଣ କରାଯାଇଥିବା ସ୍ପଷ୍ଟ ହୋଇଥିଲା ।

ତେବେ ଝିଅଟି କେଉଁ ଅଂଚଳର ଜାଣିବା ପାଇଁ ବିଭିନ୍ନ ସ୍ଥାନରେ ପୋଷ୍ଟର ମାରିବା ସହ ପଡୋଶୀ ରାଜ୍ୟମାନଙ୍କୁ ଝିଅ ବାବଦରେ ସୂଚନା ପ୍ରଦାନ କରିଥିଲା ଗୁଜରାଟ ପୋଲିସ । ଝିଅଟି ଓଡିଶାର ହୋଇଥିବା ନେଇ ମଧ୍ୟ ସନ୍ଦେହ ପ୍ରକାଶ ପାଇଥିଲା । ହେଲେ ଝିଅଟିର ଫଟୋ ଦେଖି ଆନ୍ଧ୍ରପ୍ରଦେଶର ଜଣେ ବ୍ୟକ୍ତି ତାଙ୍କ ଝିଅ ବୋଲି ଦାବି କରିଥିଲେ ।

ଯାହାକୁ ସ୍ପଷ୍ଟ କରିବା ଲାଗି ମୃତକଙ୍କ ଡିଏନଏ ଟେଷ୍ଟ କରାଯାଇଛି । ସେହିପରି ମୃତେଦହ ମିଳିବାର ତିନିଦିନ ପରେ ଅର୍ଥାତ ଏପ୍ରିଲ ୯ ତାରିଖରେ ଜଣେ ମହିଳାଙ୍କ ଗଳିତ ମୃତଦେହ ଜବତ ହୋଇଥିଲା । ସଂପୃକ୍ତ ମହିଳା ଝିଅଟିର ମାଆ ହୋଇଥିବା ନେଇ ମଧ୍ୟ ପୋଲିସ ସନ୍ଦେହ କରୁଛି । ଏବଂ ସେହି ଦିଗରେ ଛାନଭିନ ଜାରି ରଖିଛି।

ସୁରଟ ନାବାଳିକା ବଳାତ୍କାର ଓ ହତ୍ୟା ଘଟଣା : ତିନି ଅଭିଯୁକ୍ତ ଗିରଫ surat rape case

ପଢନ୍ତୁ ;

ଅଧ୍ୟାଦେଶ ଆଣିପାରନ୍ତି ସରକାର : ନାବାଳିକା ବଳାତ୍କାରୀଙ୍କୁ ମିଳିବ ମୃତ୍ୟୁଦଣ୍ଡ

Related posts

ମାଡି ଆସୁଛି ସାମୁଦ୍ରିକ ଝଡ଼ ‘ସାଗର’ !

‘ଫର୍ଟିଲାଇଜର କାର୍ଗୋ କମ୍ପ୍ଲେକ୍ସ, ବାର୍ଜ ବର୍ଥ କମ୍ପ୍ଲେକ୍ସ’ ଉଦ୍‌ଘାଟନ କଲେ ମୁଖ୍ୟମନ୍ତ୍ରୀ

Krishna Kumar Manoj

ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ସ୍ତରରେ ୧୪୮ ଦନ୍ତ ଚିକିତ୍ସକଙ୍କୁ ନିଯୁକ୍ତି ଦିଆଯିବ- ସ୍ୱାସ୍ଥ୍ୟମନ୍ତ୍ରୀ ପ୍ରତାପ ଜେନା

Krishna Kumar Manoj

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More