News

୪ଟି ପ୍ରଜାତିର ଗଛକୁ ନକାଟିବା ପାଇଁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମତ

୪ଟି ପ୍ରଜାତିର ଗଛକୁ ନକାଟିବା ପାଇଁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମତ

ୟୁପି ସରକାର ନିଜର ଏକ ଅଭିନବ ମତ ରଖିଛନ୍ତି ।  ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମତରେ କେବଳ ୪ଟି ପ୍ରଜାତିର ଗଛକୁ ନକାଟିବା ପାଇଁ ସୂଚି ପ୍ରସ୍ତୁତ କରିଛନ୍ତି । ଏହାର ଅର୍ଥ ହେଲା ଏହି ତାଲିକାରେ ଥିବା ୪ଟି ପ୍ରଜାତିର ଗଛକୁ ଛାଡ଼ିଦେଲେ କୃଷକ ତାଙ୍କ ଇଚ୍ଛାରେ ଯେକୌଣସି ଗଛକୁ  କାଟିପାରିବେ ।

ବନ ବିଭାଗ କୃଷକଙ୍କ ଲାଭ ପାଇଁ ଘୋଷଣା କରିଥିବା ବନ ନୀତି -୨୦୧୭ରେ ବଡ଼ ପରିବର୍ତ୍ତନ କରାଯାଇଛି । ଏହି ନିତୀ ମୁତାବକ ବନ ବିଭାଗ ୟୁପିରେ ୪ ପ୍ରକାରର ଗଛକୁ ଛାଡ଼ି ଅନ୍ୟ ଗଛକୁ କାଟିବା ଉପରେ ରୋକ ହଟାଇ ଦେଇଛନ୍ତି । ଏବେ କେବଳ ଆମ୍ବ, ନିମ୍ବ, ଶାଳ ଓ ମହୁଲ ଗଛ କାଟିବା ଉପରେ ପ୍ରତିବନ୍ଧ ଲଗାଯାଇଛି । ସରକାରଙ୍କ ନିର୍ଦ୍ଦେଶ ମୁତାବକ ଏହି ଗଛ ଗୁଡ଼ିକ ନିଜେ ନଶୁଖିବା ପର୍ଯ୍ୟନ୍ତ କଟାଯିବ ନାହିଁ ।

ସୂଚନାଯୋଗ୍ୟ ଗତ ବର୍ଷ ଅଖିଲେଶ ସରକାର ଶାସନରେ ଥିବା ବେଳେ ରାଜ୍ୟର ପାଖାପାଖି ୫ କୋଟି ଗଛ ଲଗାଯାଇଥିଲା । ଅଉ ସେ ସମୟରେ ସରକାରଙ୍କ ଏପରି ଏକ ଉତ୍ତମ ପଦକ୍ଷେପକୁ ‘ଗିନିଜ ବୁକ ଅଫ୍ ୱାଲ୍ଡ’ ରେକର୍ଡ଼ରେ ସାମିଲ ହୋଇଥିଲା । ଆଉ ଏନେଇ ଅନେକ ପ୍ରଶଂସାର ପାତ୍ର ହୋଇଥିଲେ ଅଖିଲେଶ ସରକାର ।

ଆଜିକାଲିର ପ୍ରଦୂଷଣ ସମସ୍ୟା ଯେପରି ଭାବରେ ବଢୁଛି ତାହାତ ସମସ୍ତଙ୍କୁ ଜଣା ।  ଜନସଂଖ୍ୟା ବଢ଼ିବା ସାଙ୍ଗକୁ ତା ସହିତ ତାଳ ଦେଇ କାରଖାନା, ଗାଡ଼ି ମୋଟର ସଂଖ୍ୟା ମଧ୍ୟ ବଢ଼ୁଛି । ଘରଦ୍ଵାର, ରାସ୍ତାଘାଟ ଏବୋଂ ଆହୁରି ବହୁତ ଜିନିଷ ପାଇଁ ଗଛ କଟାଯାଉଛି । ତେଣୁ ତେଣୁ ପ୍ରଦୂଷଣ କମିବା ପରିବର୍ତ୍ତେ ବଢ଼ିବାରେ ଲାଗିଛି ।ତେବେ ପ୍ରଦୂଷଣରୁ ରକ୍ଷା ପାଇବାର ସବୁଠାରୁ ଉତ୍ତମ ମାଧ୍ୟମ ହେଲା ବୃକ୍ଷ । ପ୍ରଦୂଷଣ କମାଇବା ପାଇଁ ଓ ଗଛ ଲଗାଇବା ପାଇଁ ଅନେକ ସଚେତନତା ବାର୍ତ୍ତା ମଧ୍ୟ ପ୍ରଚାର କରାଯାଉଛି କିନ୍ତୁ କିଛି ସୁଫଳ ମିଳୁନାହିଁ । ପରିବେଶ ପ୍ରଦୂଷଣ ଯୋଗୁଁ ଜଳବାୟୁ ପରିବର୍ତ୍ତନ, ବାୟୁମଣ୍ଡଳରେ ଉଷ୍ଣତା ବୃଦ୍ଧି, ବହୁ ପ୍ରାକୃତିକ ବିପର୍ଯ୍ୟୟ ସହ ଜୀବନ ଜୀବିକା ବିଶେଷ ଭାବେ ପ୍ରଭାବିତ ହେଉଛି । ତେବେ ପରିବେଶକୁ ରକ୍ଷା କରିବା ପାଇଁ ଅଧିକରୁ ଅଧିକ ଗଛ ଲାଗାଯିବା ଉପରେ ଜୋର ଦିଆଯାଉଛି ।

ବର୍ତ୍ତମାନ ସମୟରେ ଯୋଗୀ ସରକାରଙ୍କ ଏପରି ପଦକ୍ଷେପ ଯୋଗୁଁ ପ୍ରଦୂଷଣ ମାତ୍ରା ବଢ଼ିବ ନିଶ୍ଚିତ ହୋଇଯାଇଛି । ଅନ୍ୟପଟେ ବୃକ୍ଷରୋପଣକୁ ଉତ୍ସାହିତ କରୁଥିବା ସଂସ୍ଥା ଗୁଡ଼ିକ ସରକାରଙ୍କ ଏପରି ଅଜବ ନୀତି ଯୋଗୁଁ ବହୁତ ନିରାଶ ଅଛନ୍ତି । ସରକାରଙ୍କ ଏପରି ନୀତି ଯୋଗୁଁ କୃଷକ କେତେ ମାତ୍ରାରେ ଲାଭବାନ ହେବେ ସେକଥା ଆପଣ ଅନୁମାନ କରିପାରୁଥିବେ ।

୪ଟି ପ୍ରଜାତିର ଗଛକୁ ନକାଟିବା ପାଇଁ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ମତ

ପଢନ୍ତୁ, ଆଜିର ରାଶିଫଳ

Related posts

ମୁକୁଳା ଡ୍ରେନ ନେଲା ଜୀବନ, ସ୍ତ୍ରୀଙ୍କ ସାମ୍ନାରେ ଭାସିଗଲେ ସ୍ଵାମୀ

ENO Beuro

ନଭେମ୍ବର ପହିଲାରୁ ୫୬ଟି ଟ୍ରେନ୍‌ର ସମୟ ବଦଳିବ – ପୂର୍ବତଟ ରେଳପଥ

ENO Beuro

ଅନ୍ତର୍ଜାତୀୟ ଫ୍ୟାସନ ପ୍ରତିଯୋଗିତାରେ ଓଡିଆ ଝିଅ କ୍ରିସିତା ଚାମ୍ପିଅନ୍‌!

ENO Beuro

2 comments

Leave a Comment