News

ଏୟାରସେବା 2.0ର ଶୁଭାରମ୍ଭ କଲେ ସୁରେଶ ପ୍ରଭୁ

remote

କେନ୍ଦ୍ର ବେସାମରିକ ବିମାନ ଚଳାଚଳ ଏବଂ ବାଣିଜ୍ୟ ଓ ଉଦ୍ୟୋଗ ମନ୍ତ୍ରୀ ଶ୍ରୀ ସୁରେଶ ପ୍ରଭୁ ଏବଂ ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ଶ୍ରୀ ଜୟନ୍ତ ସିହ୍ନା ସୋମବାର ଦିଲ୍ଲୀରେ ଏୟାରସେବା 2.0 ୱେବ ପୋର୍ଟାଲର ବିକଶିତ ଭର୍ସନର ଶୁଭାରମ୍ଭ କରିଛନ୍ତି ।

ଏହି ଅବସରରେ ବେସାମରିକ ବିମାନ ଚଳାଚଳ ମନ୍ତ୍ରୀ କହିଲେ, ବ୍ୟବହାରକାରୀମାନଙ୍କୁ ଉତ୍ତମ ଅନୁଭବ ଦେବା ସକାଶେ ଏୟାରସେବାର ଏକ ବିକଶିତ ଭର୍ସନ ଜରୁରି ଥିଲା । ଏଥିରେ ଅନେକ ଗୁଡ଼ିଏ ସୁବିଧା ଉପଲବ୍ଧ କରାଯାଇଛି । ସୋସିଆଲ ମିଡିଆରେ ସୁରକ୍ଷିତ ସାଇନ ଅପ୍ ଏବଂ ଲଗ୍ ଇନ୍, ଯାତ୍ରୀଙ୍କ ସୁବିଧା ପାଇଁ ଚାଟବୁଟ୍, ସୋସିଆଲ ମିଡିଆରେ ଅଭିଯୋଗ ଏବଂ ଏହାର ସମାଧାନର ପନ୍ଥା, ବାସ୍ତବିକ ସମୟରେ ଉଡ଼ାଣର ତାଜା ସ୍ଥିତି ଅବଗତ କରାଇବା, ଉଡ଼ାଣ କାର୍ଯ୍ୟକ୍ରମ ସମ୍ପର୍କିତ ବିସ୍ତୃତ ବିବରଣୀ ଉପଲବ୍ଧ କରାଇବା ଇତ୍ୟାଦି ଏହି ସୁବିଧା ମଧ୍ୟରେ ସାମିଲ ରହିଛି । ଏୟାରସେବାର ବିକଶିତ ଏବଂ ଉନ୍ନତ ଭର୍ସନର ସଞ୍ଚାଳନ ସମ୍ବାଦାତ୍ମକ ୱେବ ପୋର୍ଟାଲ ସହିତ ଆଣ୍ଡ୍ରଏଡ ଏବଂ ଆଇଓଏସ୍ ଉଭୟ ଭର୍ସନର ମୋବାଇଲ ପ୍ଲାଟଫର୍ମରେ ପ୍ରଭାବୀ ଢଙ୍ଗରେ କାର୍ଯ୍ୟ କରିବ । ଏହାଦ୍ୱାରା ଯାତ୍ରୀମାନଙ୍କ ବାଧାମୁକ୍ତ ଓ ସୁବିଧାଜନକ ଉଡ଼ାଣର ଆନନ୍ଦ ନେବା ସୁବିଧା ମିଳିପାରିବ । ୱେବ ପୋର୍ଟାଲ ଓ ଆପ୍ଲିକେସନ ଦ୍ୱାରା ଯାତ୍ରୀମାନଙ୍କ ପ୍ରତିକ୍ରିୟା ଏବଂ ପରାମର୍ଶ ସମ୍ପର୍କରେ ଅବଗତ ହୋଇ ଏ ଦିଗରେ ନୀତିଗତ ପଦକ୍ଷେପ ନେବା ସହଜ ହୋଇପାରିବ ।

remote

ଶ୍ରୀ ସୁରେଶ ପ୍ରଭୁ କହିଲେ, ଏବେ ସେବାର ଗୁଣବତ୍ତା ବୃଦ୍ଧି କରିବାକୁ ଉଦ୍ୟମ ହେଉଛି । ଯଦ୍ୱାରା ଯାତ୍ରା ସମୟରେ ଯାତ୍ରୀମାନଙ୍କୁ ସୁରକ୍ଷିତ ଏବଂ ସୁଖଦ ଅନୁଭବ ପ୍ରାପ୍ତ ହୋଇପାରିବ ।

ବେସାମରିକ ବିମାନ ଚଳାଚଳ ରାଷ୍ଟ୍ର ମନ୍ତ୍ରୀ ଶ୍ରୀ ଜୟନ୍ତ ସିହ୍ନା କହିଲେ, ପ୍ରତ୍ୟେକ ବର୍ଷ 5 କୋଟି ଲୋକ ବିମାନ ଯାତ୍ରା କରୁଛନ୍ତି । ନିକଟ ଭବିଷ୍ୟତରେ ଏହି ସଂଖ୍ୟା କେଇ ଗୁଣା ବୃଦ୍ଧି ପାଇବ । ସେ କହିଲେ, ଉପଭୋକ୍ତାମାନଙ୍କୁ ଉତ୍ତମ ସେବା ପ୍ରଦାନ ପାଇଁ ଏୟାରସେବାକୁ ଉନ୍ନତ କରାଯିବା ସହ ପ୍ରଣାଳୀଗତ ଉପାୟ କରିବାର ଆବଶ୍ୟକତା ଅନୁଭବ ହେଉଛି ।

ଏହି ଅବସରରେ ଶ୍ରୀ ସୁରେଶ ପ୍ରଭୁ ଏବଂ ଶ୍ରୀ ଜୟନ୍ତ ସିହ୍ନା ଚେନ୍ନାଇ ବିମାନବନ୍ଦରକୁ ଚାମ୍ପିୟନ ପୁରସ୍କାର ପ୍ରଦାନ କରିଥିଲେ । ଚେନ୍ନାଇ ବିମାନବନ୍ଦରରେ ଏକ ବର୍ଷ ମଧ୍ୟରେ ମିଳିଥିବା ସମସ୍ତ ଅଭିଯୋଗର ସମାଧାନ କରାଯାଇପାରିଛି । ଏହି ଅବସରରେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସଚିବ ଡା. ଗୁରୁପ୍ରସାଦ ମହାପାତ୍ର ଏବଂ ମନ୍ତ୍ରଣାଳୟର ଅନ୍ୟାନ୍ୟ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ ।

ପଢନ୍ତୁ; ଆଜି ବଡଓଷା,ଧବଳେଶ୍ୱର ପୀଠ ଚଳଚଞ୍ଚଳ

Related posts

କଲାମ ଦ୍ୱୀପରୁ ଅଗ୍ନି-୨ କ୍ଷେପଣାସ୍ତ୍ରର ସଫଳ ପରୀକ୍ଷଣ

ENO Beuro

ଗ୍ୟାଙ୍ଗଷ୍ଟର ଟିଟୋ ଗିରଫ

ENO Beuro

ଉତ୍ତର ପ୍ରଦେଶ: କୁମ୍ଭ ମେଳାରେ ବୁଡ ପକାଇଲେ ୨.୨୫ କୋଟି ଶ୍ରଦ୍ଧାଳୁ

ENO Beuro

Leave a Comment