• Home
  • News
  • ରସଗୋଲା ଉତ୍ପତ୍ତି ବିବାଦ ପୁଣି ଥରେ ନୂଆ ମୋଡ ନେଇଛି, ଏବେ ମାମଲା ଯିବ କୋର୍ଟକୁ
News

ରସଗୋଲା ଉତ୍ପତ୍ତି ବିବାଦ ପୁଣି ଥରେ ନୂଆ ମୋଡ ନେଇଛି, ଏବେ ମାମଲା ଯିବ କୋର୍ଟକୁ

କିଛି ଦିନ ଧରି ଥଣ୍ଡା ପଡ଼ିଥିବା ରସଗୋଲା ଉତ୍ପତ୍ତି ବିବାଦ ପୁଣି ଥରେ ନୂଆ ମୋଡ ନେଇଛି । ପଶ୍ଚିମବଙ୍ଗ ଖାଦ୍ୟ ପ୍ରକ୍ରିୟାକରଣ ମନ୍ତ୍ରୀ କହିଛନ୍ତି, ରସଗୋଲା ବାବଦରେ ଓଡିଶାର ଯୁକ୍ତିକୁ ସେ ଛାଡିବେ ନାହିଁ । ସେ କହିଛନ୍ତି, ରସଗୋଲା ଆମର ଓ ଆମେ ଏହାକୁ ନେଇ ଖୁବ୍ ଶିଘ୍ର କୋର୍ଟକୁ ଯିବାକୁ ଚେତାବନୀ ଦେଇଛନ୍ତି ।

ପଶ୍ଚିମବଙ୍ଗ ସରକାର ସ୍ଥାନୀୟ ରସଗୋଲାକୁ ଜିଆଇର ମାନ୍ୟତା ଦେବା ପାଇଁ ଚେନ୍ନାଇସ୍ଥିତ ଭାରତୀୟ ଭୌତ୍ତିକ ସଂପତ୍ତି କାର୍ୟ୍ୟାଳୟରେ ଏଥିପାଇଁ ଆବେଦନ କରିସାରିଛନ୍ତି । ତେବେ ରାଜ୍ୟ ସରକାର ଓଡ଼ିଶାରେ ରସଗୋଲାର ଉତ୍ପତ୍ତିକୁ ନେଇ ବିଜ୍ଞାନ ଓ ବୈଷୟିକ ବିଭାଗକୁ ଦାୟିତ୍ୱ ଦେଇଥିଲେ। ବିଭାଗ ପକ୍ଷରୁ ଏଥିପାଇଁ କମିଟି ଗଠନ କରାଯାଇ ରସଗୋଲାର ଉତ୍ପତ୍ତି ସଂପର୍କରେ ଖୋଳତାଡ଼ ଆରମ୍ଭ ହୋଇଥିଲା । କମିଟି ପକ୍ଷରୁ ବର୍ଷେ ହେବ ରସଗୋଲାର ଉତ୍ପତ୍ତି ସଂପର୍କିତ ଐତିହାସିକ ପ୍ରମାଣ ଦେଇଥିଲେ ହେଁ, ସରକାର ଏହା ଉପରେ ବିଶେଷଭାବେ ଆଗେଇ ନ ଥିଲେ। ବରଂ ବିଜ୍ଞାନ ଓ ବୈଷୟିକ ବିଭାଗ ଏହି ଦାୟିତ୍ୱ ପୁଣିଥରେ ଶିଳ୍ପ ବିଭାଗକୁ ହସ୍ତାନ୍ତର କରିଥିବା ଜଣାପଡ଼ିଛି ।

ରସଗୋଲାକୁ  ନେଇ ଓଡ଼ିଶାର ଅନେକ ପ୍ରମାଣ ରହିଛି । ଜଗନ୍ନାଥ ମନ୍ଦିରରେ ରସଗୋଲାର ବ୍ୟବହାର ଅନେକ ଶତାବ୍ଦୀ ତଳୁ ହୋଇ ଆସୁଛି । ତେବେ ଏହା କେବେ ଆରମ୍ଭ ହେଲା ତାହା ବାବଦରେ କୌଣସି ସଠିକ ପ୍ରମାଣ ନାହିଁ । ରଥଯାତ୍ରା ସମୟରେ ଅଭିମାନିନୀ ଲକ୍ଷ୍ମୀଙ୍କ ମାନଭଞ୍ଜନ ପାଇଁ ଜଗନ୍ନାଥ ତାଙ୍କୁ ଏହି ରସଗୋଲାକୁ ଖୁଆଇବା ବିଧି ବଡ଼ଦେଉଳରେ ୬୦୦ରୁ ଅଧିକ ବର୍ଷର ପୁରୁଣା ।

ସେହିପରି ସାହିତ୍ୟିକ ତଥା ଗବେଷକ ଅସିତ ମହାନ୍ତିଙ୍କ ସୂଚନା ଅନୁଯାୟୀ ବଳରାମ ଦାସଙ୍କ ୫ବର୍ଷ ପୁରୁଣା ଦାଣ୍ଡି ରାମାୟଣରେ ରସଗୋଲାର କଥା ଉଲ୍ଲେଖ ରହିଛି । ପଶ୍ଚିମବଙ୍ଗ ସରକାର ରସଗୋଲା ଉତ୍ପତ୍ତି ୧୮୬୮ ବୋଲି କହୁଥିବାବେଳେ କାହାର ରସଗୋଲା ପୁରୁଣା ତାକୁ ଜିଆଇ ମାନ୍ୟତା ଦେବା ଆବଶ୍ୟକ । ପଶ୍ଚିମବଙ୍ଗ ନିଜର ଦେଢଶହ ବର୍ଷ ତଳର ରସଗୋଲାପାଇଁ ଓଡ଼ିଶାର ୫ଶହ ବର୍ଷ ପୁରୁଣା ଖାଦ୍ୟ ସଂସ୍କୃତି ଐତିହ୍ୟ ଓ ପରମ୍ପରାକୁ ମୋଡ଼ି ମକଚି ଦେବାକୁ ବସିଛି । ଗତବର୍ଷ ଜୁଲାଇ ମାସରୁ ରସଗୋଲାର ପ୍ରମାଣ ଓଡ଼ିଶା ସରକାରଙ୍କୁ ଦିଆଯାଇଥିବାବେଳେ ସରକାର କାଗଜପତ୍ର ପ୍ରସ୍ତୁତ ପାଇଁ ଏକ ସଂସ୍ଥାକୁ ଦାୟିତ୍ୱ ଦିଆଯାଇଛି ।

ସୂଚନା ଯୋଗ୍ୟ ଯେ, ୨୦୧୫ରେ ଓଡ଼ିଶା ଓ ପଶ୍ଚିମବଙ୍ଗ ସରକାର ରସଗୋଲା ପାଇଁ ମୁହାଁମୁହିଁ ହୋଇଥିଲେ । ପଶ୍ଚିମବଙ୍ଗ ଜିଆଇ ମାନ୍ୟତା ପାଇଁ ଆବେଦନ କରିଥିବା ବେଳେ ଓଡ଼ିଶା ସରକାର ଏକ କମିଟି ଗଠନ କରିଥିଲେ ।

ରସଗୋଲା ଉତ୍ପତ୍ତି ବିବାଦ ପୁଣି ଥରେ ନୂଆ ମୋଡ ନେଇଛି, ଏବେ ମାମଲା ଯିବ କୋର୍ଟକୁ  ରସଗୋଲା ଉତ୍ପତ୍ତି ବିବାଦ ପୁଣି ଥରେ ନୂଆ ମୋଡ ନେଇଛି, ଏବେ ମାମଲା ଯିବ କୋର୍ଟକୁ

ପଢନ୍ତୁ, ଆଜି ଓଡିଶା ପହଞ୍ଚିବେ ଉପ-ରାଷ୍ଟ୍ରପତି ଭେଙ୍କୟା ନାଇଡୁ, ପୁଲିସ ପକ୍ଷରୁ ବ୍ୟାପକ ସୁରକ୍ଷା

Related posts

ସିସିଟିଭିରେ କଏଦ୍‌ ହେଲା ମୋବାଇଲ ବିସ୍ଫୋରଣ ଘଟଣା: ହୋଟେଲରେ ଖାଉଥିବା ବେଳେ ଫାଟିଲା ସ୍ମାର୍ଟଫୋନ୍‌

ସିରିଏଲ୍‌ରେ ଆତ୍ମହତ୍ୟା ଦୃଶ୍ୟକୁ ଅନୁକରଣ କରି ଜୀବନ ହାରିଲେ ବାଳିକା

Krishna Kumar Manoj

ନେହେରୁଙ୍କ ସମ୍ବନ୍ଧରେ ଦେଇଥିବା ବିବାଦୀୟ ମନ୍ତବ୍ୟ ପାଇଁ କ୍ଷମା ମାଗିଲେ ଦଲାଇଲାମା

Krishna Kumar Manoj

2 comments

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More