ଆସିଲା ଭିସୁଟ ଛାତ୍ରୀ ଚିନ୍ମୟୀଙ୍କ ପୋଷ୍ଟମର୍ଟମ ରିପୋର୍ଟ, ପାଣିରେ ବୁଡି ଯାଇଛି ଜୀବନ

ବୁର୍ଲା ଭିସୁଟର ପୂର୍ବତନ ଛାତ୍ରୀ ଚିନ୍ମୟୀ ସାହୁଙ୍କର ଆସିଲା ଭିସୁଟ ଛାତ୍ରୀ ଚିନ୍ମୟୀଙ୍କ ପୋଷ୍ଟମର୍ଟମ। ବେକରେ ଥିବା ଦାଗ ଶ୍ବାସରୁଦ୍ଧ ଜନିତ ନୁହେଁ । ତାଙ୍କ ଦେହରେ ଥିବା ୬ଟି ଚିହ୍ନ ପାଣିରେ ବୁଡ଼ିଯିବା ବେଳେ କୌଣସି କାରଣରୁ ହୋଇ‌ଥାଇପାରେ ବୋଲି ପୋଲିସ କହିଛି । ପାଣିରେ ବୁଡି ଚିନ୍ମୟୀଙ୍କ ଜୀବନ ଯାଇଥିବା ସ୍ପଷ୍ଟ କରିଛନ୍ତି ସମ୍ବଲପୁର ଏସପି ବି. ଗଙ୍ଗାଧର । ଚିନ୍ମୟୀଙ୍କ ମୃତ୍ୟୁ ପରେ ଏହା ଏକ ହତ୍ୟା ବୋଲି ସନ୍ଦେହ କରାଯାଉଥିଲା। ଏହି ଘଟଣାରେ ଚିନ୍ମୟୀ ସାହୁଙ୍କ ଦୁଇ ପୁରୁଷ ବନ୍ଧୁ ପ୍ରୀତିମାନ ଦେ ଓ ମାନସ ଟୁଡ଼ୁଙ୍କୁ ପୋଲିସ ହେପାଜତକୁ ନେବା ସହ ନାର୍କୋ ଟେଷ୍ଟ ମଧ୍ୟ କରଯାଇଥିଲା।ଏହି ଘଟଣାରେ ପ୍ରୀତିମାନ ଓ ମାନସଙ୍କୁ ଘଟଣାସ୍ଥଳକୁ ନେଇ ପୋଲିସ କ୍ରାଇମ୍ ସିନ୍ ରିକ୍ରିଏସନ୍ କରିଥିବା ସୂଚନା ମିଳିଛି। ଆଇଜିଙ୍କ ଉପସ୍ଥିତିରେ ରାତି ଅଧରେ କ୍ରାଇମ୍ ସିନ୍ ରିକ୍ରିଏସନ୍ କରାଯାଇଥିବା ଜଣାପଡ଼ିଛି। କେମିତି ଓ କ’ଣ ଘଟିଥିଲା ସେ ବିଷୟରେ ସେଠାରେ ପୁଲିସକୁ ଡେମୋ ଦେଖାଇଥିଲେ। ପୋଷ୍ଟମର୍ଟମ ରିପୋର୍ଟ ପରେ ଦୁଇ ପୁରୁଷ ବନ୍ଧୁ ପ୍ରୀତିମାନ ଦେ ଓ ମାନସ ଟୁଡ଼ୁଙ୍କୁ ନୋଟିସ୍ ଦେଇ ଆଜି ଛାଡ଼ି ଦିଆଯିବ। ଆବଶ୍ୟକ ପଡ଼ିଲେ ଉଭୟଙ୍କୁ ପୁଣି ଥାନାକୁ ଡକାଯିବ। ସେଥିପାଇଁ ଉଭୟଙ୍କୁ ୭ ଦିନ ଯାଏ ବୁର୍ଲାରେ ରହିବାକୁ ନି‌‌ର୍ଦେଶ ଦିଆଯାଇଛି।

ସୂଚନାନୁଯାୟୀ, ବୁର୍ଲା ଭିସୁଟ୍‌ରପୂର୍ବତନ ଛାତ୍ରୀ ପାୱାର ଚାନେଲ୍‌ ବ୍ରିଜ୍‌ରୁ ଡେଇଁ ଆତ୍ମହତ୍ୟା କରିଥିଲେ ଓ ଘଟଣାର ୧୨ ଘଣ୍ଟା ପରେ ଚିନ୍ମୟୀ ପ୍ରିୟଦର୍ଶିନୀଙ୍କ ମୃତଦେହ। ମୃତ୍ୟୁର କିଛି ସମୟ ପୂର୍ବରୁ ଚିନ୍ମୟୀ ତାଙ୍କ ବନ୍ଧୁମାନଙ୍କ ସହ ଏକ ଢାବାରେ ଖାଉଥିବା ସମୟର ସିସିଟିଭି ଫୁଟେଜ ମିଳିଛି । ସିସିଟିଭି ଫୁଟେଜରେ ସମସ୍ତେ ନିଶା ସେବନ କରୁଥିବା ଦେଖାଯାଉଛି ।