English
୩ ମାସ ବଢିଲା ମାଗଣାରେ ଆଧାର ବିବରଣୀ ଅପ୍ଡେଟ୍
ଯେଉଁମାନଙ୍କ ପାଖରେ ୧୦ ବର୍ଷରୁ ଅଧିକ ପୁରୁଣା ଆଧାର କାର୍ଡ ରହିଛି ତାହାର ବିବରଣୀକୁ ଅପ୍ଡେଟ୍ କରାଇବା ଲାଗି ୟୁଆଇଡିଏଆଇ ପକ୍ଷରୁ ଲୋକମାନଙ୍କୁ ଆହ୍ବାନ ଦିଆଯାଇଛି।
ଏନ୍ସିଇଆର୍ଟି (ଜାତୀୟ ଶୈକ୍ଷିକ ଅନୁସନ୍ଧାନ ଏବଂ ପ୍ରଶିକ୍ଷଣ ପରିଷଦ) କମିଟିର ଏକ ପ୍ରସ୍ତାବ ଅନୁଯାୟୀ ଆଗକୁ ଏନ୍ସିଇଆରଟି ପାଠ୍ୟପୁସ୍ତକରେ ‘ଇଣ୍ଡିଆ’ ବଦଳରେ ‘ଭାରତ’ ଲେଖାଯିବ। ଏନ୍ସିଇଆରଟି କମିଟି ସଦସ୍ୟଙ୍କ ଦ୍ବାରା ଏହି ପ୍ରସ୍ତାବକୁ ମଂଜୁରି ମିଳିଛି। ତେବେ ଏନ୍ସିଇଆରଟି ପୁସ୍ତକରେ କିଛି ପରିବର୍ତ୍ତନ ପାଇଁ କାମ କରୁଥିବା ୨୫ଟି କମିଟି ମଧ୍ୟରୁ ଏହା ଗୋଟିଏ। ଏହି ପ୍ରସ୍ତାବକୁ ଏଯାବତ ଚୂଡ଼ାନ୍ତ ସ୍ବୀକୃତି ମିଳିନାହିଁ। ପରବର୍ତ୍ତୀ ସମୀକ୍ଷା ପାଇଁ ଏହି ପ୍ରସ୍ତାବକୁ ଦିଲ୍ଲୀ ଏନ୍ସିଇଆର୍ଟିକୁ ପଠାଯାଇଛି। କମିଟିର ଅଧ୍ୟକ୍ଷ ସିଆଇ ଇସାକ କହିଛନ୍ତି, ପ୍ରସ୍ତାବଟି ଗତ କିଛି ମାସ ହେବ ପଡ଼ି ରହିଥିଲା ଏବଂ ଏବେ ଏହାକୁ ଅନୁମୋଦନ କରି ପଠାଯାଇଛି।
ସୂଚନାନୁସାରେ, ନିକଟରେ ଜି-୨୦ ସମ୍ମିଳନୀ ନିମନ୍ତ୍ରଣ ପତ୍ରରେ ‘ପ୍ରେସିଡେଣ୍ଟ୍ ଅଫ୍ ଇଣ୍ଡିଆ‘ ବଦଳରେ ‘ପ୍ରେସିଡେଣ୍ଟ୍ ଅଫ ଭାରତ’ ଲେଖାଥିଲା ଏବଂ ଏହାକୁ ନେଇ ରାଜନୈତିକ ବିବାଦ ସୃଷ୍ଟି ହୋଇଥିଲା।
