LIFESTYLE

ଜାଣନ୍ତୁ ,କେଉଁ କେଉଁ ଖାଦ୍ୟ ଖାଇଲେ ଆପଣ ହୋଇପାରନ୍ତି ମାଇଗ୍ରେନର ଶିକାର

ଯାଣନ୍ତୁ, କେଉଁ କେଉଁ ଖାଦ୍ୟ ଖାଇଲେ ଆପଣ ହୋଇପାରନ୍ତି ମାଇଗ୍ରେନ ର ଶିକାର

ମାଇଗ୍ରେନ ପୀଡିତ ବ୍ୟକ୍ତି ଯଦି ନିୟମିତ ଭାବେ ଡବା ଖାଦ୍ୟ ଖାଉଥାନ୍ତି କିମ୍ବା ମାତ୍ରାଧିକ ମଦ୍ୟପାନ କରୁଥାନ୍ତି , ତେବେ ସେମାନଙ୍କୁ ଭୀଷଣ ମୁଣ୍ଡବିନ୍ଧାର ସମ୍ମୁଖୀନ ହେବାକୁ ପଡିପାରେ। ଜଣେ ଭାରତୀୟ ବଂଶୋଦ୍ଭବ ବୈଜ୍ଞାନିକ ସମେତ ଗବେଷକମାନେ ଏହା ଜାଣିବାକୁ ପାଇଛନ୍ତି । ଏହି ଅବସ୍ଥାକୁ ସମ୍ଭାଳିବାରେ କମ ଚର୍ବିଯୁକ୍ତ ଖାଦ୍ୟ ସହାୟକ ହୋଇପାରେ ବୋଲି ମଧ୍ୟ ଅଧ୍ୟୟନରୁ ଜଣାପଡିଛି । ଖାଦ୍ୟପେୟ ମାଧ୍ୟମରେ ମୁଣ୍ଡବିନ୍ଧା ଦୂର କରିବାର ଦୁଇଟି ଦୃଷ୍ଟିକୋଣ ଦିଆଯାଇଛି ।

ଆମେରିକାର ସିନସିନାତି ଇଉନିଭର୍ସିଟିର ପ୍ରଫେସର ଭିନସେଣ୍ଟ ମାର୍ଟିନଙ୍କ ଅନୁସାରେ , ପ୍ରଥମଟି ହେଉଛି ମୁଣ୍ଡବିନ୍ଧାକୁ ପ୍ରୋତ୍ସାହନ ଦେଉଥିବା ଖାଦ୍ୟଠୁ ଦୂରେଇବା ଏବଂ ଅନ୍ୟଟି ମୁଣ୍ଡବିନ୍ଧା ପ୍ରତିରୋଧକାରୀ ଖାଦ୍ୟ ଦୈନନ୍ଦିନ ଭୋଜନ ତାଲିକାରେ ସାମିଲ କରିବା ।

head

ଇଉନିଭର୍ସିଟିର ସହ-ପ୍ରଫେସର ବ୍ରିନ୍ଦର ଭିଜଙ୍କ ସମେତ ଗବେଷକମାନେ ମାଇଗ୍ରେନ ଓ ଖାଦ୍ୟ ସମ୍ପର୍କିତ ୧୮୦ରୁ ଅଧିକ ଅଧ୍ୟୟନକୁ ବିଶ୍ଳେଷଣ କରିଥିଲେ । ମାର୍ଟିନଙ୍କ ମତରେ , କ୍ୟାଫିନଥୁ ଦୂରେଇଯିବା ଭୀଷଣ ମୁଣ୍ଡବିନ୍ଧାର ସବୁଠୁ ଗୁରୁତ୍ୱପୂର୍ଣ୍ଣ କାରଣ ।

ଉଦାହରଣ ସ୍ୱରୂପ, ସବୁଦିନ ସକାଳେ ଆପଣ ତିନି ଚାରି କପ କଫି ପିଇ ଆସୁଥିଲେ । କିନ୍ତୁ ଦିନେ ଏହି ରୁଟିନରୁ ସଂପୂର୍ଣ୍ଣ ଓହରିଯିବାକୁ ନିଷ୍ପତି ନେଲେ । ଅର୍ଥାତ, ଆଦୌ କଫି ପିଇଲେନାହିଁ । ସେଦିନ ଭୀଷଣ ମୁଣ୍ଡବିନ୍ଧାର ସମ୍ମୁଖୀନ ହେବାକୁ ପଡିବ ବୋଲି ମାର୍ଟିନ କହିଛନ୍ତି । ଅତ୍ୟଧିକ କଫି ମଧ୍ୟ ଏହି ସମସ୍ୟାର କାରଣ ହୋଇପାରେ । ତେଣୁ ତାଙ୍କ ମତରେ ଦିନକୁ ଏକ କପ କଫି ମାଇଗ୍ରେନ ରୋଗୀଙ୍କ ପାଇଁ ଯଥେଷ୍ଟ । ମାର୍ଟିନ କହନ୍ତି , ମାତ୍ରାଧିକ କଫି ମୁଣ୍ଡବିନ୍ଧା ସହିତ ଚିନ୍ତା ଓ ଅବସାଦ କାରଣ ହୋଇପାରେ ।

ମାଇଗ୍ରେନର ଅନ୍ୟତମ ମୁଖ୍ୟ କାରଣ ମଦ୍ୟପାନ । ଫ୍ରୋଜେନ କିମ୍ବା ଡବା ଖାଦ୍ୟ, ସୁପ , ସସ , ଆଦି ମଧ୍ୟ ମାଇଗ୍ରେନ ପାଇଁ ଦାୟୀ । ଏହା ବଦଳରେ ତାଜା ଫଳ , ପନିପରିବା, ତାଜା ମାଂସ ଖାଦ୍ୟ ତାଲିକାରେ ସାମିଲ କରିବା ଉଚିତ ।

ପଢନ୍ତୁ, ସାଧାରଣ ନିତ୍ୟ ବ୍ୟବହାର୍ଜ୍ୟ ସାମଗ୍ରୀ ଉପରେ ପଡିବ ଜିଏସଟି ର ପ୍ରଭାବ

Related posts

ରକ୍ତହୀନତା ଦୂର କରେ କସୁରୀ ମେଥି! ଜାଣନ୍ତୁ ଏହାର ଫାଇଦା ସମ୍ପର୍କରେ

ENO Beuro

ଅସନ୍ତୁଳିତ ପ୍ରକ୍ରିୟାରେ ଯୋଗ କଲେ ଶରୀର ଉପରେ କ’ଣ ପ୍ରଭାବ ପଡେ ଜାଣନ୍ତୁ

ENO Beuro

ଶରୀରରେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିଥାଏ ଗୋଲାପ ପାଖୁଡା! ଜାଣନ୍ତୁ ଏହାର ଔଷଧୀୟ ଗୁଣ ସମ୍ପର୍କରେ

ENO Beuro

Leave a Comment