27.1 C
Bhubaneswar
July 23, 2021
EnewsOdia.Com
ଜୀବନଚର୍ଯ୍ୟା

ହୋଲି ରଙ୍ଗରୁ ଆଖି କରନ୍ତୁ ରକ୍ଷା, ଆପଣାନ୍ତୁ ଏହିସବୁ ଟିପ୍ସ

ରଙ୍ଗର ଉତ୍ସବ ହୋଲି। ଏହାକୁ ଖେଳିବାକୁ ସମସ୍ତଙ୍କ ମନରେ ବେଶ୍‌ ଆଶା ରହିଥାଏ। ଛୋଟ ଠାରୁ ବଡଙ୍କ ମନରେ ଉତ୍କଣ୍ଠା ଭରି ରହିଥାଏ। କିନ୍ତୁ ଏହି ରଙ୍ଗ ଖେଳ ପରବର୍ତ୍ତୀ ସମୟରେ ଶରୀର ପାଇଁ ବିଭିନ୍ନ ସମସ୍ୟାର କାରଣ ସାଜିଥାଏ। କାରଣ କେତେକ ରଙ୍ଗରେ ଥିବା କେମିକାଲ ଶରୀର ପାଇଁ ହାନିକାରକ ହୋଇଥାଏ। ଆଜିକାଲି ବଜାରରେ ଅନେକ କେମିକାଲଯୁକ୍ତ ରଙ୍ଗ ବିକ୍ରି ହେଉଛି। ଯାହା ଆମ ଆଖିରେ ପଡିବା ଦ୍ୱାରା ଆଖିକୁ ହାନି ପହଞ୍ଚାଇଥାଏ। ତେଣୁ ହୋଲି ଖେଳିବା ସମୟରେ ଏହିସବୁ ଦିଗପ୍ରତି ଧ୍ୟାନ ରଖିବା ଉଚିତ…

color

– ସାଧାରଣତଃ ହୋଲି ରଙ୍ଗରେ ଅନେକ କେମିକାଲ ମିଶିଥାଏ। ସେଗୁଡ଼ିକ ହେଲା ମାଲାକାଇଟ୍‌ ଗ୍ରୀନ୍‌, ରୋଢ଼ାମିନ୍‌, ଜେନ୍‌ସିଆନ୍‌ ଭାଓଲେଟ୍‌, ଲେଡ୍‌ ଅକ୍ସାଇଡ୍‌ (କଳାରଙ୍ଗ), କପର ସଲ୍‌ଫେଟ୍‌ (ଶାଗୁଆ ରଙ୍ଗ), ଆଲୁମିନିୟମ୍‌ (ସିଲଭର ରଙ୍ଗ) ମର୍କ୍ୟୁରି ସଲ୍‌ଫେଟ୍‌ (ଲାଲ ରଙ୍ଗ) ଆଦି। ଏହା ଆଖିରେ ପଡ଼ିଲେ, ଆଖି ଲାଲ ହେବା ସହ କୁଣ୍ଡାଇ ହୁଏ, ଲୁହ ବହିଥାଏ ଏବଂ ଝାପ୍‌ସା ଦେଖାଯାଏ ।

– ବେଳେବେଳେ ଆଖିରେ କେମିକାଲ ରଙ୍ଗ ଲାଗିବା ଫଳରେ ଆଖିରେ ଆଲର୍ଜି ହୋଇ କୁଣ୍ଡେଇ ହୁଏ। ଘା’ ହେବା ସହ ଲେଞ୍ଜରା ବୋହିଥାଏ। ଖରାକୁ ଅନାଇଲେ କଷ୍ଟ ହୁଏ ଏବଂ ଆଖି ଫୁଲିଯାଏ।

holi

– ହୋଲି ରଙ୍ଗରୁ ଆଖିକୁ ରକ୍ଷା କରିବାକୁ ହେଲେ ମୁହଁରେ ମାସ୍କ ପିନ୍ଧିବା ସହ ଚଷମା ପିନ୍ଧିବା ଆବଶ୍ୟକ। ମୁଣ୍ଡରେ ମଧ୍ୟ ଏଭଳି କେମିକାଲ ରଙ୍ଗ ବୋଳିବା ଠିକ୍‌ ନୁହେଁ। କାରଣ ଏହାଦ୍ୱାରା ସ୍କିନ୍‌ ଆଲର୍ଜି ହୋଇ କେଶ ଝଡିଥାଏ।

– ମାସ୍କ, ଗ୍ଲାସ୍‌ ଆଦି ବ୍ୟବହାର କରିବା ପରେ ମଧ୍ୟ ଯଦି ଆଖିରେ ରଙ୍ଗ ଲାଗି ଯନ୍ତ୍ରଣା ହୁଏ, ତେବେ ସର୍ବପ୍ରଥମେ ବିଶୁଦ୍ଧ ପାଣିରେ ଆଖିକୁ ଭଲଭାବେ ଧୋଇ ଦିଅନ୍ତୁ। ଅବହେଳା ନ କରି ତୁରନ୍ତ ଡାକ୍ତରଙ୍କ ପରାମର୍ଶ ନେଇ ଆଖିରେ ଡ୍ରପ୍‌ ପକାନ୍ତୁ।

ପଢନ୍ତୁ: ଶରୀରରୁ ହୋଲି ରଙ୍ଗ ଛଡ଼ାଇବାର ଜବରଦସ୍ତ ଫର୍ମୁଲା

Related posts

କାନ ଫୋଡ଼ିବା ସ୍ବାସ୍ଥ୍ୟ ପାଇଁ ଲାଭଦାୟକ

Ratnamani Maharana

ଆପେଣ୍ଡିସକ୍ସ ଆଡକୁ ଇସାରା କରିଥାଏ ଏହି ଲକ୍ଷଣ, ପୂର୍ବରୁ ହିଁ ହୋଇଯାନ୍ତୁ ସତର୍କ

Ratnamani Maharana

ମସ୍ତିଷ୍କ ଦୁର୍ବଳ କରିଦେବ ବୋତଲ ପାଣି

Ratnamani Maharana

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More