News

ଅନ୍ତିମ ଯାତ୍ରାରେ ଅଟଳ,ଦିଲ୍ଲୀସ୍ଥିତ ବାସଭବନରୁ ବାହାରିଲା ବାଜପେୟୀଙ୍କ ପାର୍ଥିବ ଶରୀର

ଆଜି ହେବ ଅନ୍ତିମ ସଂସ୍କାର

ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ଅଶ୍ରୁଳ ବିଦାୟ ଦେଉଛି ସାରା ଦେଶ । ତାଙ୍କ ଦିଲ୍ଲୀସ୍ଥିତ ବାସଭବରେ ଶେଷ ଦର୍ଶନ କରୁଛନ୍ତି ବହୁ ବିଶିଷ୍ଟ ବ୍ୟକ୍ତି । ସକାଳ ୯ଟାରେ ତାଙ୍କ ପାର୍ଥିବ ଶରୀର ପହଞ୍ଚିବ ବିଜେପି ଦଳୀୟ କାର୍ୟ୍ୟାଳୟରେ । ସେଠାରେ ଦଳୀୟ କର୍ମକର୍ତ୍ତା ଅନ୍ତିମ ଦର୍ଶନ କରିବା ପରେ ଦିନ ଗୋଟାଏରୁ ଶେଷ ଶୋଭଯାତ୍ରା ବାହାରିବ । ଅପରାହ୍ଣ ୪ଟାରେ ଶେଷକୃତ୍ୟ ସଂପନ୍ନ ହେବ।

atal

ସ୍ମୃତିସ୍ଥଳରେ ବାଜପେୟୀଙ୍କ ଅନ୍ତିମ ସଂସ୍କାର ଏକ ଉଚ୍ଚା ସ୍ଥାନରେ କରାଯିବ । ଯାହାର ଚାରିପଟ ସବୁଜିମାରେ ପୂର୍ଣ୍ଣ ଥିବ । ଜବାହାରଲାଲ୍ ନେହେରୁଙ୍କ ସ୍ମାରକ ଶାନ୍ତିବନ ଓ ଲାଲ ବାହାଦୂର ଶାସ୍ତ୍ରୀଙ୍କ ବିଜୟଘାଟ ମଝିରେ ରହିଛି ସ୍ମୃତିସ୍ଥଳ । ପୂର୍ବତନ ପ୍ରଧାନମନ୍ତ୍ରୀ ଆଇ.କେ ଗୁଜରାଲଙ୍କର ଅନ୍ତିମ ସଂସ୍କାର ଯମୁନା ନଦୀକୂଳରେ ୨୦୧୨ରେ ସ୍ମୃତିସ୍ଥଳରେ କରାଯାଇଥିଲା । ବାଜପେୟୀଙ୍କର ଅନ୍ତିମ ସଂସ୍କାର ମଧ୍ୟ ସ୍ମୃତି ସ୍ଥଳରେ କରାଯିବ, ଯାହାକି ଦେଶର ପ୍ରଥମ ପ୍ରଧାନମନ୍ତ୍ରୀ ଓ ଦ୍ୱିତୀୟ ପ୍ରଧାନମନ୍ତ୍ରୀଙ୍କ ସ୍ମାରକ ମଝିରେ ରହିଛି।

ଦେଶର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଆମ ସମସ୍ତଙ୍କୁ ଛାଡି ଚାଲି ଯାଇଛନ୍ତି । ଏହା ସହ ଭାରତୀୟ ରାଜନୀତିର ଗୋଟିଏ ଯୁଗର ଅବସାନ ଘଟିଛି । ଦେଶ ଜଣେ ମହାନ ରାଷ୍ଟ୍ରନାୟକ ତଥା ଜଣେ ଲୋକପ୍ରିୟ ଜନନେତାଙ୍କୁ ହରାଇଛି । ଗତ ସଂଧ୍ୟାରେ ଏହି ଖବର ଆସିବା ପରେ ଥମିଯାଇଛି ସାରା ଦେଶ, ସ୍ତବ୍ଧ ହୋଇଯାଇଛନ୍ତି ଦେଶବାସୀ । ସାରା ଦେଶରେ ଶୋକର ଛାୟା ଖେଳି ଯାଇଛି । କୋଟି କୋଟି ଭାରତୀୟଙ୍କ ଆଖିରେ ଜକେଇ ଆସିଛି ଲୁହ । ସମସ୍ତଙ୍କ ମୁହଁରେ ଗୋଟିଏ ସ୍ୱର ଅଟଳ ବିହାରୀ ଅମର ରହେ।

vajpayee

ପଢନ୍ତୁ; ଚିରନିଦ୍ରାରେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଏକ ଯୁଗର ଅନ୍ତ

Related posts

ଇଣ୍ଡୋନେସିଆର ବାଲିଦ୍ୱୀପରେ ଆଗ୍ନେୟଗିରି ଉଦ୍‌ଗୀରଣ, ହାଇ ଆଲର୍ଟ ଜାରି କଲା ପ୍ରଶାସନ

ENO Beuro

ଆତ୍ମଘୋଷିତ ବାବା ଦାତି ମହରାଜଙ୍କ ବିରୋଧରେ ମାମଲା

ENO Beuro

ଶ୍ରେଷ୍ଠ ଡିଜିଟାଲ୍‌ ପରିବେଶ ସଂପନ୍ନ ସହର ତାଲିକାରେ ବିଶ୍ୱର ସ୍ତରରେ ବେଙ୍ଗାଲୁରୁ ପ୍ରଥମ

ENO Beuro

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More