ଋଷର ମେଜର ଜେନେରାଲଙ୍କୁ ହତ୍ୟା କଲା ୟୁକ୍ରେନ ସେନା

ଋଷ ସେନାକୁ କଡ଼ା ଟକ୍କର ଦେଉଛି ୟୁକ୍ରେନ । ଜଣେ ମେଜର ଜେନେରାଲଙ୍କୁ ହତ୍ୟା କଲା ୟୁକ୍ରେନ ସେନା ।  ବେଟାଲି ଗେରାସିମବଙ୍କ ମୃତ୍ୟୁ ହୋଇଥିବା ନେଇ ୟୁକ୍ରେନର ଦାବି । ପ୍ରତିରକ୍ଷା ମନ୍ତ୍ରାଳୟର ଗୁଇନ୍ଦା ନିର୍ଦ୍ଦେଶାଳୟ ସୂତ୍ରରୁ ସୂଚନା ଦେଇଛି ‘ଦି କିଭ ଇଣ୍ଡିପେଣ୍ଡେଂଟ’ ।ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧା ଜାରି ରହିଛି । ଯୁଦ୍ଧର ସମାପ୍ତି ପାଇଁ ଏହାରି ଭିତରେ ତିନି ଥର ବୈଠକ ବସିଛି । ହେଲେ କୌଣସି ନିର୍ଯ୍ୟାସ ବାହାରିନି । ଗତକାଲି ତୃତୀୟ ପର୍ଯ୍ୟାୟ ପାଖାପାଖି ୩ ଘଂଟା ଧରି ଚାଲିଥିଲା । ହେଲେ କୌଣସି ନିଷ୍କର୍ସ ବାହାରି ପାରିନାହିଁ । ଏହାରି ଭିତରେ ମାର୍ଚ୍ଚ ୧୦ରେ ତୁର୍କୀରେ ବୈଠକ ବସିବ ବୋଲି ଜଣାପଡିଛି । ଏହି ବୈଠକରେ ଋଷ ଏବଂ ୟୁକ୍ରେନର ବୈଦେଶିକ ମନ୍ତ୍ରୀ ଉପସ୍ଥିତ ରହିବେ ବୋଲି ଜଣାପଡିଛି । ତୁର୍କୀର ବୈଦେଶିକ ମନ୍ତ୍ରୀ ମେବଲୁତ କାବୁସୋଗ୍ଲ ଏହି ସୂଚନା ଦେଇଛନ୍ତି । ଏହି ବୈଠକ ତୁର୍କିର ଅନ୍ତାଲ୍ୟାରେ ବସିବ ବୋଲି ଜଣାପଡିଛି । ରିପୋର୍ଟ ମୁତାବିକ୍ ଋଷ ଏବଂ ୟୁକ୍ରେନ ଉପରେ ଆକ୍ରମଣ ପରେ ପ୍ରଥମ ଥର ପାଇଁ ଦୁଇ ଦେଶର ନେତାଙ୍କୁ ଏକାଠି କରି ଅନ୍ୟ ଏକ ଦେଶ ବୈଠକ କରିବାକୁ ଯାଉଛି ।