EnewsOdia.Com

କୋଚିରେ ବେଆଇନ କୋଠା ଭଙ୍ଗାହେବାପରେ ଏବେ ଭୁବନେଶ୍ୱର ଚିନ୍ତା

କେରଳର କୋଚି ସମ୍ବେଦନଶୀଳ ଅଞ୍ଚଳରେ ବେଆଇନ କୋଠା ଭଙ୍ଗାଯିବା ପରେ ଏବେ ଭୁବନେଶ୍ୱର ଚିନ୍ତା। କାରଣ ରାଜଧାନୀର ଛାତି ଉପରେ ବି ବେଆଇନ୍ ଭାବେ ଛିଡ଼ା ହୋଇଛି ଏମିତି ଅନେକ ଆପାର୍ଟମେଣ୍ଟ। କ’ଣ ହେବ ସେମାନଙ୍କ ଭବିଷ୍ୟତ? ଏସବୁକୁ ବି ବିସ୍ଫୋରକ ଦ୍ୱାରା ଭାଙ୍ଗିବ କି ବିଡିଏ? ଏହାକୁ ନେଇ ବିଲଡରଙ୍କ ଛାତିରେ ଛନକା ପଶିଛି। ବିଶାଲ ଦେବ ବିଡିଏର ଉପାଧ୍ୟକ୍ଷ ଥିବା ସମୟରେ ସହରର ଛୋଟ ବଡ଼ ପ୍ରାୟ ୧୪୭ଟି ବେଆଇନ୍ କୋଠାକୁ ମାଟିରେ ମିଶାଇବାକୁ ନିଷ୍ପତ୍ତି ହୋଇଥିଲା। ଏପରିକି ଇମ୍ପ୍ଲୋଜନ ମେଥଡରେ କୋଠା ଭାଙ୍ଗୁଥିବା ସଂସ୍ଥା ସହ ମଧ୍ୟ ଯୋଗାଯୋଗ ବି କରିଥିଲା ବିଡିଏ। ହେଲେ ଆଜି ଯାଏ ଗୋଟିଏ ବି ଭଙ୍ଗା ଯାଇନି।

ମିଳିଥିବା ସୂଚନା ଅନୁସାରେ ଭୁବନେଶ୍ୱରରେ ବିଡିଏ ପକ୍ଷରୁ ପ୍ରାୟ ୬ ହଜାରରୁ ଅଧିକ ବେଆଇନ୍ ନିର୍ମାଣ ମାମଲା ରୁଜୁ ହୋଇଛି। ସେଥିମଧ୍ୟରୁ ୪୩୭ଟି  ବେଆଇନ୍ ଉଚ୍ଚ ଅଟ୍ଟାଳିକା ରହିଛି। ଏଥିସହ ସଂଶ୍ଲିଷ୍ଟ ୪୨୩ ଜଣ ବିଲଡରଙ୍କ ବିରୋଧରେ ମାମଲା ବି ରୁଜୁ ହୋଇଛି। ତେବେ ବିଭିନ୍ନ କୋର୍ଟରେ ମାମଲା ବିଚାରାଧୀନ ଥିବାରୁ କାର୍ଯ୍ୟାନୁଷ୍ଠାନରେ ବାଧା ଉପୁଜୁଥିବା ବିଡିଏ ଉପାଧ୍ୟକ୍ଷ ପ୍ରେମଚନ୍ଦ୍ର ଚୌଧରୀ ଗଣମାଧ୍ୟମକୁ କହିଛନ୍ତି। ଦରକାର ପଡ଼ିଲେ କୋଚି ଭଳି ଏଠି ବି ଇମ୍ପ୍ଲୋଜନ ମେଥଡରେ ବିଲ୍‌ଡିଂ ଭଙ୍ଗାଯିବ ବୋଲି ସେ ସୂଚନା ଦେଇଛନ୍ତି। ଟାଉନ ପ୍ଲାନରଙ୍କ କହିବା କଥା ହେଉଛି ଯେ, ଯଦି ଭୁବନେଶ୍ୱରରେ ଏତେ ସଂଖ୍ୟକ ବେଆଇନ୍ କୋଠାକୁ ଚିରାଚରିତ ଢଙ୍ଗରେ ଭାଙ୍ଗିବାକୁ ବିଡିଏ ପଦକ୍ଷେପ ନିଏ, ତେବେ ବର୍ଷ ବର୍ଷ ଲାଗିଯିବ। ତେଣୁ ବର୍ତମାନ ସମୟରେ କୋଚି ଭଳି ଭୁବନେଶ୍ୱରରେ ବି ଇମ୍ପ୍ଲୋଜନ ମେଥଡରେ କୋଠା ଭଙ୍ଗାଯିବାର ଆବଶ୍ୟକତା ରହିଛି।

ପଢନ୍ତୁ: ଏକାଦଶ ପରୀକ୍ଷା ପାସ୍‌ କଲେ ଦ୍ୱାଦଶ ଶ୍ରେଣୀକୁ ଯିବେ ଛାତ୍ରଛାତ୍ରୀ

ସମ୍ବନ୍ଧିତ ଖବର

ମୋଦି ସରକାରଙ୍କ ଫୋକସ୍‌ରେ CCC

Ratnamani Maharana

‘କାଳିଆ’ ଟଙ୍କା ପାଉଛନ୍ତି ପୂର୍ବତନ ବିଧାୟକଙ୍କ ବୋହୂ

Ratnamani Maharana

ନଭେମ୍ୱର ୩୦ ପର୍ଯ୍ୟନ୍ତ ଅଫର ଅବଧି ବଢ଼ାଇଲା ଜିଓ

Ratnamani Maharana

ଦଳରେ ଗୌଣ ହେଉଛନ୍ତି ବିଧାୟକ-ମନ୍ତ୍ରୀ, ସିଏମଓ ଏବେ ସବୁକିଛି

Ratnamani Maharana

ନଭେମ୍ବରରେ ମିଳିବ କାଳିଆ ଦ୍ୱିତୀୟ କିସ୍ତି

Ratnamani Maharana

ଚାଲାଣ କାଟିବାପରେ ମୁହଁ ଖୋଲିଲେ ବାବୁସାନ

Ratnamani Maharana