ଦୁଇଭାଇ ଟିକେ ଭଲ ଅଛନ୍ତି - ଦିଲ୍ଲୀ ଏମ୍ସର ଡାକ୍ତର ଅଶୋକ ମହାପାତ୍ର

ଦୁଇଭାଇ ଟିକେ ଭଲ ଅଛନ୍ତି – ଦିଲ୍ଲୀ ଏମ୍ସର ଡାକ୍ତର ଅଶୋକ ମହାପାତ୍ର

ଯୋଡା ମୁଣ୍ଡର ଅସ୍ତ୍ରୋପଚାର ପରେ ଅଲଗା ହେଇଥିବା କନ୍ଧମାଳର ଦୁଇଭାଇ ଜଗା ବଳିଆଙ୍କ ସ୍ୱାସ୍ଥ୍ୟକୁ ନେଇ ପୁରା ରାଜ୍ୟ ବାସୀ ପ୍ରାର୍ଥନା କରୁଛି । କେମିତି ସେମାନେ ଭଲହେଇ ଘରକୁ ଆସିବେ ଓ ଆଗଭଳି ଖେଳିବେ ଏନେଇ ପୁରା ଡାକ୍ତର ଟିମ ସହ ରାଜ୍ୟବାସୀ ମଧ୍ୟ ଚିନ୍ତିତ ଅଛନ୍ତି । ଅସ୍ତ୍ରୋପଚାର ପରେ ସେମାନେ ଆଇସିୟୁ ରେ ଅଛନ୍ତି । ଏବେ ଦୁଇଭାଇ ଟିକେ ଭଲ ଅଛନ୍ତି ବୋଲି ଦିଲ୍ଲୀ ଏମ୍ସର ଡାକ୍ତର ଅଶୋକ ମହାପାତ୍ର ସୂଚନା ଦେଇଛନ୍ତି ।

ଦୁଇ ଶିଶୁଙ୍କ ଶ୍ୱାସକ୍ରିୟା ଏବଂ ରକ୍ତ ସଂଚାଳନ ମଧ୍ୟ ଠିକ୍ ଚାଲିଛି । ଡାକ୍ତର ଅଶୋକ ମହାପାତ୍ରଙ୍କ ନେତୃତ୍ୱରେ ୨୦ ଜଣିଆ ଡାକ୍ତରୀ ଟିମ୍ ଦୁଇ ଶିଶୁଙ୍କର ପ୍ରତି ମିନିଟର ଖବର ରଖୁଛନ୍ତି ।

ଏମ୍ସର ଡାକ୍ତରମାନେ କହିଛନ୍ତି ଜଗା, ଡାକ୍ତରଙ୍କ କଥା କିମ୍ବା ଠାରକୁ ବୁଝିପାରୁଛି । ଅର୍ଥାତ୍ ଅପରେସନ୍ ପରେ ଜଗାର ସ୍ୱାସ୍ଥ୍ୟ ବସ୍ଥାରେ ଶୀଘ୍ର ପରିବର୍ତ୍ତନ ଆସୁଛି । ତେବେ କିଡନୀ ଜନିତ ସମସ୍ୟା କାରଣରୁ ଜଗାକୁ ଡାଏଲିସିସରେ ରଖାଯାଇଛି । ତେବେ ଡାକ୍ତରମାନେ ଆଶା ରଖିଛନ୍ତି ୧୦ରୁ ୧୫ ଦିନ ମଧ୍ୟରେ ଉଭୟଙ୍କ ସ୍ୱାସ୍ଥ୍ୟବସ୍ଥାରେ ଉନ୍ନତି ଆସିବ । କିନ୍ତୁ ଜଗା-ବଳିଆ ଏବେ ସଂପୂର୍ଣ୍ଣ ଠିକ୍ ହୋଇଯାଇଛନ୍ତି ବୋଲି କହିହେବ ନାହିଁ । ଏ ବିଷୟରେ ସଂକେତ ଦେଇ ଦିଲ୍ଲୀର ଏମ୍ସ ହସ୍ପିଟାଲ କହିଛି- ଅସୁସ୍ଥତା କାରଣରୁ ସେମାନଙ୍କୁ ୭ରୁ ୧୦ ଦିନ ଆଇସିୟୁରେ ରହିବାକୁ ପଡ଼ିପାରେ । ସ୍ୱାସ୍ଥ୍ୟବସ୍ଥା ଦେଖି ଏହି ଅବଧି ବଢ଼ାଇ ପାରନ୍ତି ଡାକ୍ତର ।

ଦୁଇଭାଇ ଟିକେ ଭଲ ଅଛନ୍ତି - ଦିଲ୍ଲୀ ଏମ୍ସର ଡାକ୍ତର ଅଶୋକ ମହାପାତ୍ର