ସରକାରୀ ବଙ୍ଗଳା ଖାଲି ନକରିବାକୁ ରାଘବଙ୍କୁ ଦିଲ୍ଲୀ ହାଇକୋର୍ଟର ନିର୍ଦେଶ

ଦିଲ୍ଲୀ ହୋଇକୋର୍ଟରୁ ଆମ ଆଦମୀ ପାର୍ଟି ସାଂସଦ ରାଘବ ଚଢାଙ୍କୁ ଅଶ୍ବସ୍ଥି ମିଳିଛି। ସରକାରୀ ବଙ୍ଗଳା ଖାଲିନକରିବାକୁ ରାଘବଙ୍କୁ ନିର୍ଦେଶ ଦେଇଛନ୍ତି ହାଇକୋର୍ଟ। ଟାଇପ -7 ବର୍ଗର ସରକାରୀ କୋଟାର ବଙ୍ଗଳା ଖାଲି କରି ଫ୍ଲାଟରେ ସିଫ୍ଟ ହେବା ପାଇଁ ରାଜ୍ୟସଭା ସଚିବାଳୟ ପକ୍ଷରୁ ନୋଟିସ ଜାରି କରାଯାଇଥିଲା । ପ୍ରଥମେ ତଳ କୋର୍ଟରୁ ଅନ୍ତରୀଣ ରହିତାଦେଶ ପାଇଥିଲେ ଚଢା । ପରେ ଉକ୍ତ ରହିତାଦେଶ ତଳକୋର୍ଟ ଖାରଜ କରିବା ପରେ ଚଢା ହାଇକୋର୍ଟରେ ହାଜର ହୋଇଥିଲେ । ଆଜି ଦିଲ୍ଲୀ ହାଇକୋର୍ଟଙ୍କ ବିଚାରପତି ଜଷ୍ଟିସ ଅନୁପ ଜୟରାମ ଭମ୍ବନୀ ତଳ କୋର୍ଟ ଏହି ମାମଲାରେ ଚୂଡାନ୍ତ ରାୟ ପ୍ରକାଶ ନକରିବା ପର୍ଯ୍ୟନ୍ତ ଏହି ମାମଲାରେ ଅନ୍ତରୀଣ ରହିତାଦେଶ ପ୍ରତ୍ୟାହାରକୁ ଖାରଜ କରିଛନ୍ତି । 

ସୂଚନାନୁସାରେ, ଅକ୍ଟୋବର 10 ତାରିଖରେ ତାଙ୍କ ସରକାରୀ ବଙ୍ଗଳାର ଆବଣ୍ଟନ ଶେଷ ହେବା ପରେ ମଧ୍ୟ ସେ ରାଜ୍ୟସଭା ସାଂସଦ ଭାବେ ଉକ୍ତ ବଙ୍ଗଳାକୁ ଦଖଲରେ ରଖିପାରିବେ ନାହିଁ ବୋଲି ତଳ କୋର୍ଟ କହିଥିଲେ । ଏହା ସହ ଏହାକୁ ଖାଲି କରିବା ପାଇଁ ରାଜ୍ୟସଭା ସଚିବାଳୟର ନୋଟିସକୁ ବୈଧ ଦର୍ଶାଇଥିଲେ ।