News

ହାତୀ ବଂଶ ବୃଦ୍ଧି ଓ ସେମାନଙ୍କ ସୁରକ୍ଷା ପାଇଁ ପ୍ରତିବର୍ଷ ଅଗଷ୍ଟ ୧୨ ତାରିଖରେ ପାଳିତ ହେଉଛି ବିଶ୍ୱ ହସ୍ତୀ ଦିବସ

ଆଜି ବିଶ୍ୱ ହସ୍ତୀ ଦିବସ।  ସାରା ବିଶ୍ୱରେ ହାତୀ ବଂଶ ବୃଦ୍ଧି ଓ ସେମାନଙ୍କ ସୁରକ୍ଷା ପାଇଁ ପ୍ରତିବର୍ଷ ଅଗଷ୍ଟ ୧୨ ତାରିଖରେ ପାଳିତ ହେଉଛି ହସ୍ତୀ ଦିବସ ।  ପ୍ରଥମ ବିଶ୍ୱ ହସ୍ତୀଦିବସ ୨୦୧୨ ମସିହା ଅଗଷ୍ଟ୧୨ରେ ଆରମ୍ଭ ହୋଇଥିଲା ।

ଦିନକୁ ଦିନ ଜଙ୍ଗଲ ନଷ୍ଟ ହୋଇଥିବା । ଖଣି ଖାଦାନର ବୃଦ୍ଧି ଘଟିବା ଫଳରେ ହାତୀମାନଙ୍କର ବାସସ୍ଥାନରେ ସଙ୍କୁଚିତ ହେଉଛି । ଅସାମାଜିକ ଲୋକେ ମଧ୍ୟ ହାତୀ ଶିକାର କରୁଛନ୍ତି । ଫଳରେ ଦିନକୁ ଦିନ ଏହି ପ୍ରାଣୀର ସଂଖ୍ୟା ଲୋପ ପାଇବାକୁ ବସିଛି । ଏଣୁ ଜନସଚେତନାକୁ ଦ୍ରୁତତର କରିବା ପାଇଁ ବିଶ୍ୱହସ୍ତୀ ଦିବସର ପରିକଳ୍ପନା କରାଯାଇଛି ।

ଏହି ଅବସରରେ ନନ୍ଦନକାନନ ପ୍ରାଣୀ ଉଦ୍ୟାନରେ ସ୍ୱତନ୍ତ୍ର ଆୟୋଜନ କରାଯାଇଛି । ନନ୍ଦନକାନନରେ ଥିବା ହାତୀ ଜୁଲି, କମଳା, ଗୌରୀ, ଚନ୍ଦନ, ହୀରା, ବାସନ୍ତି, ପ୍ରେମାକୁ ପିପିଲିର ସୁନ୍ଦର ଚାନ୍ଦୁଆରେହାତୀଙ୍କୁ ସୁନ୍ଦର ଭାବେ ସଜା ଯାଇଛି । ଆଜି ହାତୀମାନଙ୍କୁ ସୁସଜ୍ଜିତ କରାଯିବା ସହ ସେଓ, କମଳା, ନଡ଼ିଆ, ତରଭୁଜ, କଦଳୀ ଓ ମକା ଆଦି ଖାଇବାକୁ ଦିଆଯାଇଛି ।

ନନ୍ଦନକାନନର ନିର୍ଦ୍ଦେଶକ କୋମଳ ଲୋଚନ ପୁରୋହିତ କହିଛନ୍ତି, “ଆମର ଏଠି ୭ଟି ହାତୀ ଅଛନ୍ତି। ସେମାନଙ୍କୁ ଆଜି ଗାଧୋଇ ପାଧୋଇ ସୁସଜ୍ଜିତ କରାଯାଇଛି। ସେମାନଙ୍କୁ ଖାଇବାକୁ ଦିଆଯାଇଛି। ଏହି ଅବସରରେ ଲୋକେ ହାତୀ ବିଷୟରେ କିଛି ଜାଣନ୍ତି ଓ ହାତୀକୁ ନିଜେ ଖାଇବାକୁ ଦିଅନ୍ତି। ଅନ୍ୟ ଦିନ ଗୁଡ଼ିକରେ ସାଧାରଣ ଲୋକେ ନନ୍ଦନକାନନରେ ଥିବା ହାତୀମାନଙ୍କୁ ଖାଇବାକୁ ଦେଇପାରନ୍ତି ନାହିଁ। କାରଣ ଏଥିପାଇଁ କଟକଣା ରହିଛି। ତେବେ ଆଜିର ଦିନରେ ସେମାନେ ହାତୀକୁ ଖୁଆବାକୁ ସୁଯୋଗ ପାଆନ୍ତି । ଏହା ସହ ହାତୀମାନଙ୍କୁ ନନ୍ଦନକାନନ ତରଫରୁ  ଉପହାର  ମଧ୍ୟ ଦିଆଯାଇଛି। ସ୍କୁଲ ପିଲାଙ୍କୁ ନେଇ ଏକ ଚିତ୍ରାଙ୍କନ ପ୍ରତିଯୋଗିତା ହୋଇଥିଲା। ବିଜୟୀ ଛାତ୍ରଛାତ୍ରୀମାନଙ୍କୁ ପୁରସ୍କାର ପ୍ରଦାନ କରାଯାଇଛି।”

ଆଜି ପ୍ରାଣୀ ଉଦ୍ୟାନରେ ଏକ ସଭାର ଆୟୋଜନ କରାଯାଇଛି । ଏହି ଉତ୍ସବରେ ବିଭିନ୍ନ ସ୍କୁଲର ପିଲାମାନେ ଯୋଗ ଦେଇଛନ୍ତି । ତେବେ ଜଙ୍ଗଲ କ୍ଷେୟ ଯୋଗୁଁ ଜନବସତି ମୁହାଁ ହୋଇଛନ୍ତି ହାତୀପଲ । ଅନେକ ସମୟରେ ହାତୀପଲ ଫସଲ ଜମି ନଷ୍ଟ କରିବା ସହ ଘରଦ୍ୱାର ଭାଙ୍ଗୁଛନ୍ତି ।

ଏମିତିକି ହାତୀ ଆକ୍ରମଣରେ ମଣିଷଙ୍କ ମୃତ୍ୟୁ ହେଉଥିବା ଖବର ସାମ୍ନାକୁ ଆସିଛି । କେତେକ ସ୍ଥାନରୁ ହାତୀ ମୃତ୍ୟୁର ଖବର ବି ଆସିଛି । ହାତୀଙ୍କ ଭିତରେ ଲଢେଇ ହେଉ ବା ବିଦ୍ୟୁତ ସଂସ୍ପର୍ଶରେ ଆସି ବହୁ ହାତୀଙ୍କ ମୃତ୍ୟୁ ହୋଇଛି । ତେବେ ଜଙ୍ଗଲ ଓ ବନ୍ୟଜନ୍ତୁ ସୁରକ୍ଷା ପାଇଁ ବାର୍ତା ଦିଆଯିବା ଉଦେଶ୍ୟରେ ଏହି ଦିବସକୁ ପାଳନ କରାଯାଉଛି । ହେଲେ ଜଗନ ହାତୀକୁ ପର୍ଯ୍ୟଟକମାନେ ଗତବର୍ଷ ପରି ଏବର୍ଷ ମଧ୍ୟ ଦେଖିବାରୁ ବଂଚିତ ହୋଇଛନ୍ତି । କାରଣ ଗତ ୨୦୧୬ମେ ୩୦ ତାରିଖରେ ଜଗନର ମୃତ୍ୟୁ ଘଟିଛି ।

ହାତୀ ବଂଶ ବୃଦ୍ଧି ଓ ସେମାନଙ୍କ ସୁରକ୍ଷା ପାଇଁ ପ୍ରତିବର୍ଷ ଅଗଷ୍ଟ ୧୨ ତାରିଖରେ ପାଳିତ ହେଉଛି ବିଶ୍ୱ ହସ୍ତୀ ଦିବସ

ଜାଣନ୍ତୁ ଯୋଗ ର ଉପକାରିତା ବିଷୟରେ

Related posts

The Odisha Government Has Decided To Open 30 New Courts To Solve Pending Cases

ENO Beuro

ଶେଷ ହେଲା କଟକ ବାଲିଯାତ୍ରା,୧୦୦ କୋଟିରୁ ଅଧିକ ବେପାର କରିଛନ୍ତି ବ୍ୟବସାୟୀ

ENO Beuro

ମରାଠାକୁ ଶୀଘ୍ର ମିଳିବ ସଂରକ୍ଷଣ

ENO Beuro

1 comment

Leave a Comment

This website uses cookies to improve your experience. We'll assume you're ok with this, but you can opt-out if you wish. Accept Read More