News

ରେଳ ବଜେଟରେ ଓଡିଶାକୁ ଅବହେଳା ପ୍ରତିବାଦରେ ବିଜେଡିର ରେଳରୋକ୍ : ଓଡ଼ିଶାକୁ ୫,୨୫୨ କୋଟି

ରେଳ ବଜେଟରେ ଓଡିଶାକୁ ଅବହେଳା

ଚଳିତ ୨୦୧୮-୧୯ ବଜଟ୍‌ରେ ଅର୍ଥମନ୍ତ୍ରୀ ଅରୁଣ ଜେଟ୍‌ଲୀ ରେଳ ବିଭାଗ ପାଇଁ ୧ ଲକ୍ଷ ୪୮ ହଜାର କୋଟି ଟଙ୍କାର ବ୍ୟୟ ବରାଦ କରିଛନ୍ତି । ଏଥର ଓଡ଼ିଶାକୁ ମିଳିଛି ୫ ହଜାର ୨୫୨ କୋଟି  ଟଙ୍କାର ବ୍ୟୟବରାଦ ହୋଇଥିବା ରେଳ ମନ୍ତ୍ରଣାଳୟ ପକ୍ଷରୁ ଟୁଇଟ୍‌ ମାଧ୍ୟମରେ ସୂଚନା ଦିଆଯାଇଛି ।

ରାଜ୍ୟରେ ରେଳ ଭିତ୍ତିଭୂମି ବିକାଶ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପକ୍ଷରୁ ୬,୫୦୦ କୋଟି ଟଙ୍କା ଦାବି କରାଯାଇଥିବାବେଳେ ଏହା ତାହାଠାରୁ କମ୍‌ ରହିଛି । ରେଳ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ, ଓଡ଼ିଶାରେ ୪୩,୭୫୧ କୋଟି ଟଙ୍କାର ୩୬ଟି ପ୍ରକଳ୍ପର କାର୍ଯ୍ୟ ଚାଲୁ ରହିଛି। ଏହା ଅଧୀନରେ ୪,୭୫୦ କିଲୋମିଟର ରେଳଲାଇନ୍‌ ନିର୍ମାଣ କରାଯାଉଛି। ୨୦୧୭-୧୮ ପାଇଁ ରାଜ୍ୟ ସରକାର ୫,୮୭୦ କୋଟି ଟଙ୍କାର ବ୍ୟୟବରାଦ ଦାବି କରିଥିବାବେଳେ କେନ୍ଦ୍ର ସରକାର ୫,୧୦୨ କୋଟି ଟଙ୍କା ପ୍ରଦାନ କରିଥିଲେ ।

ରେଳ ବଜେଟରେ ଓଡିଶାକୁ ଅବହେଳା ପ୍ରତିବାଦରେ ବ୍ରହ୍ମପୁର ଷ୍ଟେସନରେ ବିଜେଡିର ରେଳରୋକ। ଗଞ୍ଜାମ ଜିଲ୍ଲା ବିଜେଡି ପକ୍ଷରୁ ସକାଳ ୭ଟାରୁ ୮ଟା ପର୍ଯ୍ୟନ୍ତ ଘଂଟିକିଆ ରେଳ ରୋକ୍ କରାଯାଇଛି । ଶୀତଳାପଲ୍ଲୀରେ ପ୍ରସ୍ତାବିତ ରେଳ ୱାଗନ କାରଖାନ ସ୍ଥାନାନ୍ତରକୁ ବିରୋଧ କରି ରେଳ ରୋକ୍ କରିଥିଲେ । ଶତାଧିକ ବିଜେଡି କର୍ମୀ ରେଳ ରୋକ କରିବା ସହ କେନ୍ଦ୍ର ସରକାରଙ୍କ ବିରୋଧରେ ନାରାବାଜି ଓ ବିକ୍ଷୋଭ କରିଛନ୍ତି । ରେଳ ବିଭାଗ ଓଡିଶାରୁ ଅଧିକ ରାଜସ୍ୱ ପାଉଥିବାବେଳେ କମ୍ ଦେଉଥିବା ଅଭିଯୋଗ କରିଛନ୍ତି ବିକ୍ଷୋଭକାରୀ । ଏହା ଦ୍ୱାରା ଟ୍ରେନ ଚଳାଚଳ ପ୍ରଭାବିତ ହୋଇଛି ।

ଅନ୍ୟପଟେ, ସମ୍ବଲପୁରରେ ମଧ୍ୟ ସମାନ ଅବସ୍ଥା । କ୍ଷେତରାଜପୁର ଷ୍ଟେସନରେ ଜିଲ୍ଲା ବିଜେଡି ତରଫରୁ ଘଂଟିକିଆ ବନ୍ଦ ପାଳନ ହୋଇଛି । ରେଳ ବଜେଟରେ ପଶ୍ଚିମ ଓଡିଶାକୁ ଅବହେଳା ପ୍ରତିବାଦରେ ବନ୍ଦ ପାଳନ ହୋଇଛି ।

ପଢନ୍ତୁ ;

ଜୀବନଶୈଳୀରେ ପରିବର୍ତ୍ତନ ଚାହୁଁଛନ୍ତି କି ? ତେବେ ଏହି ଦିଗ ପ୍ରତି ଧ୍ୟାନ ଦିଅନ୍ତୁ

Related posts

ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ଲିଙ୍ଗରାଜ ମନ୍ଦିର ଫଟୋ,ସୋସିଆଲ୍‌ ମିଡିଆରେ ସର୍ବାଧିକ ଲୋକପ୍ରିୟ ଫଟୋ!

ENO Beuro

ନୂଆ ଆଡ଼ଭୋକେଟ୍ ଜେନେରାଲ ଭାବେ ଦାୟିତ୍ୱ ନେଲେ ଅଶୋକ ପରିଜା

Ratnamani Moharana

ରାଜଧାନୀ ଆସୁଛନ୍ତିକି! ସାବଧାନ୍ ଭୁବନେଶ୍ଵର ରାସ୍ତାରେ ଅପେକ୍ଷା କରିଛି ମୃତ୍ୟୁ

Ratnamani Moharana

Leave a Comment