ଋଷ ବିମାନକୁ କବଜା କଲା ବ୍ରିଟେନ୍

ୟୁକ୍ରେନ୍-ଋଷ ଯୁଦ୍ଧ ମଧ୍ୟରେ ବ୍ରିଟେନ୍, ଋଷର ଏକ ବିମାନକୁ କବଜା କରି ନେଇଛି । ଯାହାକୁ ନେଇ ଉତ୍ତେଜନା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି । ଋଷ ପ୍ଲେନକୁ କବଜା କରାଯାଇଥିବା ନେଇ ୟୁକେର ପରିବହନ ମନ୍ତ୍ରୀ ସୂଚନା ଦେଇଛନ୍ତି । ପୂର୍ବରୁ ବ୍ରିଟେନ୍ କହିଥିଲା, ଯଦି କୌଣସି ଋଷ ବିମାନ କିମ୍ବା ଟାର୍ଟାଡ୍ ଫ୍ଲାଇଟ୍ ଏୟାରସ୍ପେସକୁ ଆସେ ତ ଅପରାଧ ବିବେଚନା କରାଯିବ ଏବଂ ବିମାନକୁ ଜବତ କରାଯିବ । ୟୁକ୍ରେନ୍ ସହ ଋଷର ଯୁଦ୍ଧ ପରେ ୟୁକେ ଋଷର ବିମାନ ଉପରେ କଟକଣା ଲଗାଇଥିଲା । କିନ୍ତୁ ଧନୀ ଋଷର ନାଗରିକ ଅନ୍ୟ ଦେଶରେ ଚାର୍ଟାଡ୍ ପ୍ଲେନର ପଞ୍ଜିକରଣ କରିଥିବାରୁ ୟୁକେ ପହଞ୍ଚୁଥିଲେ । ଏଭଳି ବିମାନ ବ୍ରିଟେନ୍ ଉପରେ ଉଡ଼ିବା ନେଇ କଟକଣା ଲଗା ଯାଇଥିଲା । ସେଭଳି ବିମାନକୁ ମଧ୍ୟ ଜବତ କରିବ ବୋଲି ବ୍ରିଟେନ୍ ଚେତାବନୀ ଦେଇଥିଲା । ଆଜି ସେହିଭଳି ହୋଇଛି ।

ଖବର ଅନୁସାରେ, ଫାର୍ଣ୍ଣବୋରଫ୍ ବିମାନବନ୍ଦରରେ ଏକ ବିମାନର ଯାଞ୍ଚ କରାଯାଇଥିଲା । ଉକ୍ତ ଘରୋଇ ବିମାନଟି ଲକ୍ସମବର୍ଗରେ ପଞ୍ଜିକୃତ ଥିବାବେଳେ ତାର ମାଲିକ ଋଷ ନାଗରିକ ଥିଲେ । ଆଉ ବିମାନଟି ଋଷ ନାଗରିକଙ୍କୁ ନେଇ ୟୁକେ ପହଞ୍ଚିଥିଲା । ଅନ୍ୟପଟେ ଯୁଦ୍ଧ ଭିତରେ ଆସନ୍ତାକାଲି ବ୍ରିଟେନ୍ ବିଦେଶ ମନ୍ତ୍ରୀ ଓ ଋଷ ବିଦେଶ ମନ୍ତ୍ରୀ ଆଲୋଚନା କରିବାର କାର୍ଯ୍ୟକ୍ରମ ରହିଛି ।